Amir Khan – Dil Raju: టాలీవుడ్‌ టాప్‌ ప్రొడ్యూసర్‌ దిల్‌ రాజు హిందీలో పలు సినిమాలు తెరకెక్కించాడని తెలిసిందే. అంతేకాదు ఇటీవలే బాలీవుడ్‌ స్టార్‌ హీరో అమీర్‌ ఖాన్‌ను కలిసి ఓ ప్రాజెక్ట్‌ చేసే విషయమై చర్చించినట్టు వార్తలు తెరపైకి వచ్చాయి. టాలీవుడ్‌ లీడింగ్ డైరెక్టర్‌ వంశీపైడిపల్లి ఈ సినిమాకు దర్శకత్వం వహించబోతున్నాడని ఇన్‌సైడ్‌ టాక్‌.
కాగా వంశీపైడిపల్లి ఇటీవలే అమీర్‌ ఖాన్‌కు సినిమా లైన్‌ను వినిపించగా.. ఎక్జయిట్‌ అయిన అమీర్‌ ఖాన్‌ పూర్తి స్క్రిప్ట్‌తో రావాలని సూచించాడట. తాజాగా దీనికి సంబంధించిన ఆసక్తికర అప్‌డేట్‌ నెట్టింట వైరల్‌ అవుతోంది. వంశీపైడిపల్లి స్క్రిప్ట్‌ వర్క్‌ పూర్తి చేశాడని.. త్వరలోనే దిల్‌ రాజుతో కలిసి ముంబైలో అమీర్‌ఖాన్‌ను కలువబోతున్నాడని బీటౌన్‌ సర్కిల్‌తోపాటు టాలీవుడ్‌లో వార్త ఒకటి హల్‌ చల్‌ చేస్తోంది.
Amir Khan: మరో పదేళ్లు పనిచేయగలను : అమీర్‌ఖాన్‌
ఒకవేళ ఈ ప్రాజెక్టు ఒకే అయితే మాత్రం దిల్‌ రాజు హోం బ్యానర్‌లో వంశీపైడిపల్లి- అమీర్‌ ఖాన్‌ కాంబోలో రాబోయే భారీ డీల్‌ అని చెప్పక తప్పదు. మరి ఈ క్రేజీ ప్రాజెక్టుపై రాబోయే రోజుల్లో అధికారిక ప్రకటన ఏదైనా వస్తుందేమో చూడాలంటున్నారు సినీ జనాలు. ఇంతకీ దిల్‌ రాజు ఎలాంటి సినిమా ప్లాన్‌ చేశాడోనని ఇండస్ట్రీ సర్కిల్‌లో ఆసక్తికర చర్చ నడుస్తోంది.
