Balakrishna: కరోనా తర్వాత టాలీవుడ్ లో అఖండ సినిమాతో తొలి ఘన విజయాన్ని సాధించారు నందమూరి బాలకృష్ణ. అఖండ తోనే కాకుండా అన్ స్టాప్అబుల్ టాక్ షో తో ఎంతటి ఘన విజయం సాధించిందో అందరికి తెలిసిందే. అన్ స్టోపబుల్ తో ఓ టీ టీ లో చరిత్ర సృష్టించారు.సింహా, లెజెండ్ వంటి సూపర్ హిట్ సినిమాల తర్వాత బోయపాటి బాలకృష్ణ కాంబినేషన్ లో ప్రేక్షకుల ముందుకు వచ్చిన మూడవ సినిమా “అఖండ” అంచనాలకు మించిన కలెక్షన్లతో రికార్డులు సృష్టించింది.
ప్రస్తుతం బాలకృష్ణ గోపీచంద్ మలినేని డైరెక్షన్ లో ఒక సినిమాకు, అనిల్ రావిపూడి డైరెక్షన్ లో మరో సినిమాకు ఓకే చెప్పారు. అయితే బాలకృష్ణ ప్రస్తుతం ఆచితూచి అడుగులు వేస్తున్నారు.గోపీచంద్ మలినేని సినిమాలో బాలకృష్ణ ఒక పూర్తి మాస్ పాత్రలో కనిపించబోతున్నట్టు వార్తలు వినిపిస్తున్నాయి. ఈ సినిమాకు సంబంధించి బాలయ్య లుక్ కి అభిమానుల నుంచి విశేష స్పందన లభించింది.దాంతో ఈ సినిమా మీద అంచనాలు బాగా పెరిగాయి.ఈ సినిమా పూర్తయిన తర్వాత బాలకృష్ణ అనిల్ రావిపూడి డైరెక్షన్ లో ఒక సినిమాని సైన్ చేశారు.
ఈ సినిమా గురించి మాట్లాడుతూ తన ముందు సినిమాలతో పోలిస్తే ఈ సినిమా చాలా విభిన్నంగా ఉండబోతోందని బాలయ్య పాత్ర కూడా అంతే డిఫరెంట్గా ఉంటుందని అనిల్ రావిపూడి అన్నారు. ఇక ఈ సినిమా తర్వాత బాలకృష్ణ చేయబోయే సినిమా మీద ఆసక్తి నెలకొంది.ఈ రెండు సినిమాల తర్వాత బాలకృష్ణ మళ్లీ బోయపాటి కాంబినేషన్లో ఒక సినిమా చేయాలని ప్లాన్ చేస్తున్నారట. వీరిద్దరి కాంబినేషన్లో ఇప్పుడు నాలుగవ సినిమా గా ఈ చిత్రం తెరకెక్కనున్నట్లు తెలుస్తోంది. ఇప్పటిదాకా బోయపాటి డైరెక్షన్ లో చేసిన ప్రతి సినిమా బాలకృష్ణ కి మర్చిపోలేని హిట్ గా మారింది. దీంతో బోయపాటి తో మళ్లీ ఈ సినిమా చేయడానికి బాలయ్య ఏమాత్రం అభ్యంతరాలు చెప్పడం లేదు. ప్రస్తుతం బోయపాటి కూడా రామ్ పోతినేని తో ఒక సినిమా చేస్తున్నారు.