రీసెంట్ గా అఖిల్ అక్కినేని నటించబోయే అఖిల్ 5 ప్రాజెక్ట్ ని అధికారకంగా ప్రకటించిన సంగతి తెలిసిందే. ప్రస్తుతం అఖిల్.. 4 వ సినిమాగా చేస్తున్న మోస్ట్ ఎలిజబుల్ బ్యాచిలర్ సెట్స్ మీదుండగానే ఈ లేటెస్ట్ మూవీని ప్రకటించడంతో అక్కినేని ఫ్యాన్స్ తెగ సంబరాడిపోయారు. సురేందర్ రెడ్డి దర్శకత్వంలో తెరకెక్కబోతున్న ఈ సినిమా ఏ.కే. ఎంటర్‌టైన్‌మెంట్స్ బ్యానర్ పై రామబ్రంహం సుంకర సమర్పిస్తుండగా అనిల్ సుంకర నిర్మిస్తున్నాడు.
అయితే చరణ్ ఆర్ఆర్ఆర్ లో నటిస్తున్న కారణంగా సురేందర్ రెడ్డి తో చేయాలనుకున్న కథ ని అఖిల్ కి ఇచ్చేసినట్టు చెప్పుకుంటున్నారు. చరణ్ కి అఖిల్ అంటే ప్రత్యేకమైన అభిమానం. ఇద్దరి మద్య అన్నదమ్ముల బంధం కనిపిస్తుంది. ఈ కారణంగానే తనకి బాగా నచ్చిన కథ అఖిల్ కి ఇచ్చినట్టు చెప్పుకుంటున్నారు. మొత్తానికి అఖిల్ 5 కి చరణ్ కథ సెట్ చేయడం ఇప్పుడు ఇండస్ట్రీలో ఆసక్తికరమైన చర్చ సాగుతుంది.
కాగా విజయ్ దేవరకొండ, సుకుమార్ వంటి క్రేజీ కాంబినేషన్ లో రూపొందనున్న సినిమాని అధికారకంగా వెల్లడించిన సంగతి తెలిసిందే. ఈ కాంబినేషన్ లో పాన్ ఇండియన్ సినిమాని విజయ్ దేవరకొండ స్నేహితుడు కేదార్ సెలగంశెట్టి మొదటిసారి నిర్మాగా అడుగుపెడుతూ భారీ బడ్జెట్ తో నిర్మిస్తున్నాడు. ఇక ఈ సినిమా 2022 లో రిలీజ్ అవుతుందని అంటున్నారు. ప్రస్తుతం అల్లు అర్జున్ తో పుష్ప తెరకెక్కిస్తున్న సుకుమార్ నెక్స్ట్ ప్రాజెక్ట్ ఇదే అంటున్నారు.
అయితే అఖిల్ సురేందర్ రెడ్డి కాంబినేషన్ సెట్ అవడానికి వెనకాల చరణ్ ఉన్నాడని వార్తలు వచ్చాయి. అంతేకాదు సుకుమార్, విజయ్ దేవరకొండ ప్రాజెక్ట్ వెనకాల అల్లు అర్జున్ ఉన్నాడని తాజాగా ప్రచారం మొదలైంది. అల్లు అర్జున్, సుకుమార్ ల మధ్య ప్రత్యేకమైన అనుబంధం ఉంది. అలాగే అల్లు అర్జున్ కి విజయ్ దేవరకొండ యాటిట్యూడ్ అంటే చాలా ఇష్టం అని చెబుతుంటారు. అందుకే సుకుమార్ ఒక కథ అల్లు అర్జున్ కి చెప్పగా అది విజయ్ కి పర్‌ఫెక్ట్ గా సెట్ అవుతుందని సలహా ఇచ్చాడట. నిజంగా మెగా హీరోలు చేస్తున్న ఈ పనికి ఫ్యాన్స్ చాలా ఎగ్జైట్ అవుతున్నారట. ఇండస్ట్రీ అంటే ఇలా ఐకమత్యంగా ఉండాలి.