నాని కెరీర్‌లో మరొక విభిన్న ప్రయోగానికి ‘ది ప్యారడైజ్’ రూపం దాలుస్తోంది. ‘దసరా’ విజయాన్ని మరింత బలపరిచేలా దర్శకుడు శ్రీకాంత్ ఓదెలతో మళ్లీ కాంబినేషన్ కుదిరింది. 1980ల కాలంలో నడిచే ఈ పాన్ వరల్డ్ యాక్షన్ డ్రామా కథా నేపథ్యమే కాక, ఇందులో నానిని ఎదుర్కొనే విలన్ క్యారెక్టర్ హైలైట్ కానుందని సమాచారం. ముఖ్యంగా బాలీవుడ్ నుంచి రాఘవ్ జుయల్ ఎంపికవడం ఇప్పుడు సినీ వర్గాల్లో చర్చనీయాంశంగా మారింది.
‘కిల్’ సినిమాలో తన విలక్షణమైన పెర్ఫార్మెన్స్‌తో గుర్తింపు తెచ్చుకున్న రాఘవ్ జుయల్, ఈసారి పూర్తి స్థాయిలో నానికి ధీటైన పాత్రలో కనిపించనున్నాడని టాక్. అతడి పాత్రకు సైకో షేడ్స్ ఉండబోతున్నాయట. బాడీ లాంగ్వేజ్, కంట్రోల్డ్ డైలాగ్ డెలివరీతో రాఘవ్ ఆకట్టుకునే విధంగా స్క్రిప్ట్ డిజైన్ చేసినట్టు టీమ్ వర్గాలు చెబుతున్నాయి. ఈ క్యారెక్టర్ స్టోరీలో కీలక మలుపులు తేబోతుందని సమాచారం.
ఇక మ్యూజిక్ డిపార్ట్‌మెంట్‌లో అనిరుధ్ రవిచందర్ ఎంట్రీతో మాస్ ప్రేక్షకుల్లో హైప్ హై లెవెల్‌కు చేరిందని చెప్పాలి. హీరోయిన్‌గా కాయదు లోహర్ ఎంపికపై గట్టి బజ్ ఉంది కానీ అధికారిక ప్రకటన అందాల్సి ఉంది. టెక్నికల్ టీమ్ నుంచి సినిమాటోగ్రాఫర్ జీకే విష్ణు తప్పుకున్న తరువాత, మేకర్స్ కొత్త డీవోపిని ఖరారు చేయాల్సిన పని ఇంకా పెండింగ్‌లోనే ఉంది. మొత్తంగా నాని vs సైకో విలన్ అనే కాన్సెప్ట్‌తో ‘ది ప్యారడైజ్’ ఒక హై ఇంటెన్సిటీ ఎంగేజ్‌మెంట్‌గా ఉండబోతోంది. 2026 సమ్మర్ రిలీజ్‌ లక్ష్యంగా షూటింగ్ షెడ్యూల్‌ను టీమ్ ఖరారు చేసేందుకు సిద్ధమవుతోంది.