Home Movie Reviews `అల వైకుంఠ‌పుర‌ములో` మూవీ రివ్యూ

`అల వైకుంఠ‌పుర‌ములో` మూవీ రివ్యూ

న‌టీన‌టులు: అల్లు అర్జున్‌, పూజా హెగ్డే, నివేదా పేతురాజ్‌, సుశాంత్‌, టాబు, జ‌య‌రామ్‌, రాజేంద్ర‌ప్ర‌సాద్‌, ముర‌ళీశ‌ర్మ‌, స‌ముద్ర‌ఖ‌ని, న‌వ‌దీప్‌, సునీల్‌, గోవింద్ ప‌ద్మ‌సూర్య‌, రోహిణి, స‌చిన్‌ఖేడేక‌ర్‌, హ‌ర్ష‌వ‌ర్థ‌న్‌, రాహుల్ రామ‌కృష్ణ‌, వెన్నెల కిషోర్‌, బ్ర‌హ్మాజీ, రావు ర‌మేష్‌, బ్ర‌హ్మానందం, అజ‌య్‌, చ‌మ్మ‌క్‌చంద్ర త‌దిత‌రులు న‌టించారు.

క‌థ‌, ద‌ర్శ‌క‌త్వం: త‌్రివిక్ర‌మ్‌
నిర్మాత‌లు: అల్లు అర‌వింద్‌, ఎస్‌. రాధాకృష్ణ‌
సంగీతం: ఎస్‌. త‌మ‌న్‌
సినిమాటోగ్ర‌ఫీ: పీఎస్ వినోద్‌
ఎడిటింగ్‌: త‌మ్మిరాజు
రిలీజ్ డేట్‌: 12-01-2020
రేటింగ్‌: 3.25

`నా పేరు సూర్య నా ఇల్లు ఇండియా` త‌రువాత అల్లు అర్జున్ సినిమా వ‌చ్చి 18 నెల‌ల‌వుతోంది. గ‌తంలో ఇంత గ్యాప్ బ‌న్నీకి ఎప్పుడూ రాలేదు. క‌థ‌ల ఎంపిక‌, వెళుతున్న దారిప‌ట్ల స్పష్ట‌త‌, న‌మ్మిన క‌థ ఆశించిన రిజ‌ల్ట్‌ని అందించ‌క‌పోవ‌డం, త‌న రెగ్యుల‌ర్‌ టీమ్ మార‌డం వంటి కార‌ణాల వ‌ల్ల అల్లు అర్జున్ 2019లో ప్రేక్ష‌కుల ముందుకు రాలేక‌పోయారు. 2016, 2017, 2018..ఈ మూడేళ్ల కాలంలో `స‌రైనోడు, డీజే దువ్వాడ జ‌గ‌న్నాథమ్‌, నా పేరు సూర్య నా ఇల్లు ఇండియా చిత్రాల్లో న‌టించారు. ఈ మూడూ సీరియ‌స్ మోడ్ సినిమాలే. దీని నుంచి రిలీఫ్ కోసం చేసిన సినిమా `అల వైకుంఠ‌పుర‌ములో`. బ‌న్నీ, త్రివిక్ర‌మ్‌ల క‌ల‌యిక‌లో వ‌స్తున్న మూడ‌వ చిత్ర‌మిది. గ‌త చిత్రాల‌కు మించి ఈ సినిమాపై అంచ‌నాలు ఏర్ప‌డ్డాయి. ఓ ఫ్లాప్ త‌రువాత అల్లు అర్జున్ నుంచి వ‌స్తున్న సినిమా కావడం, సీరియ‌స్ సినిమా `అర‌వింద‌స‌మేత‌` త‌రువాత త్రివిక్ర‌మ్ చేస్తున్న ఫ్యామిలీ ఎంట‌ర్‌టైన‌ర్ కావ‌డంతో స‌హ‌జంగానే అంచ‌నాలు పెరిగాయి. మాట‌ల‌తో మ్యాజిక్ చేసే త్రివిక్ర‌మ్ ఈ సారి ఆశించిన స్థాయిలోనే ఆక‌ట్టుకున్నారా?. 18 నెల‌ల విరామం త‌రువాత ప్రేక్ష‌కుల ముందుకు వ‌చ్చిన బ‌న్నీ ఈ సినిమాతో మ‌ళ్లీ ట్రాక్‌లోకి వ‌చ్చేశారా? అన్న‌ది తెలుసుకోవాలంటే క‌థ‌లోకి వెళ్లాల్సిందే.

క‌థ‌:

వాల్మీకి (ముర‌ళీశ‌ర్మ‌) అప్పుడే పుట్టిన త‌న కొడుకుని కోటీశ్వ‌రుడైన త‌న బాస్ ఆనంద్ శ్రీ‌రామ్ (జ‌య‌రామ్‌)కి, ఆనంద్ శ్రీ‌రామ్ కొడుకుని త‌న‌కి మార్చేసుకుంటాడు. ఈ విష‌యాన్ని ఓ న‌ర్సు మాత్ర‌మే చూస్తుంది. అయితే ఆ త‌రువాత జ‌రిగిన సంఘ‌ట‌న కార‌ణంగా ఆమె కోమాలోకి వెళ్లిపోతుంది. వాల్మీకి ఓ మ‌ధ్య త‌ర‌గ‌తి తండ్రి. త‌న బాస్ కొడుకు బంటు(అల్లు అర్జున్‌)నే త‌న కొడుకుగా పెంచుతుంటాడు. బంటు సొంత త‌ల్లిదండ్రులు వుంటున్న‌ `వైకుంఠ‌పుర‌ము`(ప్యాలెస్ పేరు) వైపు వెళ్ల‌కుండా జాగ్ర‌త్త‌ప‌డుతుంటాడు. 20 ఏళ్ల త‌రువాత ఓ సంఘ‌ట‌న కార‌ణంగా బంటుకి త‌న అస‌లు త‌ల్లిదండ్రులెవ‌రో తెలుస్తుంది. తెలిసిన వెంట‌నే బంటు వైకుంఠ‌పుర‌ములోకి ఎంట‌ర‌వ్వాల‌నుకుంటాడు. అక్క‌డ అత‌నికి ఎదురైన స‌వాళ్లేంటీ? ఇంత‌కీ అత‌న్ని త‌ల్లిదండ్రులు నిజంగానే దూరంగా పెంచారా?, వాల్మీకి ఎందుకు బంటుని వైకుంఠ‌పురానికి దూరంగా వుంచాల్సి వ‌చ్చింది?. దీని వెన‌కున్న అస‌లు క‌థేంటి? అన్న‌ది తెలియాలంటే `అల వైకుంఠ‌పుర‌ములో`(థియేట‌ర్ల‌లో)కి ఎంట‌ర‌వ్వాల్సిందే.

న‌టీన‌టులు:

స్టైలిష్‌స్టార్ అల్లు అర్జున్‌కి ఈ చిత్రంలో మంచి పాత్ర ల‌భించింది. బంటు పాత్ర‌లో ఆల్ ఎమోష‌న్స్‌ని పండించిన తీరు ఆక‌ట్టుకుంటుంది. ఎంట‌ర్‌టైన్‌మెంట్‌, ఫ్యామిలీ ఎమోష‌న్స్‌, యాక్ష‌న్ ఘ‌ట్టాల్లో బ‌న్నీ బెస్ట్ ఇవ్వ‌డానికి ప్ర‌య‌త్నించారు. మ‌ధ్య త‌ర‌గ‌తి తండ్రికి కొడుకుగా, మ‌ధ్య‌త‌ర‌గ‌తి యువ‌కుడిగా బ‌న్నీ న‌ట‌న బాగుంది. ఇక పాట‌ల్లో మునుప‌టి కంటే మ‌రింత‌ స్టైలిష్‌గా క‌నిపించాడు. బ‌న్నీకి న‌ట‌న ప‌రంగా `అల వైకుంఠ‌పుర‌ములో` ఓ మంచి సినిమా అని చెప్పొచ్చు. లాంగ్ బ్రేక్ త‌రువాత ఈ సినిమా రూపంలో అల్లు అర్జున్‌కి టైల‌ర్ మేడ్ పాత్ర ల‌భించింది. దాన్ని ప‌ర్‌ఫెక్ట్‌గా తెర‌పై ర‌క్తిక‌ట్టించే ప్ర‌య‌త్నం చేశారు. ఒక విధంగా చెప్పాలంటే ఈ సినిమా బ‌న్నీ షో అని చెప్పాలి. ఇక మ‌ధ్య త‌ర‌గ‌తి తండ్రిగా ముర‌ళీశ‌ర్మ జీవించేశారు. వాల్మీకి పాత్ర ఆయ‌న‌కోస‌మే రాసిన‌ట్టుంది. అంత‌గా ఆ పాత్ర‌లో ముర‌ళీశ‌ర్మ రాణించార‌న‌డం క‌రెక్ట్‌. పూజా హెగ్డే, నివేదా పేతురాజ్‌, సుశాంత్‌ల‌కు న‌టించ‌డానికి పెద్ద‌గా స్కోప్ ల‌భించలేదు. ఇక మిగ‌తా కీల‌క పాత్ర‌ల్లో న‌టించిన జ‌య‌రామ్‌, టాబు, స‌చిన్‌ఖేడేక‌ర్‌, రోహిణి, న‌వ‌దీప్‌, స‌ముద్ర‌ఖ‌ని, అజ‌య్‌ పాత్ర‌ల ప‌రిథిమేర‌కు అల‌రించారు. రాజేంద్ర‌ప్ర‌సాద్‌, సునీల్‌, రాహుల్ రామ‌కృష్ణ‌, వెన్నెల కిషోర్ కామెడీని పండించారు.

సాంకేతిక వ‌ర్గం:

త్రివిక్ర‌మ్ సినిమా అంటే కేవ‌లం మాట‌లే కాదు విజువ‌ల్స్ కూడా ఐ ఫీస్ట్‌గా వుంటాయి. ఈ సినిమా విష‌యంలోనూ ఆ స్టాండ‌ర్డ్స్ ఎక్క‌డా త‌గ్గ‌కుండా చూసుకున్నారు. సాంకేతికంగా ఈ సినిమా చాలా ఉన్న‌తంగా వుంది. హారిక అండ్ హాసిని, గీతా ఆర్ట్స్ వంటి రెండు ప్ర‌ముఖ నిర్మాణ సంస్థ‌లు నిర్మించిన సినిమా కావ‌డంతో మ‌నింత గ్రాండ్‌గా ఈ చిత్రాన్ని తెర‌పైకి తీసుకొచ్చారు. పీఎస్ వినోద్ ఫొటోగ్ర‌ఫీ మెయిన్ ఎస్సెట్‌గా నిలిచింది. విజువ‌ల్స్ స్టన్నింగ్‌గా వున్నాయి. పారిస్‌లో తీసిన సామ‌జ‌వ‌ర‌గ‌మ‌న పాట‌లో పారిస్ అందాలు, బుట్ట‌బొమ్మ‌పాట‌లో ప్ల‌జెంట్ సెట్ ఎట్మాస్మియ‌ర్ ఆక‌ట్టుకుంటుంది. రిలీజ్‌కి ముందే పాట‌ల‌తో ఆక‌ట్టుకున్న త‌మ‌న్ నేప‌థ్య సంగీతంతోనూ మెప్పించాడు. ఇప్ప‌టి వ‌ర‌కు త‌మ‌న్ నుంచి వ‌చ్చిన చిత్రాల జాబితాలో ఈ ఆల్బ‌మ్ టాప్‌లో నిలుస్తుంది. న‌వీన్ నూలి ఎడిటింగ్ మ‌రింత మెరుగైతే బాగుండేది. సెకండ్ హాఫ్‌లో లాగ్‌ల‌ని ప‌ట్టించుకోలేదేమో అనిపిస్తుంది.

విశ్లేష‌ణ‌:

ఫ‌స్ట్ హాఫ్‌ని త‌న‌దైన మార్కు స‌న్నివేశాల‌తో త్రివిక్ర‌మ్ సాఫీగా సాగించారు. అయితే మ‌ళ్లీ రొటీన్ క‌థ‌నే ఎంచుకోవ‌డం, స‌న్నాఫ్ స‌త్య‌మూర్తి, అజ్ఞాత‌వాసి, అత్తారింటికి దారేది చిత్రాల‌ని గుర్తు చేస‌య‌డం, అందులోని సీన్‌ల‌ని కొన్నింటికి రిపీట్ చేసిన‌ట్టుగా స‌గ‌టు ప్రేక్ష‌కుడికి తెలిసిపోతుంది. `అత్తారింటికి దారేది` చిత్రంతో ప‌వ‌న్ అత్త కోసం ఇంటికి వ‌స్తే..ఇక్క‌డ తండ్రి కోసం ఇంటిని వెతుక్కుంటూ బ‌న్నీ రావ‌డం, మ‌ల్టీ మిలియ‌నీర్ అయిన తండ్రి కంపెనీలో మేజ‌ర్ షేర్ కోసం విల‌న్ బ్యాచ్ ప్ర‌య‌త్నించ‌డం వంటి స‌న్నివేశాలు గ‌త చిత్రాల‌ని గుర్తు చేస్తున్నాయి. ఇది ఈ సినిమాకు పెద్ద మైన‌స్‌గా మారే అవ‌కాశం వుంది. న‌రేష‌న్ ప‌రంగా కూడా పాత పంథానే త్రివిక్ర‌మ్ ఎంచుకోవ‌డం కూడా రొటీన్‌గా అనిపిస్తుంది.
సెకండ్ హాఫ్‌లో క‌థాగ‌మ‌నం మంద‌గించ‌డం, కొన్ని స‌న్నివేశాలు డీవేట్ అవుత‌న్న‌ట్టుగా వుండ‌టం స‌గ‌టు ప్రేక్ష‌కుడికి ఎక్క‌వు. మ‌ల్టీప్లెక్స్ ప్రేక్ష‌కుడిని మాత్ర‌మే దృష్టిలో వుంచుకుని కొన్ని స‌న్నివేశాల్ని రాసిన‌ట్టుగా అనిపిస్తుంది. సినిమా చూసిన వాళ్ల‌లో చాలా వ‌ర‌కు బ‌న్నీ నాన్నింటికి దారేది అంటున్నారంటే ఏ సినిమాని రిఫ‌రెన్స్‌గా త్రివిక్ర‌మ్ తీసుకున్నాడో అర్థ‌మ‌వుతోంది. అయితే త‌న‌దైన మాట‌ల‌తో మాయ చేసే త్రివిక్ర‌మ్ ఈ సినిమాలో కూడా అక్క‌డ‌క్క‌డ త‌న పంచ్‌లైన్‌ల‌తో ఆక‌ట్టుకున్నారు, క‌థ రొటీన్‌గానే అనిపించినా ఈ సంక్రాంతికి ఫ్యామిలీస్‌ని మాత్రం ఆక‌ట్టుకుంటుంది.

Recent Posts

30 ఇయర్స్ పృథ్వీ ఇప్పుడు ఏం చేస్తురో తెలుసా?

టాలీవుడ్ కమెడియన్ 30 ఇయర్స్ పృథ్వీ‌ ఏమైపోయారు, ఎక్కడున్నారు? తెలుగు సినీ ఇండస్ట్రీ మొత్తం ఆయనను దూరం పెట్టిందా? ఆయన చేసిన ఓ చిన్న తప్పిదానికి రాజకీయ భవిష్యత్తు కూడా ముగిసిపోయిందా..? తెలుగు సినీ...

‘ఆపరేషన్ నమస్తే’ రంగంలోకి దిగిన ఆర్మీ.. ఏం చేయబోతోంది?

ప్రపంచ దేశాలను వణికిస్తూ విలయ తాండవం చేస్తోన్న కరోనా కట్టడికి కేంద్రం నడుంబిగించింది. ఇప్పటికే దేశంలో లాక్ డౌన్ ప్రకటిచగా ఇప్పుడు ఆర్మీని రంగంలోకి దింపింది. 'ఆపరేషన్ నమస్తే' పేరిట కరోనాపై యుద్ధనికి...

తిరుమలలో కొండెక్కిన అఖండ దీపం..?!

క‌రోనా ప్రభావంతో తిరుమల శ్రీవారి ఆలయం సహా దేశంలోని ప్రముఖ ఆలయాలన్నీ మూతపడ్డ విషయం విధితమే. అయితే భక్తులకు దర్శనాన్ని ఆపేసినా తిరుమలలో స్వామివారికి నిత్యం నిర్వహించే పూజలు, కైంకర్యాలు మాత్రం యథావిధిగా...

మాస్ట‌ర్ మైండ్ ఎందుకు ఫెయిల‌య్యాడు?

ఇండ‌స్ట్రీలో వున్న నిర్మాత‌ల్లో అల్లు అర‌వింద్ మాస్ట‌ర్ మైండ్ అన్న విష‌యం తెలిసిందే. ఎంత ప్ర‌తికూల ప‌రిస్థితుల్ని అయినా త‌న‌కు అనుకూలంగా మార్చుకోవ‌డంలో అల్లు అర‌వింద్‌ని మించిన వారు లేర‌న్న‌ది ఇండస్ట్రీ వ‌ర్గాల...

ప్ర‌దీప్ మాచిరాజు మళ్లీ మొద‌లుపెట్టాలా?

ప్ర‌దీప్ మాచిరాజు.. బుల్లితెర‌పై స‌క్సెస్‌ఫుల్ యాంక‌ర్‌. ప్ర‌ముఖ టెలివిజ‌న్ ఛాన‌ల్‌లో ప్ర‌దీప్ త‌న పేరే వినిపించేలా చేసుకున్నాడు. అయితే బుల్లితెర‌పై క్రేజ్‌ని సొంతం చేసుకున్న ప్ర‌దీప్‌కు వెండితెర‌పై ఆక‌ట్టుకోవాల‌నే ఆశ మొద‌లైంది. దీంలో...

మ‌నోజ్‌కు విష్ణు ఇచ్చిన స‌ల‌హా ఏంటీ?

హీరో మంచు మ‌నోజ్ ఇటీవ‌ల అత‌ని భార్య‌తో విడిపోయాడు. ఈ విష‌యాన్ని వెల్ల‌డించ‌డానికి చాలానే స‌మ‌యం తీసుకున్నాడు. వ‌రుస పుకార్ల త‌రువాత సోష‌ల్ మీడియా వేదిక‌గా త‌న భార్య‌తో విడిపోయిన‌ట్టు వెల్ల‌డించాడు. ఆ...

భ‌ళా రాజ‌మౌళి భ‌ళా…ఎవ్వ‌రినీ తగ్గించ‌లేదే!

తెలుగులో మ‌ల్టీస్టార‌ర్ చిత్రాల‌కి ప్ర‌ధాన అడ్డంకి ఇద్ద‌రు హీరోల‌కు స‌మ ప్రాధాన్య‌త‌. కథ డిమాండ్ చేసినా చేయ‌కపోయినా ఇద్ద‌రు హీరోల్లో ఏ ఒక్క‌రికీ ప్ర‌ధాన్యం పెర‌గ‌కూడ‌దు త‌గ్గ‌కూడ‌దు. పెరిగితే త‌గ్గిన హీరో ఫ్యాన్స్...

పోగొట్టుకున్న చోటే వెతుక్కుంటోన్న చంద్రబాబు!

రాజకీయాల్లో శాశ్వత మిత్రులు, శాశ్వత శత్రులు ఎవరూ ఉండరు అనే నానుడి మరోసారి రుజువవుతోంది. రాజకీయాల్లో గెలుపు, ఓటములు ఎప్పుడు ఎవరిని ఎటువైపుకి నడిపిస్తాయో.. ఎలాంటి నిర్ణయాలు తీసుకునేలా చేస్తాయో ప్రస్తుతం మాజీ...

జగన్‌ నిర్ణయానికి మద్దతిచ్చిన చంద్రబాబు!

ఉప్పు, నిప్పులా ఒకరిపై ఒకరు చిటపటలాడుతూ.. తీవ్ర విమర్శలు చేసుకునే అధికార, ప్రతిపక్ష నేతలు వారు. కానీ ఇప్పుడు ఒకరు తీసుకున్న కఠిన నిర్ణయానికి మరొకరు మద్దతుగా నిలిచారు. వందశాతం సమర్థించారు. పైగా...

కేసీఆర్ మాటల ఆంతర్యం అదేనా?

ప్రస్తుత కష్టకాలంలో తెలంగాణలో ఎవరూ ఆకలితో అలమటించకుండా చూసే బాధ్యత తీసుకున్నారు ముఖ్యమంత్రి కేసీఆర్. ఆంధ్రప్రదేశ్‌కు చెందిన ప్రజల, విద్యార్థులను కూడా కాపాడుకుంటామని పెద్ద మనసు చాటుకునన్నారు. ఈ విషయంలో ఎవరూ ఏ...

Featured Posts

జగన్‌ నిర్ణయానికి మద్దతిచ్చిన చంద్రబాబు!

ఉప్పు, నిప్పులా ఒకరిపై ఒకరు చిటపటలాడుతూ.. తీవ్ర విమర్శలు చేసుకునే అధికార, ప్రతిపక్ష నేతలు వారు. కానీ ఇప్పుడు ఒకరు తీసుకున్న కఠిన నిర్ణయానికి మరొకరు మద్దతుగా నిలిచారు. వందశాతం సమర్థించారు. పైగా...

వీరికి  లాక్ డౌన్ వర్తించదా?

 ప్రపంచంలోని నూట తొంభై అయిదు దేశాలను గడగడలాడిస్తూ, ఇప్పటివరకు పద్దెనిమిది వేలమంది ప్రాణాలను తీసి, లక్షలాదిమందికి ఆసుపత్రుల పాలు చేసిన భయంకరమైన కరోనా వైరస్ (కోవిద్ 19 ) ఆ రెండుమూడు గ్రామాల...

షాకింగ్‌…. క‌ర్ఫ్యూ మొత్తం 21 రోజులు… క‌రోనా క‌ట్ట‌డికి ఇదే మార్గం..!

వేలాది మందిని నిలువునా పొట్ట‌పెట్టుకుంటున్న క‌రోనా దెబ్బకు ప్ర‌పంచం మొత్తం మూత‌బ‌డుతోంది. దేశ దేశాల‌న్నీ విధిలేక క‌ర్ఫ్యూ విధిస్తున్నాయి. భార‌త్‌లో ఇప్ప‌టికే వారం రోజుల పాటు పూర్తిగా ర‌వాణా నిలిపివేశారు. దాదాపు 75...