Surya : సినీ సెలబ్రిటీలు సమాజం కోసం తమకు తోచిన సాయం చేస్తూ పేదలకు, పిల్లలకు సహాయం అందిస్తూ సామాజిక సేవ చేస్తూనే ఉంటారు. చదువు, విద్య, ఆహారం మరియు ఇతర విషయాలలో సహాయపడుతూ ఈ రియల్ హీరోలు సమాజం కోసం తమ తోడ్పాటును అందిస్తూనే ఉంటారు.
తాజాగా తమిళ హీరో సూర్య తన మంచి మనసు చాటుకున్నాడు. తాజాగా హీరో సూర్య తాను నటిస్తున్న సినిమా కోసం వేసిన సెట్ లో నిర్మించిన ఇళ్లను పేద మత్స్యకారులకు ఉచితంగా అందించాలని నిర్ణయం తీసుకున్నారు అని తెలుస్తున్నది.
తాజాగా హీరో సూర్య బాలా దర్శకత్వంలో నటిస్తున్న చిత్రం కన్యాకుమారిలో శరవేగంగా షూటింగ్ జరుపుకుంటున్న ట్లు తెలిసినదే. ఈ చిత్రం షూటింగ్ కోసం భారీ వ్యయంతో జాలర్లు నివసించే గుడిసెల తరహాలోనే ఇళ్లను నిర్మించినట్లు తెలుస్తోంది. ఈ చిత్రం షూటింగ్ ముగిసిన తర్వాత షూటింగ్ కోసం నిర్మించిన ఈ ఇళ్లను కూల్చి వేయకుండా ఇళ్లు లేని నిరుపేద మత్స్యకారులకు ఇచ్చి వారికి నీడను కల్పించాలని హీరో సూర్య నిర్ణయించారని తెలుస్తోంది.
దీంతో హీరో సూర్య మంచి ఆశయంతో తలచిన ఈ ఆలోచననకు అక్కడి ప్రజలతో పాటు హీరో సూర్య అభిమానులు సంతోషం వ్యక్తపరుస్తూ తమ అభిమాన హీరోను అభినందిస్తూ ప్రశంసల జల్లు కురిపిస్తున్నారు.
ఇప్పటికే హీరో సూర్య తన జై భీమ్ సినిమా రియల్ సినతల్లి అమ్మాళ్ కు సహాయం అందించిన సంగతి తెలిసినదే. అమ్మాళ్ పేరు న బ్యాంక్ లో ఫిక్స్ డ్ డిపాజిట్ చేసి దాని ద్వారా వచ్చే నెల వారి వడ్డీని అమ్మాళ్ కు అందేలా చేసిన సంగతి తెలిసినదే.