ఆంధ్రప్రదేశ్లో ఏర్పాటు చేయబోతున్న 3 రాజధానుల నిర్ణయంపై సీనియర్ జర్నలిస్టు శేఖర్ గుప్తా గారి 20నిమిషాల వీడియో చూశాను.
మా రాష్ట్రం గురించి మీరు పడుతున్న ఆందోళన నాకు గొప్పగా అనిపించింది. మీరిచ్చిన గ్రీన్ ఫీల్డ్స్ సిటీస్ నిర్మాణం గురించి మీ ఆలోచన తీరు కూడా నచ్చింది. మా ముఖ్యమంత్రి జగన్గారికి మీరు సలహాలు ఇవ్వాలనుకోవడం మేం ఆహ్వానిస్తున్నాం. అయితే మీకు చాలా విషయాలు చెప్పదలచుకున్నాం.
1. తుగ్లక్ అనే పదం ఆరు సార్లు వాడారు. ఒక యువ ముఖ్యమంత్రిని ఉద్దేశించి ఇంత దిగజారిపోయేలా మాట్లాడటం మీ అనుభవానికి తగునా ???
2. వీడియో ఆసాంతం మీ బాడీ లాంగ్వేజ్ని, మీ మాట తీరును గమనిస్తే సలహాలు ఇవ్వడానికి కాకుండా విమర్శించాలనే ఉద్దేశ్యంతో వచ్చినట్టుగా కనబడుతోంది.
3. లూలూ గ్రూపుకు భూ కేటాయింపుల పేరుతో జరిగిన దోపిడీ, వరల్డ్ బ్యాంకు వెనక్కి తగ్గడానికి దారితీసిన పరిస్థితులు మీరు వివరంగా తెలుసుకుని ఉండాల్సింది.
4. పేరున్న కంపెనీ అయితే మాత్రం ఆంధ్రా ఆస్తులు అప్పనంగా లూలూ గ్రూపుకు రాసివ్వాలా. వరల్డ్ బ్యాంకు చంద్రబాబు గారి పనితీరు వల్ల విసుగుచెంది వెనకడుగు వేసిన సంగతి మీకు తెలుసా..????
5. దేశవ్యాప్తంగా ఉన్న పరిస్థితుల గురించి తెలిసిన మీరు మా రాష్ట్రం ఆర్థికంగా 3లక్షల కోట్ల అప్పుల్లోకి వెళ్లిన సంగతి గురించి తెలుసుకుని ఉండాల్సింది.
6. అయిదేళ్లలో రాష్ట్రాన్ని రూ. 2.5లక్షల కోట్ల అప్పుల్లో ముంచిన చంద్రబాబును సమర్థించినట్టుగా అనుమానం కలుగుతోంది.
7. రాజధాని కోసం చంద్రబాబు తీసుకొచ్చిన స్విస్ చాలెంజ్ విధానం వల్ల ఏపీకి జరిగే నష్టం నుంచి మా సీఎం వైఎస్ జగన్మోహన్రెడ్డి వల్ల ఊరట పొందాం. స్విస్ చాలెంజ్ ఎంత ప్రమాదమో తెలుసుకోండి.
8. 54వేల ఎకరాల్లో రాజధానిని నిర్మించాలని మాజీ ముఖ్యమంత్రి చంద్రబాబుగారు లక్షాపదివేల కోట్ల అంచనాతో ప్రణాళికలు రూపోందించారు. కేవలం 5,800 కోట్లు మాత్రమే ఖర్చు చేశారు
9. వాటిల్లోనూ కేంద్ర సహాయం 1500 కోట్లు, బాండ్స్, ఇతర అప్పుల ద్వారా అధిక వడ్డీలకు మరో 4 వేల కోట్లు తెచ్చి పెట్టారు.
10. కేవలం రాజధాని కోసం చేసిన అప్పులకే ఏటా రూ. 780 కోట్లు వడ్డీలు చెల్లించాల్సిన దయనీయ పరిస్థితుల్లో ఇప్పటికీ అదే రాజధాని చుట్టూ మమ్మల్ని వేలాడమంటారా ???
11. దేశంలోనే పెద్ద పెద్ద నగరాలకు లేనంత భారీ విస్తీర్ణంలో ఏపీకి రాజధాని నిర్మించాల్సిన అవసరం ఏముంది. అదీ రైతుల నుంచి మూడు పంటలు పండే భూములు తీసుకుని మరీ.
12. ప్రభుత్వ భూముల్లో ఒద్దికగా పొందికైన రాజధాని నిర్మించుకుంటే ప్రజలు కాదన్నారా. దేశంలో ఎక్కడైనా ఇంత విస్తీర్ణంలో రాజధాని ఉందా.. అప్పులు చేసి జబ్బలు చరుచుకోమంటారా ???
13. ఇంతా చేసి ఎకరాకు 2 కోట్ల వంతున 54 వేల ఎకరాలకు లక్షా పదివేల కోట్లు ఖర్చు చేస్తే కేవలం మౌలిక వసతులు మాత్రమే సమకూర్చుతారంటా.. రూ. 3 లక్షల కోట్ల అప్పుల్లో ఉన్న రాష్ట్రానికి ఇంత ఆడంబరాలు అసవరమా…????
14. అప్పులు తెచ్చి రాజధానిలో గుమ్మరిస్తే… సంక్షేమ కార్యక్రమాలు, ఉద్యోగులకు వేతనాలు, సాగుతాగు నీటి ప్రాజెక్టుల నిర్మాణం, పాఠశాలలు, రోడ్లు, భవనాలు, వైద్యం, పరిశుభ్రత.. ఇలా చెప్పుకుంటూ పోతే 13 జిల్లాలకు కలుపుకుంటే ఎంత ఖర్చవుతుంది. ఎంత ఆదాయం ఉంటే లక్ష కోట్లు రాజధానికి పెట్టుకోగలం. ???
15. ఆర్థిక క్రమశిక్షణ లేకుంటే చిన్న కుటుంబమే నవ్వులపాలవుతుంది. అలాంటిది లక్షల కుటుంబాల సమూహం రాష్ట్రం. ఇంకెంత గుట్టుగా నడపాలి. అప్పుల్లో ఉన్నామంటే తీర్చే సామర్థ్యం లేకుంటే మాకు ఎవరు అప్పులిస్తారు. చంద్రబాబు చేసిన ఈ నిర్వాకం వల్లనే కదా ఎస్బీఐ అప్పులెలా తీరుస్తారు అని రాష్ట్ర ప్రభుత్వాన్ని అనగలిగింది. గొప్పలకు పోయి ఇలాంటి అవమానాలు మమ్మల్ని పడమంటారా..????
16. అసలే హైదరాబాద్ని వదులుకుని వచ్చాం. ఐటీ ఇండస్ట్రీ లేదు. ఆదాయ లేదు. యువతకు ఉద్యోగాలు లేవు. గడిచిన అయిదేళ్లలో అప్పనంగా భూ కేటాయింపులు తప్ప కొత్త కంపెనీలు వచ్చిన జాడ లేదు. లూలూ గ్రూపుకు ఖరీదైన భూములు కట్టబెడితే అయిదేళ్లలో ఏమీ చేయలేదనే కదా.. వెనక్కి తీసుకుంది. ఉన్నదంతా రాసిచ్చి మేం వాళ్ల దగ్గర అద్దెకుండాలా.???
17. సంపాదించిన ప్రతి రూపాయిలో భవిష్యత్తు కోసం పావలా దాచుకుని బతికే సంస్కృతి మా తెలుగోళ్లది. అతిగా ఆశపడి సంపాదించినదంతా ఏరోజుకారోజు తగలేసే ఉత్తర భారతదేశం టైపు మేం కాదు.
* ఇప్పటికైనా మించిపోయిందేమీ లేదు. ఆంధ్రప్రదేశ్ ఆర్థిక, రాజకీయ, సామాజిక పరిస్తితుల మీద మీకు అవగాహన కల్పించడానికి మేం సిద్ధంగానే ఉన్నాం.
పైపై ఆలోచనలతో మిడి జ్ఞానంతో అంచనాకు రావడం.. పేపర్ ఉంది కదా అని అచ్చేసుకోవడం మంచిది కాదు. మీ అంచనాలకు అందకుండానే ఏపీలో మే23,2019న ప్రజలు తీర్పునిచ్చారని మరువద్దు.
మరో ముఖ్యమైన విషయం. ముఖ్యమంత్రి వైఎస్ జగన్మోహన్రెడ్డి గారి విషయంలో అమర్యాదగా మాట్లాడితే ఊరుకోం సుమా !