సోషల్ మీడియా బాగా యాక్టివ్ అయిపోయిన తర్వాత ప్రచారంతో పాటు ప్రత్యర్ధులపై బురదచల్లుడు కూడా బాగా ఎక్కువైపోయింది. పై హోర్డింగ్ ను చూస్తుంటే విషయం ఏమిటో అందరికీ అర్ధమైపోతుంది. ప్రతీ రాజకీయ పార్టీ కూడా కేవలం మీడియా మాదే ఆధారపడకుండా సోషల్ మీడియాను కూడా బాగా ప్రోత్సహిస్తోంది. ఏకకాలంలో కొన్ని లక్షల మందికి చేరువకావాలంటే సోషల్ మీడియానే ఏకైక మార్గమన్న విషయాన్ని రాజకీయ పార్టీలు గ్రహించాయి. అందుకనే ప్రచారం కోసం కాంపిటీషన్ పెరిగోయి అన్ హెల్దీ కాంపిటీషన్ కు చేరుకుంది. పైన మీరు చూస్తున్న హోర్డిండ్ కూడా ఆ కోవలోకే వస్తుంది.
హోర్డింగ్ లో ఫొటో యేమో చంద్రబాబునాయుడుది. హోర్డింగ్ చూస్తే తెలుగుదేశంపార్టీకి అనుకలంగా, చంద్రబాబుకు మద్దతుగా ఉన్నట్లు కనబడుతుంది. కానీ అందులోని మ్యాటర్ చదివితే మాత్రం ఆశ్చర్యమేస్తుంది. ఎందుకంటే, అందులోని రైటప్ చదివితే చంద్రబాబును పొగుడుతున్నారో లేకపోతే విమర్శిస్తున్నారో వెంటనే అర్ధంకాదు. ఎందుకంటే, ఇదే విధమైన చంద్రబాబు ఫోజుతో గతంలో కూడా తెలుగుదేశంపార్టీకి మద్దతుగా చాలా పోస్టర్లే వెలిశాయి. అందుకనే కనబడుతున్న హోర్డింగ్ ను బాగా చదివితేనే చంద్రబాబును విమర్శిస్తున్నట్లు తెలుస్తుంది.
బాబుతో పోటీయా ? అనే ప్రశ్నతో రైటప్ మొదలైంది. బాబుతో పోటీయా అంటే ఎవరైనా బాబుకు పోటీనే లేరనుకుంటారు. కానీ రైటప్ చదివితేనే తెలుస్తుంది అందులో చంద్రబాబును ఎలా విమర్శించారో. అలాగే మీ ప్రభంజనాలు అనే రెండో హెడ్డింగ్ ఉంది. హెడ్డింగ్ చదివితే మాత్రం చంద్రబాబు ప్రభంజనమనే అనుకుంటున్నారు. కానీ రైటప్ అంతా చంద్రబాబుకు రివర్స్ గా ఉంది. అలాగని వైసిపి అధ్యక్షుడు జగన్మోహన్ రెడ్డికి అనుకూలంగా కూడా ఏమీ లేదు. అసలు జగన్ ఊసే లేదు అందులో. మరి, ఇటువంటి హోర్డింగ్ ను సోషల్ మీడియాలో ఎవరు తయారు చేశారో ? మొత్తానికి హోర్డింగ్ ను చదివిన తర్వాత అదేదో సినిమాలో పొగుడుతున్నారో తిడుతున్నాడో అర్ధం కావటం లేదన్నట్లుగా తయారు చేశారు హోర్డింగ్ ను.