`స‌రిలేరు నీకెవ్వ‌రు` చిత్రంలో మీకు అర్థ‌మౌతోందా…` అంటూనే త‌న అందాల‌తో మైండ్ బ్లాక్ చేసింది ర‌ష్మిక మంద‌న్న. తెలుగులో కెరీర్ స్టార్ట్ చేసిన సినిమా నుంచి వ‌రుస హిట్‌ల‌ని సొంతం చేసుకుంటున్న ఈ క‌న్న‌డ చిన్న‌ది `మైండ్ బ్లాక్ సాంగ్‌లో రెచ్చిపోయి మాస్ స్టెప్పులు వేయ‌డ‌మే కాదు త‌న ఎద అందాల‌తో ఫ్యాన్స్‌కు క‌నువిందు చేసింది.
ప్ర‌స్తుతం స్టైలిష్ స్టార్ అల్లు అర్జున్‌తో క‌లిసి మాస్ మ‌సాలా ఎంట‌ర్‌టైన‌ర్ `పుష్ప` చిత్రంలో న‌టిస్తోంది. సుకుమార్ తెర‌కెక్కిస్తున్న ఈ చిత్రాన్ని మైత్రీ మూవీమేక‌ర్స్ అత్యంత ప్ర‌తిష్టాత్మ‌కంగా నిర్మిస్తున్నారు. ఇందులో బ‌న్నీ పుష్ప‌రాజ్‌గా ఊర‌మాస్ పాత్ర‌లో లారీడ్రైవ‌ర్‌గా న‌టిస్తున్నారు. కెరీర్‌లో తొలిసారి బ‌న్నీ న‌టిస్తున్న మాస్ క్యారెక్ట‌ర్ ఇది. పాన్ ఇండియా స్థాయిలో ఈ చిత్రాన్ని తెలుగు, త‌మిళ, మ‌ల‌యాళ, క‌న్న‌డ, హిందీ భాష‌ల్లో రిలీజ్ చేయాల‌ని ప్లాన్ చేస్తున్నారు.
శేషాచ‌లం అడ‌వుల్లో గంధ‌పు చ‌క్క‌ల స్మ‌గ్లింగ్ నేప‌థ్యంలో ఈ చిత్రాన్ని తెర‌కెక్కిస్తున్నారు. చిత్తూరు నేప‌థ్యంలో సాగే ఈ చిత్ర క‌థ కోసం బ‌న్నీ చిత్తూరు యాస‌లో మాట్లాడ‌బోతున్నాడు. ఇందు కోసం చిత్తూరు యాస‌న ఇప్ర‌త్యేకంగా ఓ ట్యూట‌ర్ ద్వారా నేర్చుకున్నాడు. ర‌ష్మిక కూడా తాజాగా అదే ప‌ని చేస్తోంది. క‌రోనా కార‌ణంగా లాక్‌డౌన్ విధించ‌డంతో ఈ స‌మ‌యాన్ని బాగా వాడుకుంటోంది. ఇప్ప‌టికే తెలుగుపై ప‌ట్టుని సాధించి త‌న పాత్ర‌కు తానే డ‌బ్బింగ్ చెప్పుకుంటున్న ర‌ష్మిక ఈ చిత్రంలోనూ త‌న పాత్ర‌కు డ‌బ్బింగ్ చెప్పుకొని మ‌రో సారి ప్రేక్ష‌కుల మైండ్ బ్లాక్ చేయ‌బోతోంద‌ట.