మాస్ డైరెక్టర్ హరీష్ శంకర్ సోషల్ మీడియాలో ఎంత యాక్టివ్‌గా ఉంటాడో అందరికీ తెలిసిందే. సామాజిక సమస్యలపై స్పందించడంలో మరింత ముందుంటాడు. తాజాగా హరీష్ శంకర్ ఓ డైరెక్టర్‌పై సెన్సేషనల్ కామెంట్స్ చేశాడు. ఆ డైరెక్టర్ మరేవరో కాదు. ఉప్పెనతో తెలుగుతెరకు దర్శకుడిగా పరిచయం కాబోతోన్న బుచ్చిబాబు సన. ఇంతకీ ఆ దర్శకుడిపై అంత జెలస్ ఫీల్ ఎందుకు అవుతున్నాడో అసలు సంగతి చూద్దాం.
నిన్న ఉప్పెన నుంచి అదిరిపోయే ఫీల్ గుడ్ సాంగ్‌ను రిలీజ్ చేశారు. రంగులద్దుకుందాం అనే ఈ పాట మహేష్ బాబు చేతుల మీదగా రిలీజ్ యింది. రంగులద్దుకుందాం అనే పాట తెలుగు ప్రేక్షకులను బాగానే ఆకట్టుకుంది. ఇదే విషయాన్ని చెబుతూ… దేవీ అద్భుతమైన పాటలు ఇచ్చాడు.. నిన్ను చూస్తుంటే జెలసీగా ఉందని బుచ్చిబాబును ఉద్దేశించి ట్వీట్ చేశాడు. ఇక ఆ ట్వీట్‌కు బుచ్చిబాబు స్పందించాడు
సార్ మీ గబ్బర్ సింగ్ సాంగ్స్ వింటూ ఇప్పటికీ నేను జెలసీ ఫీల్ అవుతుంటా సార్… అని హరీష్ శంకర్‌ను పొగిడేశాడు.. మీకు చాలా పెద్ద ఫ్యాన్‌ను సర్‌జీ అంటూ అంటూ బుచ్చిబాబు రిప్లై ఇచ్చాడు. ఇక ఈ ఇద్దరి సంభాషణను చూసిన దేవీ శ్రీ ప్రసాద్ అదిరిపోయే కామెంట్ చేశాడు. మీ జెలసీలో ఉన్న ప్రేమ బయటకు కనిపిస్తోందంటూ దేవీ శ్రీ ప్రసాద్ అసలు సంగతి బయటపెట్టాడు.