YS sharmila: ఇటీవల వైయస్ షర్మిల వారి రాజకీయ అంశాల గురించి ఒకరిపై ఒకరు విమర్శలు చేస్తూ మధ్యలో ప్రభాస్ విషయాన్ని బయటకు లాగారు. ఒకప్పుడు బాలకృష్ణ తన ఇంట్లో కూర్చుని తన చెల్లి షర్మిల అలాగే ప్రభాస్ గురించి తప్పుడు ప్రచారాలు చేయించారు అంటూ వైఎస్ జగన్మోహన్ రెడ్డి ప్రెస్ మీట్ కార్యక్రమంలో తెలియజేశారు. అయితే ఈ వ్యాఖ్యలపై షర్మిల స్పందించారు.
ఈ సందర్భంగా షర్మిల తన అన్నయ్య పై కాస్త ఘాటుగానే రియాక్ట్ అయ్యారు ఇలాంటి తప్పుడు ప్రచారాలను బాలకృష్ణ చేయలేదని తన అన్నయ్య జగన్ తన సైకో సైతాన్ బ్యాచ్ ద్వారా నా గురించి ప్రభాస్ గురించి ఇలాంటి తప్పుడు ప్రచారాలు చేయించారని మండిపడ్డారు. ఇక ప్రభాస్ కి నాకు ఎలాంటి సంబంధం లేదు. అప్పుడు ఇప్పుడు కూడా నేను ఒకే మాట మీదే ఉన్నాను. నా పిల్లలపై ప్రమాణం చేసి చెబుతున్న అసలు ప్రభాస్ ఎవడో కూడా నాకు ఇప్పటివరకు తెలియదు అంటూ ప్రభాస్ గురించి షర్మిల చేసిన వ్యాఖ్యలు సంచలనంగా మారాయి.
ఇలా ప్రభాస్ ను ఏక వచనంతో ఉద్దేశించి ఎవడో కూడా తెలియదు అని మాట్లాడటంతో ప్రభాస్ ఫ్యాన్స్ తీవ్ర స్థాయిలో ఆగ్రహం వ్యక్తం చేస్తూ షర్మిలకు కౌంటర్ ఇస్తున్నారు. మా అభిమాన హీరో గురించి ఇలా ఏకవచనంతో మాట్లాడటం సరికాదు అసలు నీకు ప్రభాస్ ఎవడో తెలియదా.. తెలియందే ప్రభాస్ సినిమాకు మీ నాన్న వెళ్లి క్లాప్ కొట్టి పూజ కార్యక్రమాలను ప్రారంభించారా? అంటూ యోగి సినిమా పూజా కార్యక్రమాలకు సంబంధించిన ఫోటోలను బయటకు తీస్తూ షర్మిలకు కౌంటర్ ఇస్తున్నారు.
ఇలా యోగి సినిమా సమయంలో స్వయాన వైయస్ రాజశేఖర్ రెడ్డి అలాగే ఆయన కుటుంబ సభ్యులు పూజా కార్యక్రమాలలో పాల్గొని ఈ సినిమాకు రాజశేఖర్ రెడ్డి క్లాప్ కొట్టారు ఈ తరుణంలోనే షర్మిల ఇప్పుడు ప్రభాస్ ఎవడో కూడా తనకు తెలియదు అంటూ చేసిన వ్యాఖ్యలు దారుణమని ఈ వ్యాఖ్యలపై ఆమె క్షమాపణలు చెప్పాలి అంటూ డిమాండ్ చేస్తున్నారు.