టాలీవుడ్ ఇండస్ట్రీలో స్టార్ కమెడియన్ గా గుర్తింపు పొందిన అలీ గురించి ప్రత్యేకంగా పరిచయం చేయాల్సిన అవసరం లేదు. కొన్ని వందల సినిమాలలో కమెడియన్ గా, క్యారెక్టర్ ఆర్టిస్ట్ గా, హీరోగా నటించి ప్రేక్షకులను ఆకట్టుకున్న ఆలీ టాలీవుడ్ ఇండస్ట్రీలో స్టార్ కమెడియన్గా గుర్తింపు పొందాడు. ఇప్పటికీ ఆలీ సినిమాలలో నటిస్తూ బిజీగా ఉండటమే కాకుండా నిర్మాతగా మారి సినిమాలను తెరకెక్కిస్తున్నాడు. అంతేకాకుండా బుల్లితెర మీద ప్రసారమవుతున్న అలీ తో సరదాగా అనే టీవి షో లో వ్యాఖ్యాతగా వ్యవహరిస్తూ బుల్లితెర కూడా ఆకట్టుకుంటున్నాడు.
ఇదిలా ఉండగా ఇటీవల అలీ పెద్ద కుమార్తె ఫాతిమాకి హైదరాబాద్ లో ఘనంగా ఎంగేజ్మెంట్ జరిగిన విషయం తెలిసిందే. ఇక ఇప్పుడు అలీ ఇంట్లో పెళ్ళి పనులు మొదలయ్యాయి. తాజగా అలీ పెద్ద కూతురు ఫాతిమా హల్దీ ఫంక్షన్ ఘనంగా జరిగింది. ఈ హల్దీ వేడుకలలో అలీ తన కుటుంబ సభ్యులతో పాటు బంధువులు సన్నిహితులు కూడా హాజరయ్యారు. ఈ హల్ది ఫంక్షన్ కి సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈ ఫోటోలలో ఆలీ కుమార్తె ఫాతిమా పసుపు వర్ణంలో మెరిసిపోతూ కనిపించింది.
ఇక ఫాతిమా వివాహ వేడుకను కూడా ఆలీ ఎంతో ఘనంగా నిర్వహిస్తున్నట్లు సమాచారం. సినిమాలతో పాటు రాజకీయాలలో కూడా ఉత్సాహంగా పాల్గొంటున్న అలీకి ఇటీవల ఎలక్ట్రానిక్ మీడియా సలహాదారుడిగా జగన్ ప్రభుత్వం పదవిని కేటాయించింది. దీంతో అలీ ఈ పదవి తన కూతురు పెళ్లికి జగన్ ఇచ్చిన గిఫ్ట్ అంటూ వెల్లడించాడు. ఇక ఇటీవల అలీ తన సతీమణి జుబేదాతో కలిసి సీఎం జగన్ ని తన కూతురు వివాహానికి ఆహ్వానించారు. ఇలా సినిమా.. రాజకీయాలలో మంచి పేరున్న అలీ తన కూతురు వివాహాన్ని ఎంతో ఘనంగా నిర్వహించడానికి సన్నాహాలు చేసినట్లు తెలుస్తోంది.