అక్కినేని అఖిల్‌కు సరైన కమర్షియల్ హిట్‌ అయితే ఇప్పటి వరకు లేదు. ఆయన గతేడాది మోస్ట్‌ ఎలిజిబుల్‌ బ్యాచ్‌లర్‌ సినిమాతో ప్రేక్షకుల ముందుకు వచ్చి హిట్టు సాధించింది. బొమ్మరిల్లు భాస్కర్ దర్శకత్వంలో పూజ హెగ్డే హీరోయిన్‌గా తెరకెక్కిన ఆ సినిమా ఫ్యామిలీ ఆడియెన్స్‌కు బాగానే చేరువైంది. అయినప్పటికీ ఆ సినిమా కమర్షియల్‌గా సక్సెస్‌ అయితే సాధించ లేకపోయాడు. ప్రస్తుతం అఖిల్ ఆశలన్ని ఏజెంట్ సినిమాపైనే ఉన్నాయి.
ప్రస్తుతం అఖిల్ చేస్తోన్న ఏజెంట్ మూవీ సురేందర్ రెడ్డి దర్శకత్వంలో తెరకెక్కుతోంది. ఇప్పటికే రిలీజైన పోస్టర్‌లు, టీజర్‌ చూస్తే అర్థం అవుతోంది. ఇక ఈ చిత్రం స్పై యాక్షన్ థ్రిల్లర్‌గా రాబోతున్నట్లు తెలుస్తోంది. ఈ చిత్రంలో అఖిల్ రా ఏజెంట్‌గా కనిపించనున్నాడు. అఖిల్ సినిమాపై ప్రేక్షకులు అంచనాలు పెట్టుకున్నప్పటికీ… ఈ సినిమా నుంచి అయితే వస్తోన్న అప్‌డేట్ ఆకట్టుకోలేకపోతుంది.
ఏజెంట్ సినిమా ఇప్పటికే రిలీజ్ కావాల్సింది పలు కారణాల వల్ల వాయిదా పడుతూ వచ్చింది. ఇక ఈ సినిమాను ఎట్టకేలకు ఏప్రిల్ 28న ప్రేక్షకుల ముందుకు తీసుకురానున్నట్లు చిత్రబృందం ప్రకటించింది. ఈ క్రమంలో మేకర్స్‌ వరుస అప్‌డేట్‌లను ప్రకటిస్తూ సినిమాపై మంచి బజ్‌ క్రియేట్ చేసే ప్రయత్నం చేస్తున్నారు. అయితే ఈ సినిమా నుంచి వస్తోన్న అప్‌డేట్‌లు సినిమాపై హైప్ క్రియేట్ చేయలేక పోతున్నాయి.
ఏప్రిల్ 28వ తేదీన రిలీజ్ అంటే దాదాపు నెల రోజుల సమయం ఉంది. అయినా.. ఈ సినిమా గురించి ప్రమోషన్స్ లేవు. అందులోనూ ఈ సినిమా పాన్ ఇండియా రేంజ్‌లో రిలీజ్ కాబోతుంది. రిలీజ్ అయిన పాటలు కూడా అంతంత మాత్రంగానే ఉంటున్నాయి. వాటికి ప్రేక్షకుల నుంచి సరైన రెస్పాన్స్ అయితే రావట్లేదు. అయినా.. ఈ సినిమా యూనిట్ శ్రద్ధ తీసుకోవడం లేదు. ఇక ఇలాగే ఉంటే.. ఈ సినిమా గట్టేక్కడం కష్టమే అంటున్నారు సినీ విశ్లేషకులు.
యాక్షన్ థ్రిల్లర్‌ నేపథ్యంలో తెరకెక్కుతున్న ఈ సినిమాలో మలయాళ స్టార్‌ మమ్ముట్టి కీలకపాత్ర పోషించాడు. ఏకే ఎంట‌ర్టైన‌మెంట్స్ బ్యాన‌ర్‌తో క‌లిసి సురేందర్ రెడ్డి స్వీయ నిర్మాణంలో ఈ సినిమాను తెర‌కెక్కిస్తున్నాడు. అఖిల్‌కు జోడీగా సాక్షీ వైద్య న‌టిస్తుంది. తెలుగుతో పాటు తమిళ, హిందీ, మలయాళ, కన్నడ భాషల్లో ఈ సినిమాను రిలీజ్ చేస్తున్నారు. చూడాలి ఈ సినిమా ఏ మేర ఆకట్టుకుంటుందో.