‘అదితి రావ్ హైద‌రి అంటే హడల్’ అంటున్నారు టాలీవుడ్ జనాలు. కామ్ గానే కనిపిస్తూ తన అతి తెలివిని ప్రదర్శించడంలో ఆమెను మించిన తార మరొకరు లేరని అంటున్నారు. గుట్టు చప్పుడు కాకుండా ఓ కుర్ర హీరోతో ఎఫైర్ ను కొనసాగిస్తుందట.
అంద‌చందాల‌తో పాటు అభిన‌య సామ‌ర్థ్యం పుష్క‌లంగా ఉన్న తార‌గా ఇటు ప్రేక్ష‌కుల, అటు విమ‌ర్శ‌కుల ప్ర‌శంస‌లు పొందుతోంది అదితి రావ్ హైద‌రి. ఈ బ్యూటీ కెరీర్ లో స్పీడ్ ను పెంచింది. తాజాగా శ‌ర్వానంద్‌, సిద్ధార్థ్ హీరోలుగా న‌టిస్తోన్న ‘మ‌హాస‌ముద్రం’లో హీరోయిన్‌గా ఎంపికైంది. ఈ సినిమాని ‘ఆర్ఎక్సు 100’ ఫేమ్ అజ‌య్ భూప‌తి డైరెక్ట్ చేస్తున్నారు.
ప‌ర్ఫార్మెన్సుకు బాగా స్కోప్ ఉన్న ఆ కీల‌క పాత్ర‌కు ప‌లువురి తార‌ల పేర్ల‌ను ప‌రిశీలించాక, అదితి రావ్ అయితే ఆ పాత్ర‌కు న్యాయం జ‌రుగుతుంద‌ని ద‌ర్శ‌క నిర్మాత‌లు భావించారు. ఈ ప్రాజెక్టులో భాగం కావ‌డంతో అదితి రావ్ సైతం ఆనందం వ్య‌క్తం చేశారు. ల‌వ్ అండ్ యాక్ష‌న్ డ్రామా అయిన ‘మ‌హాస‌ముద్రం’ను ఎ.కె. ఎంట‌ర్‌టైన్‌మెంట్ బ్యాన‌ర్‌పై సుంక‌ర రామ‌బ్ర‌హ్మం నిర్మిస్తున్నారు. ఈ చిత్రం తర్వాత తానేంటో చూపిస్తానంటోంది!?