మన హైదరాబాదీ అమ్మాయి అదితిరావు హైదర కెరీర్‌ ప్రారంభంలో మలయాళ, హిందీ, తమిళ, మరాఠీ చిత్రాల్లోనే ఎక్కువగా నటిస్తూ వచ్చింది. దాదాపు పదకొండేళ్ల తర్వాత తెలుగులో ఇంద్రగంటి మోహనకృష్ణ తెరకెక్కించిన సమ్మోహనం చిత్రంతో హీరోయిన్‌గా తెలుగు ప్రేక్షకులకు పరిచయమయింది.
తర్వాత అంతరిక్షం సినిమాలో నటించి మెప్పించ్చింది. ఇప్పుడు మరోసారి ఇంద్రగంటి దర్శకత్వంలో అదితిరావు హైదరి నటించిన మరో చిత్రం వి. ఈ చిత్రం సెప్టెంబర్‌ 5న అమెజాన్‌ ప్రైమ్‌లో విడుదలైంది. సాహెబా పాత్రలో అదితిరావు హైదరి అందరినీ అలరించ్చింది. ఇప్పుడు ఎక్కడికి వెళ్లినా.. అందరూ అదితిరావు హైదరిని ‘సాహెబా.. సాహెబా..’ అనే అంటున్నారట.
ఈ విషయం గురించి చెబుతూ.. నానితో జోడీ కట్టాలనుకుంటున్న సమయంలో ‘వి’ స్క్రిప్ట్‌ నా దగ్గరకు వచ్చింది. స్క్రిప్ట్‌ వినగానే నాకు బాగా నచ్చింది. ఇంద్రగంటిగారు నన్ను ‘సమ్మోహనం’ సినిమాతో తెలుగు ప్రేక్షకులకు పరిచయం చేశారు. ఆయన వర్కింగ్‌ స్టయిల్‌ నాకు తెలుసు. కాబట్టి ఓకే చెప్పాను. పాత్ర ఇరవై నిమిషాలుందా? లేక రెండు గంటలుందా? అని చూసుకోలేదు. సినిమా అంతటికీ నా పాత్రనే కనెక్టివ్‌గా సాగుతుంది. నా పాత్రను చక్కగా డిజైన్‌ చేశారు.
నేను ఈ సినిమాలో యాక్ట్‌ చేయక ముందే నేను నానికి పెద్ద ఫ్యాన్‌ని. అతడంటే నాకు చాలా ఇష్టం. ఈ సినిమాలో తనతో కలిసి నటించిన తర్వాత తనకింకా పెద్ద ఫ్యాన్‌గా మారిపోయాను’ అంటూ చెప్పుకొచ్చింది.