బాబును పట్టు… లక్ష కొట్టు!

By TR Political Desk on

“లక్ష్మీస్ ఎన్టీఆర్” సినిమా షూటింగ్ ను దసరా రోజున ప్రారంభిస్తామని గతంలోనే దర్శకుడు రాం గోపాల్ వర్మ ప్రకటించారు. సినిమాను జనవరిలో విడుదల చేస్తామని సినిమాకు సంబంధించిన పూర్తి వివరాలు అక్టోబర్ 19న తిరుపతిలో వెల్లడిస్తానని రాంగోపాల్ వర్మ తెలిపారు.

ఈ నేపథ్యంలో రాంగోపాల్ వర్మ ఓ ట్వీట్ చేశారు. ఓ వ్యక్తి అన్నం వడ్డిస్తున్న వీడియోను పెట్టాడు. ఆ వడ్డించే వ్యక్తి అచ్చం ఏపీ సీఎం చంద్రబాబు లాగానే ఉన్నారు. ఆయన ఏదో హోటల్ లో అన్నం వడ్డిస్తున్నారు.

సోషల్ మీడియాలో వైరల్ అవుతున్న వీడియోను చూసిన రాంగోపాల్ వర్మ తన ట్వీట్ లో పెట్టారు. ‘ఈ వ్యక్తి ఎక్కడున్నారో కనుక్కోవడానికి ఎవరైనా నాకు సహకరించగలరా? ఈయన ఆచూకీ తెలిపిన తొలి వ్యక్తికి లక్ష రూపాయల బహుమతి ఇస్తా’ అంటూ ట్వీట్ చేశారు. ఎవరికైనా తెలిస్తే Laksmisntr@gmail.com మెయిల్ ఐడీకి వివరాలు పంపించాలని కోరారు.

ఆ వ్యక్తి ఆచూకీ తెలిస్తే చెప్పాలన్నారు. ఆ వ్యక్తి ఆచూకీ తెలిస్తే రాంగోపాల్ వర్మ ఆ వ్యక్తిని చంద్రబాబు పాత్రలోకి తీసుకుంటారనే చర్చ జరుగుతోంది.