సూప‌ర్ స్టార్ కృష్ణ న‌ట వార‌స‌త్వాన్ని పుణికి పుచ్చుకొని ఇండ‌స్ట్రీలోకి ఎంట్రీ ఇచ్చిన మహేష్ బాబు ప్ర‌స్తుతం టాలీవుడ్ టాప్ స్టార్స్‌లో ఒక‌రిగా ఉన్నాడు. ఆయన క్రేజ్ చూసి అభిమానులే కాదు తోటి స్టార్స్ కూడా స్ట‌న్ అవుతున్నారు. ఒక్కో మెట్టు ఎక్కుతూ స్టార్ హీరోగా ఎదిగిన మహేష్ ఇండ‌స్ట్రీలోనే కాదు సోష‌ల్ మీడియాలోను త‌న స‌త్తా చాటుతున్నాడు. త‌న ప్ర‌తి సినిమాకు సంబంధించిన అప్‌డేట్స్‌తో పాటు ఫ్యామిలీ విష‌యాల‌ను కూడా సామాజిక మాధ్య‌మాల‌లో షేర్ చేసుకునే మహేష్ ఇప్పుడు స‌రికొత్త రికార్డ్ క్రియేట్ చేశారు.
మహేష్ బాబు తాజాగా ట్విట్టర్ లో ఎక్కువ మంది ఫాలోవర్స్ కలిగిన సౌత్ హీరో గా రికార్డ్ సాధించారు. ప్ర‌స్తుతం అత‌నికి 11 మిలియ‌న్స్ మంది ఫాలోవర్స్ ఉండ‌డంతో అభిమానుల‌తో పాటు సెల‌బ్రిటీలు సైతం ఆశ్చ‌ర్యం వ్య‌క్తం చేస్తున్నారు. #11millionmaheshians అనే హ్యష్ ట్యాగ్ ప్ర‌స్తుతం సోష‌ల్ మీడియాలో తెగ ట్రెండ్ అవుతుంది. మహేష్ ఫాలోవర్స్ విష‌యానికి వ‌స్తే ఇన్ స్టాగ్రాం లో 6.1 మిలియన్ ఫాలోవర్స్ ఉండగా, ఫేస్ బుక్ లో 5.8 మిలియన్ ఫాలోవర్స్ ఉన్నారు. టాలీవుడ్‌లో ఎక్కువ ఫాలోవర్స్ ఉన్న హీరోగా మహేష్ ప్ర‌త్యేక గుర్తింపు ద‌క్కించుకున్నాడు.
ఈ ఏడాది స‌రిలేరు నీకెవ్వ‌రు చిత్రంతో ప్రేక్ష‌కుల ముందుకు వ‌చ్చిన మహేష్ బాబు ఆర్మీ ఆఫీస‌ర్‌గా అద‌ర‌గొట్టాడు. ప్ర‌స్తుతం స‌ర్కారు వారి పాట అనే సినిమా చేసేందుకు స‌న్న‌ద్ధ‌మ‌య్యాడు. ఈ సినిమా జ‌న‌వ‌రి నుండి షూటింగ్ జ‌రుపుకోనుండ‌గా, ప‌ర‌శురాం చిత్రాన్ని తెర‌కెక్కించ‌నున్నాడు. కొద్ది రోజుల క్రితం ఈ చిత్ర పూజా కార్య‌క్ర‌మాలు న‌మ్ర‌త, సితార స‌మ‌క్షంలో జ‌రిగిన సంగ‌తి తెలిసిందే. స‌ర్కారు వారి పాట చిత్రంలో కీర్తి సురేష్ క‌థానాయిక‌గా న‌టిస్తుంది.