‘శాకుంతలం’ సినిమాని సమంతతో తెరకెక్కించి, దాన్ని విడుదల చేసుకోవడానికి దర్శక నిర్మాత గుణశేఖర్ నానా తంటాలూ పడుతున్నాడు. భారీగా సినిమాలు తెరకెక్కించడం, విడుదల చేసుకోలేక ఇబ్బందులు పడటం గుణశేఖర్‌కి కొత్తేమీ కాదు.
ఇదిలా వుంటే, గుణశేఖర్ తదుపరి సినిమా ఓ కమర్షియల్ ప్రాజెక్ట్ అని అంటున్నారు. అయితే, అది కూడా హీరోయిన్ సెంట్రిక్ మూవీయేనట. పైగా, ఆ సినిమా కోసం ఆల్రెడీ సమంత దగ్గర ‘మాట’ తీసుకున్నాడట గుణశేఖర్.
ఎక్కువ టైమ్ తీసుకోకుండా, వేగంగానే సినిమా పూర్తి చేసి ప్రేక్షకుల ముందుకు తీసుకొస్తాడట గుణశేఖర్. సమంత గనుక తగినన్ని డేట్స్ ఇవ్వగలిగితే, ఈ ఏడాదే ఆ సినిమా కూడా ప్రేక్షకుల ముందుకొచ్చేస్తుందని గుణశేఖర్ ఆయన సన్నిహితుల వద్ద చెబుతున్నాడట. కానీ, సమంత ఇప్పుడు పూర్తి చేయాల్సిన ప్రాజెక్టులు చాలానే వున్నాయ్. సో, గుణశేఖర్ కాస్త వేచి చూడక తప్పదు.