జనసేన అధినేత పవన్ కళ్యాణ్‌పై ఆయన స్నేహితుడు అలీ వచ్చే ఎన్నికల్లో పోటీ చేస్తే ఏమవుతుంది.?

 అత్యంత విశ్వసనీయ వర్గాల సమాచారం ప్రకారం, అలీ రాజ్యసభ సభ్యత్వం కోసం ఎదురుచూస్తున్నాడు. అది కుదరకపోతే, ఎమ్మెల్సీగా ఛాన్స్ కోరుతున్నాడట.

  అంతే తప్ప, ప్రత్యక్ష ఎన్నికల్లో పోటీ చేసేందుకు అలీ అస్సలేమాత్రం ఇష్టం చూపడంలేదని తెలుస్తోంది. ఎందుకిలా.? అంటే, రాజకీయాలు చాలా ఖరీదైపోయాయ్.

 పైగా, కోట్లు ఖర్చు చేసి.. ఎమ్మెల్యే పదవి తెచ్చుకోవడం వల్ల ఉపయోగం లేదన్న భావనలో అలీ వున్నాడనే ప్రచారమూ జరుగుతోంది.

 ఎమ్మల్సీ.. రాజ్యసభ అంటే ఆ లెక్క వేరు. ఎమ్మెల్సీలు, రాజ్యసభ సభ్యులు కొంత వివాదాలకు దూరంగా వుంటారు. అలీ ఆలోచన కూడా.

 2014లోనే అలీ అసెంబ్లీకి పోటీ చేయాలనుకున్నా అది కురదలేదు. టీడీపీ అప్పట్లో ఆయనకు టిక్కెట్ ఇవ్వలేదు.

 2019లోనూ టీడీపీ నుంచి టిక్కెట్ ఆశించి, అది దొరక్క వైసీపీలో చేరితే, ఇక్కడా చుక్కెదురయ్యింది. ఇప్పటికే అలీకి ఈ విషయమై వైరాగ్యం వచ్చేసి వుండాలి.