మేనల్లుడు కోసం రంగంలోకి దిగిన మహేష్ బాబు.. సూపర్ స్టార్ తో ఫన్ క్రియేట్ చేద్దామంటున్న హీరో!

సూపర్ స్టార్ కృష్ణ మనవడు, మహేష్ బాబు మేనల్లుడు అయిన అశోక్ గల్లా తన సెకండ్ మూవీ దేవకీ నందన వాసుదేవ సినిమాతో అలరించడానికి సిద్ధంగా ఉన్నాడు. నవంబర్ 22న ఈ సినిమా థియేటర్లలోకి రాబోతుంది.ఈ చిత్రానికి గుణ 369 తో హిట్ కొట్టిన అర్జున్ జంధ్యాల దర్శకత్వం వహిస్తున్నారు. కాగా దర్శకుడు ప్రశాంత్ వర్మ ఈ సినిమాకి కథ అందించడం విశేషం.

ఈ సినిమాలో అశోక్ గల్లా కంప్లీట్ మాస్ యాక్షన్ ప్యాక్డ్ పాత్రలో కనిపించబోతున్నారు, గ్లింప్స్లో సూచించినట్లుగా ఈ యాక్షన్ ప్యాక్డ్ ఫ్యామిలీ ఎంటర్టైనర్ లో డివైన్ ఎలిమెంట్స్ కూడా ఉన్నాయి. ఇప్పటికే టీజర్, ట్రైలర్ సాంగ్స్ సినిమాపై మంచి బజ్ ని క్రియేట్ చేశాయి. అయితే మేనల్లుడు కోసం మహేష్ బాబు ఈ సినిమా ప్రమోషన్స్ కి బాగా హెల్ప్ చేస్తున్నట్లు సమాచారం.

ప్రమోషన్స్ లో భాగంగా తన సోషల్ మీడియాలో ఒక పోస్ట్ ని షేర్ చేస్తూ మహేష్ బాబుతో సూపర్ స్టార్ ఫన్ క్రియేట్ చేద్దాం.. ఆస్క్ ఎస్ఎస్ఎంబి అని ఓ హష్ ట్యాగ్ పెట్టారు. అంతేకాకుండా మహేష్ బాబు తో అశోక్ గళ్ళ దిగిన ఒక ఫోటోను కూడా షేర్ చేశారు. సాక్షాత్తు సూపర్ స్టార్ మహేష్ బాబు ఈ సినిమాకి ప్రమోషన్స్ ఇవ్వటంతో సినిమాపై ఓ రేంజ్ లో హైప్ క్రియేట్ అయింది. అసలు ఈ సినిమాని ముందు నవంబర్ 14న రిలీజ్ చేయాలనుకున్నారు మూవీ టీం కానీ అనివార్య కారణాల వలన నవంబర్ 22 కి పోస్ట్ ఫోన్ చేయవలసి వచ్చింది.

అశోక్ గల్లా సరసన వారణాసి మానస హీరోయిన్ గా నటిస్తోంది ఈ సినిమాకి సాయి మాధవ్ బుర్ర డైలాగ్స్ రాశారు, సినిమా ఆటోగ్రఫీని ప్రసాద్ మారెళ్ళ అందించారు. లలితాంబికా ప్రొడక్షన్స్ బ్యానర్ పై నల్లపనేని యామిని ఈ సినిమాని సమర్పిస్తున్నారు. బీమ్స్ సిసిరోలియో ఈ సినిమాకి మ్యూజిక్ అందిస్తున్నారు. అశోక్ గళ్లాకి ఈ సినిమా మంచి సక్సెస్ ఇవ్వాలని ఆశిస్తున్నారు ఘట్టమనేని ఫ్యాన్స్.