Ram Gopal Varma: రామ్ గోపాల్ వర్మ Ram Gopal Varma తొలి సినిమాతోనే తెలుగు సినిమా గమనాన్ని మార్చిన దర్శకుడిగా ఘనత దక్కించుకున్నాడు. తెలుగు సినిమా మేకింగ్ ను ‘శివ’కు ముందు తర్వాత అని లెక్కేయెచ్చు. వర్మ ఇప్పడు ఫేడ్ అవుట్ డైరక్టర్. కానీ.. తన బ్రాండ్ పోగొట్టుకోలేదు. సోషల్ మీడియా ద్వారా ప్రపంచంలో ఎలాంటి విషయంపైనైనా మాట్లాడతాడు. నిజానికి.. అనవసరంగా కదిపి కాంట్రవర్శీ చేస్తాడు.. వార్తల్లో నిలుస్తాడు. అటువంటి వర్మ ఇప్పుడు టీడీపీని, లోకేశ్ ని టార్గెట్ చేస్తూ చేసిన ట్వీట్ సంచలనం రేపుతోంది. ఉన్నట్టుండి టీడీపీపై, లోకేశ్ పై ట్విట్లర్లో విరుచుకుపడ్డాడు.
‘టీడీపీకి లోకేశ్ అనే చిన్న సూక్ష్మజీవి ద్వారా వైరస్ పట్టింది. అది టీడీపీకి ప్రాణాంతకం. ఈ వైరస్ కు ఏకైక వ్యాక్సిన్ ఉంది. దాని పేరు తారక్9999. టీడీపీ కార్యకర్తలకు నా సలహా ఏంటంటే.. మీరు త్వరగా మేల్కొని టీడీపీకి తారక్ 9999 అనే టీకా వేయండి. లేదంటే మీరు, తెలుగుదేశం పార్టీ ఆ ప్రాణాంతక వైరస్ బారిన పడి చనిపోతారు’ అని ట్వీట్ చేశాడు. ప్రస్తుతం ఈ ట్వీట్ పొలిటికల్ గా కూడా బాగా వైరల్ అయింది. టీడీపీ అధికారంలో ఉన్నప్పుడు ‘లక్ష్మీస్ ఎన్టీఆర్’ సినిమా విషయంలో వర్మను చాలా ఇబ్బంది పెట్టారు. వర్మ ప్రెస్ మీట్ అడ్డుకున్నారు. గన్నవరం ఎయిర్ పోర్టు నుంచి బయటకు రానివ్వకుండా అటునుంచే హైదరాబాద్ పంపించేశారు.
సినిమా విడుదలకు కూడా ఇబ్బందులు పెట్టారు. బాలకృష్ణ తీసిన NTR-కథానాయకుడు, మహానాయకుడు సినిమాలకు మొదట దర్శకత్వ అవకాశం వర్మ వద్దకే వెళ్లిందని.. వర్మ చెప్పిన వెర్షన్ కు బాలయ్య నో చెప్పాడని టాక్ వచ్చింది. ఈ నేపథ్యంలో అప్పటినుంచీ టీడీపీపై వర్మ అటాక్ జరుగుతూనే ఉంది. అయితే.. వర్మ ఇప్పుడు మళ్లీ టీడీపీని అటాక్ చేయడానికి కారణం.. ఇటివల అచ్చెన్నాయుడు అన్నట్టుగా.. ‘మే 2 తర్వాత పార్టీ లేదు బొక్కా లేదు.. ఆడే సరిగ్గా ఉంటే పార్టీకి ఈ పరిస్థితి ఎందుకుంటుంది’ అనే వీడియో వైరల్ అయింది. ఈ నేపథ్యంలోనే వర్మ టీడీపీ, లోకేశ్ పై సోషల్ మీడియా అటాక్ చేసుంటాడని టాక్ వినిపిస్తోంది.