ప్రస్తుత కాలంలో ఆన్లైన్ నేరాలు రోజురోజుకీ పెరిగిపోతున్నాయి . అభివృద్ధి చెందిన టెక్నాలజీని ఉపయోగించుకొని కొంతమంది కేటుగాళ్లు ఫైబర్ నేరాలకు పాల్పడుతున్నారు. ముఖ్యంగా ప్రజలకు బ్యాంకుల పేరుతో మెసేజ్లు పంపి ఆ లింకు ఓపెన్ చేసిన తర్వాత వారి సమాచారం తెలుసుకొని డబ్బులు దొంగలిస్తున్నారు. ఇప్పటికే ఇలాంటి ఎన్నో ఘటనలు వెలుగులోకి వచ్చాయి. ఇక ఇటీవల హెచ్డిఎఫ్సి బ్యాంక్ కస్టమర్లకు ఈ నకిలీ మెసేజ్ ప్రమాదం పెరిగింది.
హెచ్డిఎఫ్సి బ్యాంక్ పేరుతో కస్టమర్లకు నకిలీ మెసేజ్లు పంపి కస్టమర్‌లు కెవైసిని అప్‌డేట్ చేయకపోతే, బ్యాంక్ ఖాతాలు మూసివేయబడతాయని కస్టమర్లను భయపెడుతున్నారు.హెచ్డిఎఫ్సి బ్యాంక్ కస్టమర్‌లు ఈ మెసేజ్ తో పాటు లింక్‌ను కూడా అందుకున్నారు. ఈ లింక్‌పై క్లిక్ చేయడం ద్వారా వెబ్‌సైట్‌లో సమాచారాన్ని నింపాలని కోరుతుంది. అలా మన వివరాలు అందించిన వెంటనే మన అకౌంట్ కాళీ అవుతుంది. అయితే ఈ మెసేజ్లు ఫేక్ అని, ఈ విషయంలో జాగ్రత్తగా ఉండాలని హెచ్డిఎఫ్సి బ్యాంక్ కస్టమర్లను హెచ్చరించింది. KYC లేదా పాన్‌ను అప్‌డేట్ చేయమని ఏ కస్టమర్‌కు మెసేజ్ పంపలేదని HDFC బ్యాంక్ వెల్లడించింది.
అలాగే వెబ్‌సైట్‌లో బ్యాంకు కి సంబంధించిన సమాచారాన్ని షేర్ చేయవద్దని ఏదైనా లింక్‌పై క్లిక్ చేసే ముందు, దాని సరిగ్గా చెక్ చేయడం అవసరం అని HDFC తెలిపింది. షేర్ బార్‌లో తగిన URLని టైప్ చేయడం ద్వారా లాగిన్ అవ్వమని కస్టమర్లను కూడా కోరింది. బ్యాంక్ అధికారిక లాగిన్ పేజీలో మాత్రమే యూజర్ ఐడీ ఇంకా పాస్‌వర్డ్‌ను ఉపయోగించాలని సూచించబడింది. లాగిన్ పేజీ URL ‘https://’తో ప్రారంభమయ్యేలా చూసుకోవాలని కస్టమర్లకు సూచించారు. ఏదైనా మెసేజ్ కి ప్రతిస్పందించే ముందు, అది HDFC బ్యాంక్ నుండి వచ్చినదా కాదా అని చెక్ చేయండి. HDFC బ్యాంక్ అధికారిక ID HDFCBK/HDFCBNగా ఉంటుంది ఇంకా లింక్‌లు hdfcbk.io.ioలో ప్రారంభమవుతాయని బ్యాంక్ తెలిపింది. ఏవైనా అనుమానాస్పద మెసేజెస్ లేదా లావాదేవీలు ఉంటే వెంటనే రిపోర్ట్ చేయాలని హెచ్డిఎఫ్సి బ్యాంక్ కస్టమర్లను అభ్యర్థించింది.