Bellam Konda Suresh:టాలీవుడ్ ఇండస్ట్రీలో బడా ప్రొడ్యూసర్ గా ఎంతో పేరు సంపాదించుకున్న బెల్లంకొండ సురేష్ గురించి ప్రత్యేకంగా చెప్పాల్సిన పనిలేదు. ఈయన ఎన్నో అద్భుతమైన చిత్రాలను నిర్మించి ప్రొడ్యూసర్ గా ఎంతో మంచి పేరు సంపాదించుకున్నారు. ఇదిలా ఉండగా ఒక చీటింగ్ కేసులో భాగంగా శ్రవణ్ కుమార్ అనే ఫైనాన్షియర్ బెల్లంకొండ సురేష్ అతని కుమారుడు బెల్లంకొండ సాయి శ్రీనివాస్ పై పోలీసులకు ఫిర్యాదు చేసిన సంగతి మనకు తెలిసిందే. శ్రవణ్ కుమార్ అనే ఫైనాన్షియల్ దగ్గర అధిక మొత్తంలో డబ్బులు తీసుకొని మోసం చేశారని తన డబ్బు తాను తిరిగి చెల్లించమని అడిగితే చంపేస్తామని బెదిరిస్తున్నట్లు శ్రవణ్ పోలీసులకు ఫిర్యాదు చేశారు.
ఇలా తనపై తన కుటుంబం పై వస్తున్న ఆరోపణల గురించి బెల్లంకొండ సురేష్ స్పందిస్తూ షాకింగ్ కామెంట్స్ చేశారు. ఈ సందర్భంగా తన కుటుంబం పై కొందరు ఉద్దేశపూర్వకంగానే కుట్ర పడుతున్నారని బెల్లంకొండ సురేష్ వెల్లడించారు. పోలీసుల విచారణకు సహకరిస్తానని ఆయన తెలిపారు. నన్ను, నా ఫ్యామిలీ ని ఇబ్బంది పెట్టేందుకు కొంత మంది ఉద్దేశపూర్వకంగానే ఇలాంటి కుట్రలు చేస్తున్నారని ఆయన పేర్కొన్నారు నేను ఫైనాన్షియర్ శ్రవణ్ కి ఒక్క పైసా కూడా అప్పులేనని ఈ సందర్భంగా బెల్లంకొండ సురేష్ వెల్లడించారు.
తాను తనకి అప్పు ఉన్నట్లు కనుక సాక్షాధారాలతో నిరూపించాలని అలా చూపించలేని పక్షంలో సదరు ఫైనాన్సియర్ శ్రవణ్ కుమార్ పై పరువు నష్టం దావా వేస్తానని ఆయన సూచించారు.నా ఫ్యామిలీ ఎదుగుదల చూడలేకే కొందరు ఇలా మా కుటుంబంపై ఆరోపణలు చేస్తున్నారని ఈ కుట్రలో ఫైనాన్షియర్ శ్రవణ్ కుమార్ తో పాటు మరికొంతమందికి కూడా భాగం ఉందని ఈ సందర్భంగా బెల్లంకొండ సురేష్ తనపై వస్తున్న చీటింగ్ కేసు గురించి స్పందిస్తూ షాకింగ్ కామెంట్స్ చేశారు.కేవలం నాపై మాత్రమే కాకుండా నా కొడుకు పేరు ప్రస్తావిస్తూ అతని కెరీర్ పై దెబ్బకొట్టాలని చూస్తున్నారని నా పిల్లల విషయానికి వస్తే అతనిని క్షమించేది లేదని లీగల్ గా శ్రవణ్ ను ఎదుర్కోవడానికి తాను సిద్ధంగా ఉన్నానని ఈ సందర్భంగా బెల్లంకొండ సురేష్ పేర్కొన్నారు.