Allu Arjun: ఐకాన్ స్టార్ అల్లు అర్జున్ త్వరలోనే పుష్ప 2 సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ఈ సినిమా డిసెంబర్ ఐదవ తేదీ పాన్ ఇండియా స్థాయిలో విడుదల కానున్న నేపథ్యంలో భారీగా ప్రమోషన్ కార్యక్రమాలను నిర్వహిస్తున్నారు. ఈ క్రమంలోనే ఇటీవల పాట్నాలో సినిమా ట్రైలర్ లాంచ్ చేసిన సంగతి మనకు తెలిసిందే.
ఇక ఈ సినిమా ట్రైలర్ సోషల్ మీడియాలో వైరల్ అవ్వడమే కాకుండా భారీ స్థాయిలో వ్యూస్ రాబడుతూ సినిమాపై మరిన్ని అంచనాలను కూడా పెంచేసింది. ఇదిలా ఉండగా ఈ సినిమా ట్రైలర్ వీడియో పై ఎంతోమంది సినీ సెలబ్రిటీలు స్పందిస్తూ చిత్ర బృందానికి ఆల్ ద బెస్ట్ తెలియజేయడంతో సినిమాపై మరిన్ని అంచనాలు కూడా పెరుగుతున్నాయి.
ఇక ఈ సినిమాకి రాంగోపాల్ వర్మ రాజమౌళి వంటి ఎంతోమంది స్టార్ సెలబ్రిటీలు కూడా వారి అభిప్రాయాలను తెలియజేస్తూ సోషల్ మీడియాలో పోస్ట్ చేశారు. ఈ క్రమంలోనే యంగ్ హీరో కిరణ్ అబ్బవరం కూడా ఈ ట్రైలర్ వీడియో పై స్పందించారు. వైల్డ్ ఫైర్.. డిసెంబర్ ఐదవ తేదీ కోసం వెయిటింగ్ అంటూ ఈయన పోస్ట్ చేశారు. ఇలా కిరణ్ అబ్బవరం చేసిన ఈ పోస్టుపై అల్లు అర్జున్ స్పందించారు.
ఈ సందర్భంగా అల్లు అర్జున్ రిప్లై ఇస్తూ థాంక్యూ సో మచ్ బ్రదర్ అంటూ రిప్లై ఇవ్వడమే కాకుండా నేను మీ క సినిమా చూడలేకపోయాను క్షమించాలి అంటూ క్షమాపణలు కోరారు. ఇటీవల కాలంలో కాస్త బిజీగా ఉన్న నేపథ్యంలో తాను క సినిమా చూడలేదు త్వరలోనే ఈ సినిమా చూసి మీకు తప్పనిసరిగా ఫోన్ చేస్తాను అంటూ కిరణ్ అబ్బవరంకు అల్లు అర్జున్ క్షమాపణలు చెప్పడంతో ఇది కాస్త సంచలనంగా మారింది. ఇక ఈయన ఇటీవల క అనే సినిమా ద్వారా ప్రేక్షకుల ముందుకు వచ్చి ఊహించని విజయాన్ని అందుకున్నారు. దీపావళి పండుగను పురస్కరించుకొని క సినిమా విడుదల అయ్యి భారీ కలెక్షన్లను రాబట్టిన సంగతి తెలిసిందే.
Wildfireuuuu 🔥🔥🔥
Dec 5th 🙏🙏🙏@alluarjun @MythriOfficial @aryasukku @iamRashmika #Pushpa2 #AAwildfire pic.twitter.com/jmDJzvskcl
— Kiran Abbavaram (@Kiran_Abbavaram) November 18, 2024