బాలీవుడ్ స్టార్ హీరో ఆమిర్ ఖాన్ ముద్దుల కూతురు ఐరా ఖాన్ ఈ మ‌ధ్య వార్త‌ల‌లో ఎక్కువ‌గా నిలుస్తుంది. కొద్ది రోజుల క్రితం ఓ వీడియో షేర్ చేస్తూ.. తాను ఎదుర్కొన్న లైంగిక స‌మ‌స్య‌ల‌తో పాటు తన త‌ల్లిదండ్రుల విడాకుల గురించి ఓపెన్‌గా చెప్పింది. అందం, ఐశ్వ‌ర్యం ఉన్న నేను మాన‌సిక ఒత్తిడికి లోన‌య్యాను. మూడేళ్ల కింద తన ప్రవర్తనలో తనకే తెలియని మార్పులు వచ్చాయని.. ఏదో తెలియని ఆలోచనలో ఎప్పుడూ ఉంటాననే విషయం అర్థమైపోయిందని చెప్పుకొచ్చింది ఐరా.
14 ఏళ్ళ వ‌య‌స్సులో త‌న‌పై జ‌రిగిన లైంగిక దాడి గురించి కూడా మాట్లాడిన ఐరా.. అప్పుడు ఏం చేస్తున్నాడో కూడా తెలిసేది కాదు. అర్ద‌మ‌య్యాక పేరెంట్స్ కు చెప్పి స‌మ‌స్య ప‌రిష్క‌రించుకున్నానని అంది. ఇక తన త‌ల్లిదండ్రులు విడాకులు తీసుకున్నా కూడా ఆ ప్ర‌భావం ఎప్పుడు త‌న‌పై ప‌డ‌నివ్వ‌లేద‌ని పేర్కొంది. మొత్తానికి ఒక్క వీడియోతో అంద‌రి దృష్టిని ఆక‌ర్షించిన ఐరా ఇప్పుడు తన ప్రేమాయ‌ణంతో హాట్ టాపిక్‌గా మారింది. ఆమిర్ ఖాన్ ఫిట్‌నెస్ కోచ్ నుపుర్ షికారేతో ఐరా ప్ర‌స్తుతం రిలేష‌న్‌లో ఉంద‌ని, కొన్నాళ్లుగా వీరిద్ద‌రు డేటింగ్‌లో కూడా ఉన్న‌ట్టు బాలీవుడ్ మీడియా చెబుతుంది.
మిషాల్ క్రిపాల‌నీతో కొన్నాళ్లుగా ప్రేమాయ‌ణంలో ఉన్న ఐరా 2019లో అత‌నికి బ్రేకప్ చెప్పింది. ఆ త‌ర్వాత నుపుర్‌తో ప్రేమాయణం సాగిస్తుంది.మ‌హాబ‌లేశ్వ‌ర్‌లోని ఆమీర్ ఫాం హౌస్‌లో వీరిద్ద‌రు కొద్ది రోజుల పాటు వెకేష‌న్‌కు కూడా వెళ్లార‌ట. తన త‌ల్లి రీనా ద‌త్తాకు కూడా బాయ్ ఫ్రెండ్‌ని ప‌రిచ‌యం చేసింద‌ట ఐరా. అంతేకాదు వీరు క‌లిసి పండుగ‌లు కూడా సెల‌బ్రేట్ చేసుకుంటున్నార‌ట . త్వ‌ర‌లో వీరి వివాహం జ‌ర‌గ‌డం ఖాయంగా క‌నిపిస్తుంది. మ‌రోవైపు ఐరా హీరోయిన్‌గా వెండితెర‌కు ప‌రిచ‌యం కానుంద‌ని టాక్