ఆచార్య చాణక్యుడు గొప్ప ఆర్థికవేత్త , రాజకీయవేత్త, గొప్ప పండితుడు . మానవ జీవితం గురించి చాణక్యుడు ఎన్నో నీతి సూత్రాలను రచించాడు. చాణక్యుడి నీతి శాస్త్రంలో మహిళల గురించి కూడా ఎన్నో విషయాలను వివరించాడు. ఒక పులిసిటి జీవితం విజయవంతం కావాలంటే పురుషుడి జీవితంలోకి వచ్చే భార్య పాత్ర చాలా ఉంటుందని వివరించాడు. చాణక్యుడి నీతి వాక్యాల ప్రకారం ఈ లక్షణాలు ఉన్న భార్య దొరికితే ఆ పురుషుడు ఎంతో అదృష్టవంతుడు. చాణక్యుడి నీతి వ్యాఖ్యల ప్రకారం స్త్రీలో ఉండవలసిన లక్షణాల గురించి ఇప్పుడు మనం తెలుసుకుందాం.
• విద్యావంతులైన స్త్రీలు :
ఇల్లాలు చదువు ఇంటికి వెలుగు అని అంటుంటారు. ఆచార్య చాణక్యుడు నీతి సూత్రాల ప్రకారం, విద్యావంతురాలు, సంస్కారవంతులు, సత్ప్రవర్తన కలిగిన స్త్రీ భార్యగా లభించడం వల్ల ఆ వ్యక్తి తన జీవితంలో చేసే అన్ని పనులలో విజయం సాధించవచ్చు. ఇలాంటి లక్షణాలు ఉన్న మహిళలు ఎల్లప్పుడూ ఆత్మవిశ్వాసంతో ఉంటూ ఎటువంటి కష్ట సమయంలోనైనా పరిస్థితులకు తలంచకుండా ధైర్యంగా నిర్ణయాలు తీసుకుంటారు.
• మృదు సంభాషణ :
మృదువుగా మాట్లాడే స్త్రీ.. ఆ భర్త జీవితంలో ఆనందాన్ని కలుగజేస్తుంది. మృదుస్వభావం కలిగిన ఇల్లాలు ఇంట్లో ఉన్న వ్యక్తులను తన మాటలతో కించపరచకుండా ఇంట్లో వాతావరణం ఆనందంగా ఉండేలా చూస్తుంది. అంతేకాకుండా మృదు సంభాషణ కలిగిన స్త్రీ వల్ల కుటుంబ సభ్యుల కీర్తి ప్రతిష్టలు పెరుగుతాయి. అందువల్ల అలాంటి మహిళలు ఎల్లప్పుడూ గౌరవించబడతారు.
• కోరికలను అదుపులో ఉంచుకునే స్త్రీ :
సాధారణంగా స్త్రీలు తమ కోరికలను అదుపులో ఉంచుకోవాలి. కుటుంబ పరిస్థితులకు అనుగుణంగా తన కోరికలను ఎలా అదుపులో ఉంచుకోవాలో తెలిసిన స్త్రీని భార్యగా పొందిన పురుషుడు చాలా అదృష్టవంతుడు. పరిస్థితులను బట్టి తమ కోరికలను అదుపులో ఉంచుకోగలిగిన మహిళలు ఎటువంటి పరిస్థితులు ఎదురైనా కూడా భర్తతో కలిసి ప్రయాణం సాగిస్తారు. ఇలాంటి లక్షణాలు ఉన్న భార్య దొరకటం వల్ల ఆ భర్త ఎప్పుడూ ఆర్థిక సమస్యలను ఎదుర్కోవాల్సిన అవసరం లేదు. అలాంటి మహిళలు కుటుంబం సరైన మార్గంలో నడవడానికిఇలాంటి స్ఫూర్తినిస్తారు.
• ప్రశాంత స్వభావం :
చాణక్య నీతి ప్రకారం, ప్రశాంత స్వభావం కలిగిన స్త్రీ ఒక పురుషుడి జీవితాన్ని అందంగా తీర్చిదిద్దుతుంది. ప్రశాంత స్వభావం కలిగిన స్త్రీలు జీవితంలో ఎదురయ్య ఏ క్లిష్ట పరిస్థితుల నుండి ఎలా బయటపడాలో వారికి తెలుసు.ఇలా ప్రశాంత స్వభావం కలిగిన స్త్రీలు ఎల్లప్పుడూ ఇంట్లో ఆనందాన్ని, శాంతిఉండేలా చూస్తారు.