ఓటిటి : రీసెంట్ సెన్సేషన్ “బేబీ” స్ట్రీమింగ్ డేట్ వచ్చేసింది!

ఈ ఏడాది టాలీవుడ్ సినిమా దగ్గర సక్సెస్ రేషియో చూసినట్టు అయితే సర్ప్రైజింగ్ గా ఆ చిత్రాల్లో చిన్న సినిమాలే ఎక్కువ ఉంటాయి అని చెప్పాలి. ఒకో నెల నుంచి అయితే ఒకో చిన్న చిత్రం బిగ్గెస్ట్ హిట్ కాగా ఈ చిత్రాల్లో ఐతే గత జూలై లో వచ్చిన బిగ్గెస్ట్ బాక్సాఫీస్ బ్లాక్ బస్టర్ చిత్రం “బేబీ” కూడా ఒకటి.

మరి ఈ చిత్రం టాలీవుడ్ హీరో విజయ్ దేవరకొండ తమ్ముడు ఆనంద్ దేవరకొండ హీరోగా యూట్యూబ్ సెన్సేషన్ వైష్ణవి చైతన్య హీరోయిన్ గా విరాజ్ మరో హీరోగా నటించిన ఈ చిత్రం ఏకంగా 91 కోట్లకి పైగా గ్రాస్ ని అయితే రాబట్టింది. అయితే థియేటర్స్ లో అద్భుతమైన రన్ ని కంటిన్యూ చేసిన ఈ చిత్రం అయితే ఎట్టకేలకు ఫినిషింగ్ స్టేజి కి వచ్చింది.

దీనితో ఈ చిత్రం ఓటిటి రిలీజ్ పై కూడా పలు వార్తలు రాగా మేము గతంలో చెప్పినట్టుగానే ఈ చిత్రం ఇప్పుడప్పుడే ఓటిటి లో వచ్చే ఛాన్స్ లేదని మేకర్స్ కూడా కన్ఫర్మ్ చేశారు. ఇక ఫైనల్ గా అయితే ఇప్పుడు ఐతే ఈ అవైటెడ్ చిత్రం ఓటిటి డేట్ ని ఇప్పుడు మేకర్స్ లాక్ చేసారు.

కాగా ఈ సినిమా స్ట్రీమింగ్ హక్కులు తెలుగు స్ట్రీమింగ్ యాప్ ఆహా వారు సొంతం చేసుకోగా అందులో ఈ చిత్రం ఈ ఆగష్టు 25 నుంచి అందుబాటులో ఉండనున్నట్టుగా ఇప్పుడే కన్ఫర్మ్ చేశారు. అలాగే ఆహా గోల్డ్ ఉన్నవారికి అయితే మరో 12 గంటలు ముందే ఈ చిత్రం స్ట్రీమింగ్ కి ఉంటుందని తెలిపారు. దీనితో ఈ సినిమా ఓటిటి డేట్ కోసం చూస్తున్న ఫ్యాన్స్ అందరికీ ఇదో గుడ్ న్యూస్ అని చెప్పి తీరాలి.