సంచలన దర్శకుడు రాం గోపాల్ వర్మ శిష్యుడు అజ‌య్ భూప‌తి ఆర్ ఎక్స్ 100 వంటి సినిమాతో సంచలన విజయం అందుకున్న సంగతి తెలిసిందే. వాస్తవ సంఘటన ఆధారంగా తీసిన ఈ ఒక్క సినిమాతో ఓవర్ నైట్ స్టార్ డైరెక్టర్ అన్నంత పేరు దక్కించుకున్నాడు. కాని రెండవ సినిమా కోసం రెండేళ్ళ పైనే తిప్పలు పడ్డాడు. ‘మహా సముద్రం’ అన్న సినిమా కోసం అజ‌య్ భూప‌తి రవితేజ కోసం ట్రై చేశాడు. రవితేజ నో చెప్పాక నాగచైతన్య చేయాలనుకున్నాడు. ఎందుకనో నాగ చైతన్య కూడా నో అన్నాడు. ఫైనల్ గా యంగ్ హీరో శర్వానంద్ తో ‘మహా సముద్రం’ తీయబోతున్నాడు. ఇందుకు సంబంధించిన అధికారక ప్రకటన కూడా వచ్చిన సంగతి తెలిసిందే.
మొత్తానికి అందరూ కామెంట్స్ చేసినప్పటికి వేరే కథ కాకుండా ‘మహా సముద్రం’ సినిమానే సెట్స్ మీదకి తీసుకు రాబోతున్నాడు. ఇక ప్రముఖ నిర్మాణ సంస్థ. ఏ కే ఎంటర్‌టైన్‌మెంట్స్ బ్యానర్ లో.. అనిల్ సుంకర నిర్మిస్తున్నారు. అంతేకాదు ఈ సినిమా తెలుగు తమిళ భాషల్లో రూపొందనుంది. బొమ్మరిల్లు సినిమాతో టాలీవుడ్ లో మంచి క్రేజ్ సంపాదించుకున్న సిద్దార్థ్ సెకండ్ హీరోగా నటిస్తున్నాడన్న టాక్ ఉంది. కాగా ‘మహా సముద్రం’ లో సిద్దార్థ్ ది నెగిటివ్ రోల్ అన్న టాక్ కూడా ఉంది.
ఇక ఈ సినిమాలో హీరోయిన్ ఎవరన్నది తాజాగా క్లారిటీ ఇచ్చారు మేకర్స్. ఇటీవల నాని, సుధీర్ బాబు ల కాంబినేషన్ లో వచ్చిన వి సినిమాలో నాని కి జంటగా నటించిన అదితి రావు హైదరీ శర్వానంద్ కి జంటగా నటిస్తున్న అధికారకంగా ప్రకటించారు. అజ‌య్ ఇప్పటికే అదితి రావు హైదరికి కథ కూడా వినిపించాడు. అదితి రావు హైదరి కూడా ఈ సినిమా చేయడానికి బాగా ఆసక్తిగా ఉంది.
అయితే ఈ సినిమాలో సిద్దార్థ్ కి జంటగా నటించే హీరోయిన్ కూడా ఉన్నట్టు తెలుస్తుంది. కాని ఇంకా మేకర్స్ ఆ హీరోయిన్ ఎవరన్నది ఫైనల్ చేయలేదు. కాగా మజిలీ ఫేం ఈ సినిమాలో నటించడానికి చాలా ఆసక్తిగా ఉన్నట్టు సమాచారం. మజిలీ సినిమాలో చైతుకు జోడిగా ఫస్టాఫ్ లో నటించి మెప్పించిన ‘దివ్యాంశ కౌశిక్’ దాదాపు కన్‌ఫర్మ్ అంటున్నారు. మరి ఇంకా అధికారకంగా మాత్రం ఏ హీరోయిన్ అన్నది ఫైనల్ కాలేదు.