సంచ‌ల‌నాల రాంగోపాల్ వర్మ `ప‌వ‌ర్ స్టార్` టైటిల్ తో ఓ సినిమా తెర‌కెక్కిస్తోన్న సంగ‌తి తెలిసిందే. ఇది పవన్ క‌ళ్యాణ్ క‌థ కాదంటూనే! త‌న‌దైన శైలిలో ప్ర‌చారం చేసుకుంటూనే పవన్ అభిమానులు రెచ్చ‌గొట్టేలా చేస్తున్నారు. ఇప్ప‌టికే విడుద‌లైన పోస్ట‌ర్లు వివాదాస్ప‌దంగా మారాయి. ఈ సినిమాని ఓటీటీ రిలీజ్ చేయాల‌నుకున్న శ్రేయాస్ మీడియాని రిలీజ్ చేయ‌కూడ‌దంటూ నిర్మాత‌ల నుంచి హెచ్చ‌రిక‌లు వెళ్లాయి. మ‌రి ఇది రిలీజ్ అవుతుందా? కాదా? అన్న‌ది పక్కనబెడితే? తాజాగా వర్మ మ‌రో కొత్త పోస్ట‌ర్ ని రిలీజ్ చేసాడు. ఇందులో పవన్ క‌ళ్యాణ్ పాత్రధారి..షూటింగ్ స్పాట్ లో ఓ ద‌ర్శ‌కుడిని చెంప మీద లాగిపెట్టి కొట్టిన‌ట్లు ఉంది.
పాత్రధారి పవన్ పొలిటిక‌ల్ ఆహార్యంలో ఉండ‌గా…ద‌ర్శ‌కుడు పాత్ర‌దారి నెత్తికి టోపీ..మెడ‌లో క‌ర్చీప్ క‌ట్టుకుని త్రివిక్ర‌మ్ ఆహార్యంలో ఉన్నాడు. చెంప మీద చాచి పెట్టి కొడితే ముఖం ఓ ప‌క్క‌కి ఎలా వాలిపోతుందో….ఇందులో ద‌ర్శ‌కుడి ముఖం అలాగే ఏట‌వాలుగా వాలిపోయింది. ఎప్పుడో షూటింగ్ స‌మ‌యంలో ఓసారి పవన్ క‌ళ్యాణ కోపంతో ఓ ద‌ర్శ‌కుడిని చెంప మీద కొట్టిన‌ట్లు ఓ ప్ర‌చార‌మైతే ఉంది. వర్మ తీసిన ఈ స‌న్నివేశానికి, ఆ ప్ర‌చారానికి ఏదైనా సంబంధం ఏదైనా ఉందా? అన్న అనుమానాలు వ్య‌క్తం అవుతున్నాయి. ఆ విష‌యాల‌న్నీ పక్కనబెడితే వర్మ ప‌వ‌ర్ స్టార్ ప్ర‌మోష‌న్ అయితే మార్కెట్ లో జోరుగానే జ‌రిగిపోతుంద‌నాలి. పవన్ క‌ళ్యాణ్ పేరుతో సినిమాకి బ‌జ్ ఎలా తీసుకురావాలో? అలాగే వర్మ తెలివిగా తీసుకొస్తున్నాడు.
మార్కెట్ లో పవన్ క‌ళ్యాణ్ కు ఉన్న క్రేజ్ ను ఎన్ క్యాష్ చేసుకుంటున్నాడు. మ‌రి వర్మ నా? మ‌జాకానా? ఇక ఈ సినిమా రిలీజ్ విష‌యంలో త‌లెత్తుతోన్న సందేహాల నేప‌థ్యంలో! రిలీజ్ కు ఎవ‌రూ గ‌నుక ముందుకు రాక‌పోతే వర్మ నేరుగా విడుద‌ల చేసే అవ‌కాశం ఉంది. ఎందుకంటే ఇలాంటి సాహ‌సాలు వర్మ గ‌తంలో చేసిన అనుభ‌వం ఉంది. ఓటీటీ కాక‌పోతే యూ ట్యూబ్ లోనైనా రిలీజ్ చేసి ఈగోని సంతృప్తిని ప‌రుచుకునే ర‌కం. కాబ‌ట్టి ప‌వ‌ర్ స్టార్ రిలీజ్ విష‌యంలో వర్మ అభిమానులు, ఫాలోవ‌ర్స్ టెన్ష‌న్ ప‌డాల్సిన ప‌నిలేదు.