నటీనటులు : జి.వి.ప్రకాష్ కుమార్, శ్రీ గౌరి ప్రియ, జార్జ్ మరియన్ తదితరులు
దర్శకుడు : మరియా రాజ ఇళంజెళియన్
నిర్మాత : జైవర్ద
సంగీతం : జస్టిన్ ప్రభాకరన్
సినిమాటోగ్రఫీ : మదన్ క్రిస్టోఫర్
ఎడిటింగ్ : సెల్వ ఆర్కె
Happy Raj Movie Review: ప్రముఖ సంగీత దర్శకుడు, నటుడు జి.వి. ప్రకాష్ కుమార్ కథానాయకుడిగా, ‘రైటర్ పద్మభూషణ్’ ఫేమ్ శ్రీ గౌరి ప్రియ హీరోయిన్గా నటించిన తాజా చిత్రం ‘హ్యాపీ రాజ్’. మరియా రాజ ఇళంజెళియన్ దర్శకత్వంలో తెరకెక్కిన ఈ ఫ్యామిలీ ఎంటర్టైనర్ నేడు థియేటర్లలో విడుదలైంది. మరి ఈ సినిమా ప్రేక్షకులను ఏ మేరకు అలరించిందో సమీక్షలో చూద్దాం.
కథా నేపథ్యం:
ఆనంద రాజ్ అలియాస్ హ్యాపీ రాజ్ (జి.వి. ప్రకాష్) తన తండ్రి (జార్జ్ మరియన్) ప్రవర్తన వల్ల ఊరిలో అవమానాలు ఎదుర్కొంటూ ఉంటాడు. ఆ బాధతో బెంగళూరు వెళ్లి కార్పొరేట్ ఉద్యోగంలో చేరుతాడు. అక్కడ కావ్య (శ్రీ గౌరి ప్రియ)తో ప్రేమలో పడతాడు. అయితే, వీరిద్దరి కుటుంబాల మధ్య ఉన్న సంస్కృతీ సంప్రదాయాల తేడాలు, తండ్రి వల్ల వచ్చే సమస్యలను రాజ్ ఎలా అధిగమించాడు? చివరికి తన తండ్రి గొప్పతనాన్ని ఎలా చాటిచెప్పాడు? అనేదే ఈ చిత్ర కథ.
విశ్లేషణ – ప్లస్ పాయింట్స్:
ఈ సినిమాకు ప్రధాన బలం తండ్రీకొడుకుల మధ్య సాగే ఎమోషనల్ బాండింగ్. తండ్రి వల్ల ఎన్ని అవమానాలు ఎదురైనా, కొడుకు చూపించే నిగ్రహం, క్లైమాక్స్ సీన్లు హృదయానికి హత్తుకుంటాయి.
నటన: జి.వి. ప్రకాష్ తన నటనతో ఆకట్టుకోగా, శ్రీ గౌరి ప్రియ తన అందం, అభినయంతో మెప్పించింది. జార్జ్ మరియన్ నటన సినిమాకు ప్రాణం పోసింది. చాలా కాలం తర్వాత అబ్బాస్ స్క్రీన్ పై కనిపించడం ప్రేక్షకులకు ఒక సర్ప్రైజ్ ఎలిమెంట్.
సెకండాఫ్: ద్వితీయార్థంలో ఎమోషన్స్ మరియు ఎంటర్టైన్మెంట్ సమపాళ్లలో కుదిరాయి. ముఖ్యంగా హీరోయిన్ ఫ్యామిలీ హీరో గ్రామానికి వచ్చినప్పటి నుండి కథనం ఆసక్తిగా సాగుతుంది.
మైనస్ పాయింట్స్:
సినిమాలో ప్రధాన లోపం నెమ్మదైన కథనం. ఫస్ట్ హాఫ్ చాలా స్లోగా సాగుతూ ప్రేక్షకులను కాస్త విసిగిస్తుంది. కామెడీ సీన్లు అనుకున్నంతగా పండలేదు. హీరో హీరోయిన్ల మధ్య వచ్చే గొడవలకు బలమైన కారణం లేకపోవడం వల్ల కథలో క్లారిటీ మిస్ అయినట్లు అనిపిస్తుంది. ఎడిటింగ్ విషయంలో మరిన్ని జాగ్రత్తలు తీసుకుంటే సినిమా ఇంకా షార్ప్గా ఉండేది.
సాంకేతిక విభాగం:
దర్శకుడు మరియా రాజ ఇళంజెళియన్ ఒక మంచి ఫ్యామిలీ డ్రామాను ఎంచుకున్నప్పటికీ, స్క్రీన్ ప్లే విషయంలో కొన్ని చోట్ల తడబడ్డారు. జస్టిన్ ప్రభాకరన్ సంగీతం పర్వాలేదనిపించగా, మదన్ క్రిస్టోఫర్ సినిమాటోగ్రఫీ గ్రామీణ మరియు నగర వాతావరణాన్ని చక్కగా చూపించింది. నిర్మాణ విలువలు సినిమా స్థాయికి తగ్గట్టుగా ఉన్నాయి.
తీర్పు:
మొత్తంగా చూస్తే.. ‘హ్యాపీ రాజ్’ ఒక డీసెంట్ ఫ్యామిలీ డ్రామా. ఫస్ట్ హాఫ్ స్లోగా ఉన్నా, సెకండాఫ్లో వచ్చే ఎమోషన్స్ సినిమాను నిలబెట్టాయి. ఫ్యామిలీ ఎమోషన్స్, తండ్రీకొడుకుల సెంటిమెంట్ ఇష్టపడేవారు ఈ వీకెండ్లో ఈ చిత్రాన్ని ఒకసారి చూడవచ్చు.
రేటింగ్: 2.75/5
