టాలీవుడ్‌ మోస్ట్‌ ప్రామిసింగ్‌ హీరోల్లో ఒకరు న్యాచురల్‌ స్టార్‌ నాని ప్రస్తుతం హాయ్‌ నాన్న సినిమా చేస్తున్నాడని తెలిసిందే. తండ్రీ కూతుళ్ల అనుబంధం నేపథ్యంలో నాని 30 గా తెరకెక్కుతున్న ఈ మూవీకి శౌర్యువ్‌ దర్శకత్వం వహిస్తున్నాడు. మృణాళ్‌ ఠాకూర్‌ హీరోయిన్‌గా నటిస్తోంది. ఈ చిత్రాన్ని డిసెంబర్‌ 7న గ్రాండ్‌గా విడుదల చేస్తున్నారు.
విడుదల తేదీ దగ్గరపడుతున్న నేపథ్యంలో నాని టీం ప్రమోషన్స్‌లో బిజీగా ఉంది. తాజాగా బోటు షికారు చేస్తున్న స్టిల్‌ను షేర్‌ చేశాడు నాని. ప్రతీ సీన్‌ వెనుక ఓ కథ ఉంటుంది..అంటూ క్యాప్షన్‌ ఇచ్చాడు. ఇప్పుడీ ఫొటో నెట్టింట హల్‌ చల్‌ చేస్తోంది. నాని మరోవైపు ‘హాయ్‌ నాన్న’ విడుదల కాకముందే కొత్త సినిమా నాని 31 అప్‌డేట్‌ కూడా ఇచ్చాడని తెలిసిందే.
ఈ మూవీని వివేక్‌ ఆత్రేయ డైరెక్ట్‌ చేస్తున్నాడు. డీవీవీ ఎంటర్‌టైన్‌మెంట్స్‌ తెరకెక్కిస్తున్న ఈ మూవీలో టాలెంటెడ్‌ యాక్టర్‌ కమ్‌ డైరెక్టర్‌ ఎస్‌జే సూర్య విలన్‌గా నటిస్తున్నాడు. హాయ్‌ నాన్న డిసెంబర్‌ 9న ప్రపంచవ్యాప్తంగా ప్రేక్షకుల ముందుకు రానుంది. ఇప్పటికే ‘హాయ్‌ నాన్న’ నుంచి లాంఛ్‌ చేసిన పాటలు, టైటిల్‌ గ్లింప్స్‌, గ్లింప్స్‌ వీడియో సినిమాపై అంచనాలు పెంచుతున్నాయి. ఈ మూవీలో మృణాళ్‌ ఠాకూర్‌ యశ్న పాత్రలో నటిస్తోండగా.. బేబి కైరా ఖన్నా నాని కూతురుగా నటిస్తోంది.
హాయ్‌ నాన్న నుంచి రిలీజ్‌ చేసిన హర్ట్‌ టచింగ్‌ ట్యూన్స్‌, పాటలు సినిమాపై సూపర్‌ బజ్‌ క్రియేట్‌ చేస్తున్నాయి. ఈ చిత్రాన్ని వైరా ఎంటర్‌టైన్‌మెంట్స్‌ బ్యానర్‌పై మోహన్‌ చెరుకూరి, డాక్టర్‌ విజేందర్‌ రెడ్డి తీగల, మూర్తి కేఎస్‌ తెరకెక్కిస్తున్నారు.