Home Cinema `సైరా` ట్రైల‌ర్‌ లో ఇవన్నీ మనం చూడచ్చు

`సైరా` ట్రైల‌ర్‌ లో ఇవన్నీ మనం చూడచ్చు

`సైరా` ట్రైల‌ర్‌ లో ఉండే షాట్స్ ఇవే

మ‌రి కొద్ది గంట‌ల్లో `సైరా` ట్రైల‌ర్ విడుద‌ల కాబోతున్న సంగతి తెలిసిందే. ఈ నేపధ్యంలో మెగాభిమానులందరిలోనూ ఒకటే ప్రశ్న… ఈ ట్రైల‌ర్ ఎలా ఉంటుంది..క్రేజ్ ని పీక్స్ కు తీసుకెళ్తుందా? అని. కేవం మెగా ఫ్యాన్స్ మాత్రమే కాదు టాలీవుడ్ కూడా ఆస‌క్తిగా ఈ ట్రైలర్ కోసం ఎదురు చూస్తోంది. ఎందుకంటే ఇప్పటిదాకా ఈ సినిమాకు సరైన ఊపు తెచ్చే ప్రమోషన్ స్టార్ట్ కాలేదు. పేరుకు పాన్ ఇండియా సినిమా అంటున్నారు కానీ ఆ వేడి ఎక్కడా కపడటం లేదు. దాంతో ఈ ట్రైల‌ర్‌ని బ‌ట్టి సినిమా స్టామినా ఎంతో తేలిపోనుందని లెక్కలేస్తున్నారు.

అయితే.. ఈ విషయాలన్నిటినీ చిత్రం టీమ్ పరిగణనలోకి తీసుకుందని తెలుస్తోంది. దాంతో ట్రైల‌ర్ విష‌యంలో దర్శక,నిర్మాతలు చాలా జాగ్ర‌త్త వ‌హించిన‌ట్టు తెలుస్తోంది. నిర్మాత రామ్ చరణ్ సూచనలు మేరకు సినిమాలో కీల‌క‌మైన ఎపిసోడ్ల‌ని ఈ ట్రైల‌ర్‌తో ప‌రిచ‌యం చేయ‌బోతోంద‌ని తెలుస్తోంది. ఆ కీలకమైన ఎపిసోడ్స్ ఏమిటి..ట్రైలర్ లెంగ్త్ ఎంత అంటే…

అందుతున్న సమాచారం మేరకు ఈ …. ట్రైల‌ర్ లెంగ్త్ దాదాపు 3 నిమిషాలు ఉండ‌బోతోంద‌ట‌. ఈ మూడు నిముషాల్లోనే …యుద్ధ స‌న్నివేశాలు, ఎమోష‌న్ సీన్లు, డైలాగుల‌కు ట్రైల‌ర్‌లో ప్రాధాన్యం ఇచ్చిన‌ట్టు సమాచారం. అలాగే టీజ‌ర్‌లో వదిలేసిన విషయాల ప్రస్దావన ఈ ట్రైలర్ లో ఉంటుందిట. ఎందుకంటే టీజర్ కేవ‌లం చిరంజీవిపైనే ఫోక‌స్ పెట్టింది.

దాంతో ట్రైల‌ర్‌లో మాత్రం అన్ని క్యారక్టర్స్ కూ ప్రాధాన్యం ఇస్తున్నారు. ఇక ఉయ్యాల వాడ న‌ర‌సింహారెడ్డి గొప్ప శివ భ‌క్తుడు అనే విషయం ఎస్టాబ్లిష్ చేస్తారట. అలాగే బ్రిటీష్ సామ్రాజ్యాన్ని చూపెడతారట. ఇక త‌మ‌న్నా నాట్యం, వార్ ఎపిసోడ్లు, విలన్స్ అయిన బ్రిటీష్ వాళ్ల అరాచ‌కాలు ఇవన్నీ ట్రైల‌ర్‌లో చూపించ‌బోతున్నారు. ఇక ట్రైలర్ లోనూ చిరంజీవి బ్రిటీష్ సైనికుల్ని మట్టుపెట్టే షాట్స్ ఉంటాయ. ట్రైల‌ర్ ఓ విజువ‌ల్ వండ‌ర్‌గా ఉండ‌బోతోంద‌ని స‌మాచారం. ఈసాయింత్రం 5గంట‌ల 31 నిమిషాల‌కు సైరా ట్రైల‌ర్ విడుద‌ల కాబోతోంది.

Bikini Show

Recent Galleries

తాజా వార్తలు

అత్యంత ప్రజాధారణ