పోలీస్ వృత్తి అనేది ఒక గౌరవప్రదమైన వృత్తి. సమాజంలో పోలీస్ వ్యవస్థకు చాలా ప్రాముఖ్యత ఉంది. తల్లి తండ్రి తర్వాత ఒక వ్యక్తిని దండించే బాధ్యత కేవలం పోలీసులకు మాత్రమే ఉంటుంది. ఇలాంటి గౌరవప్రదమైన వృత్తిని పొందటానికి ఎన్నో కష్టాలు పడి ,ఎన్నో త్యాగాలు చేయాల్సి ఉంటుంది. పోలీస్ రుద్ది కోసం ఎంత కష్టపడినా కూడా ఆ తర్వాత ఉద్యోగం వచ్చిన తర్వాత వారికి లభించే గౌరవంతో ట్రైనింగ్ లో వారు పడిన కష్టాలు అన్ని మర్చిపోయి సమాజానికి సేవ చేయాలని భావిస్తారు. దేశంలోని ప్రజల రక్షణ కోసం వీరు తమ కుటుంబ సభ్యులను వదిలి ప్రాణాలు త్యాగాలు చేయటానికి కూడా వెనకాడరు.
పోలీస్ ట్రైనింగ్ లో అభ్యర్థులు అందరూ కూడా వారి జుట్టుని చాలా సన్నగా కత్తిరించుకుంటారు. అయితే ఇలా జుట్టు సన్నగా కత్తిరించుకోవటానికి గల కారణం గురించి చాలామందికి అవగాహన ఉండదు. పోలీస్ ట్రైనింగ్ తీసుకొని అభ్యర్థులు ఎందుకు జుట్టు సన్నగా కత్తిరించుకుంటారో పూర్తి వివరాలు ఇప్పుడు మనం తెలుసుకుందాం. పోలీస్ వ్యవస్థ అంటేనే క్రమశిక్షణ కు మారు పేరు. ఈ శాఖలో పనిచేస్తున్న ప్రతి ఒక్కరూ కులమత బేధాలు లేకుండా అందరూ సమానమే అని భావిస్తారు. అందువల్ల పోలిసులు అందరూ కూడా ఓకే రంగులో ఉన్న యూనిఫామ్ ధరిస్తారు. ముఖ్యంగా పోలీస్ ట్రైనింగ్ లో ప్రతిరోజు ఎంతో కష్టతరమైన వ్యాయామాలు చేయాల్సి ఉంటుంది. వారి పూర్తి సమయాన్ని వారి శరీరం మీద కేంద్రీకరిస్తారు.
అందువల్ల ఫ్యాషన్ కోసం జుట్టు ఎంచుకొని వాటిని మళ్లీ కత్తిరించు కోవడానికి వారికి ఎక్కువ సమయం ఉండదు. అంతే కాకుండా పోలీస్ ట్రైనింగ్ లో ఉన్న అభ్యర్థులు కేవలం వారి ట్రైనింగ్ మీద మాత్రమే దృష్టి పెట్టాలి. ఇతర విషయాల గురించి వారి మనసులో ఏ విధమైన ఆలోచనలో ఉండకూడదు. అలా కఠినంగా ట్రైనింగ్ తీసుకుంటే తర్వాత ఉద్యోగంలో చేరి సమాజానికి వారి వంతుగా సేవ అందిస్తారు. అందువల్ల కనీసం జుట్టు కత్తిరించుకోవటానికి కూడా వారికి సమయం కేటాయించకుండా జుట్టుని చాలా సన్నగా కత్తిరించుకోవాలని నియమం పెట్టారు. అంతేకాకుండా పోలీస్ డిపార్ట్మెంట్ లో చేరి సమాజానికి సేవ చేయాలంటే ఎన్నో త్యాగాలు చేయాలని సూచించే విధంగా ఇలా హెయిర్ కట్ చేసుకోవాలని అభ్యర్థులకు సూచించినట్లు తెలుస్తోంది.