Hero Surya: తెలుగు, తమిళ సినిమా స్టార్ హీరోల్లో ఒకరైన సూర్య మరో సారి మంచి పని చేసి, మానవత్వం ఉన్న సాటి మనిషిగా పేరు తెచ్చుకున్నారు. ఇక వివరాల్లోకి వెళితే, బాల దర్శకత్వంలో సూర్య హీరోగా తెరకెక్కుతున్న ఓ సినిమాకు సంబంధించిన షూటింగ్ కన్యాకుమారిలో వేగంగా జరుపుకుంటోంది. ఈ క్రమంలో జాలర్లు నివసించే గుడిసెల మాదిరి ఇళ్లను భారీ ఖర్చుతో నిర్మించారు. అయితే షూటింగ్ అనంతరం వాటిని తీసేయకుండా ఇల్లు లేని నిరుపేద మత్స్యకారులకు ఇవ్వాలని హీరో సూర్య నిర్ణయించారు.
సూర్య తీసుకున్న ఈ నిర్ణయంపై పలువురు ఆనందం వ్యక్తం చేస్తున్నారు. ఈ విషయం తెలుసుకున్న అక్కడి ప్రాంత ప్రజలు కూడా ఆయన్ని ప్రసంశించకుండా ఉండలేక పోతున్నారు. దీంతో ఆయన ఫ్యాన్స్ ఇక సైలెంట్ గా ఉంటారా. సూర్యపై పొగడ్తల వర్షం కురిపిస్తున్నారు.
ఇలా చేయడం హీరో సూర్యకు కొత్తేం కాదు. కరోనా కాలంలో విడుదలై మంచి సక్సెస్ అందుకున్న జై భీమ్ చిత్రం సమయంలోనూ ఆయన ఇలాంటి పనే ఒకటి చేసి అందరి మన్ననలు పొందారు. ఈ సినిమాతో పాపులర్ అయిన, రియల్ సినతల్లి అమ్మాల్ కు సూర్య సాయం చేశారు. ఆమె పేరిట రూ. 10 లక్షలను బ్యాంక్ లో ఫిక్స్డ్ డిపాజిట్ చేసి అప్పట్లో కూడా మంచి పేరు తెచ్చుకున్నారు. అంతే కాకుండా దాని వల్ల నెల నెలా వచ్చే వడ్డీ కూడా అమ్మాల్ కు అందేటట్టు చేసి మరో మెట్టుకు ఎదిగారు హీరో సూర్య.