నేషనల్ కౌన్సిల్ ఫర్ సిమెంట్ అండ్ బిల్డింగ్ మెటీరియల్స్ నిరుద్యోగులకు తీపికబురు అందించింది. మొత్తం 21 ఉద్యోగ ఖాళీల భర్తీ కోసం ఈ సంస్థ నుంచి తాజాగా జాబ్ నోటిఫికేషన్ రిలీజైంది. ఆన్ లైన్ లో ఈ ఉద్యోగ ఖాళీలకు దరఖాస్తు చేసుకునే అవకాశం ఉండగా ncbindia.com వెబ్ సైట్ ద్వారా ఈ ఉద్యోగ ఖాళీలకు సంబంధించి పూర్తి వివరాలను తెలుసుకునే అవకాశం అయితే ఉంటుందని చెప్పవచ్చు.
ఆన్ లైన్ లో మాత్రమే ఈ ఉద్యోగ ఖాళీలకు దరఖాస్తు చేసుకోవాల్సి ఉంటుంది. మార్చి నెల 24వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీ కాగా అర్హత, ఆసక్తి ఉన్న అభ్యర్థులు వెంటనే ఈ ఉద్యోగాలకు దరఖాస్తు చేసుకుంటే మంచిది. ఈ జాబ్ నోటిఫికేషన్ ద్వారా డిప్యూటీ మేనేజర్, మేనేజర్ ఉద్యోగ ఖాళీలతో పాటు గ్రూప్ మేనేజర్, జనరల్ మేనేజర్, ఆఫీస్ అసిస్టెంట్ ఉద్యోగ ఖాళీలను భర్తీ చేయనున్నారు.
కెమికల్, సివిల్ ఇంజనీరింగ్ విభాగాలలో బీటెక్ పూర్తి చేసిన వాళ్లు డిప్యూటీ మేనేజర్ ఉద్యోగ ఖాళీల కోసం దరఖాస్తు చేసుకునే అవకాశాన్ని కలిగి ఉంటారు. మెకానికల్ ఇంజనీరింగ్, కంప్యూటర్ సైన్స్ పూర్తి చేసిన వాళ్లు మేనేజర్ ఉద్యోగాలకు దరఖాస్తు చేసుకోవచ్చు. కనీసం 5 ఏళ్ల అనుభవం ఉన్నవాళ్లు మాత్రమే మేనేజర్ ఉద్యోగాలకు దరఖాస్తు చేసుకోవడానికి అర్హత కలిగి ఉంటారని చెప్పవచ్చు.
సంబంధిత విభాగంలో బీటెక్ డిగ్రీ ఉన్నవాళ్లు గ్రూప్ మేనేజర్ ఉద్యోగాల కోసం దరఖాస్తు చేసుకోవచ్చు. 15 సంవత్సరాల అనుభవం ఉన్నవాళ్లు ఈ ఉద్యోగాలకు దరఖాస్తు చేసుకోవాలి. ఎం.ఎస్ ఆఫీస్ పూర్తిగా తెలియడంతో పాటు పదేళ్ల అనుభవం ఉన్నవాళ్లు ఆఫీస్ అసిస్టెంట్ జాబ్స్ కోసం దరఖాస్తు చేసుకోవచ్చు. అర్హత ఉన్నవాళ్లకు ఈ జాబ్ నోటిఫికేషన్ ద్వారా ఎంతో మేలు జరుగుతుంది.