యంగ్ హీరో నితిన్ కొత్త సినిమా ప్రస్తుతం షూటింగ్ దశలో వుంది. వక్కంతం వంశీ ఈ చిత్రానికి దర్శకుడు. నితిన్ మాస్ లుక్‌తో ఈ సినిమాలో కనిపించబోతున్నాడు.
యాక్షన్ ఎపిసోడ్స్ ఈ సినిమాకి హైలైట్‌గా నిలవనున్నాయట. ‘పెళ్లి సందడి’, ‘ధమాకా’ చిత్రాల ఫేం శ్రీలీల ఈ సినిమాలో హీరోయిన్. కాగా, ఈ సినిమా కోసం ఓ మాంచి ఐటమ్ సాంగ్‌ని డిజైన్ చేస్తున్నారట. ఈ సాంగ్ ఎవరు చేస్తారన్నదానిపై భిన్న వాదనలు వినిపిస్తున్నాయి. రష్మిక మండన్నతో చిత్ర యూనిట్ ఐటమ్ సాంగ్ విషయమై సంప్రదింపులు జరుపుతున్నట్లు తెలుస్తోంది.
హీరో నితిన్ స్వయంగా రష్మికతో ఈ విషయమై టచ్‌లోకి వెళ్ళాడంటున్నారు. రష్మిక లేదా పూజా హెగ్దే.. ఈ ఇద్దరిలో ఎవరో ఒకరు ఐటమ్ సాంగ్ చేయడం ఖాయమనీ, రష్మిక వైపే చిత్ర యూనిట్ మొగ్గు చూపుతోందనీ అంటున్నారు.