నా కెరీర్ నాకు తెలుసు, నా కెరీర్ ఎలా మలచుకోవాలో, ఎలా ముందుకు పరుగులు తీయాలో నాకంటూ ఒక స్టయిల్ ఉంది అని అంటోంది తమిళ భామ నివేదా పేతురాజ్. ఇదంతా ఇప్పుడు ఎందుకు అనుకుంటున్నారా? ఇటీవల ఓ సందర్భంలో నివేదాకు ఓ చిత్ర ప్రముఖుడు.. దర్శకుడే అనుకోండి.. కెరీర్ గురించి చెప్పిందే చెబుతున్నాడట. విసిగిపోయిన నివేదాకు అక్కడినుంచి ఎలా తప్పించుకోవాలో అర్థం గాక ‘అలాగే నా కెరీర్ నాకు తెలుసు’ అంటూ అక్కడినుంచి తెలివిగా తప్పించుకుందట! అదీ సంగతీ!
ఇదిలా ఉండగా, నివేదా పేతురాజ్ టాలీవుడ్ లో దూసుకు వెళ్లేందుకు తీవ్ర కసరత్తులు మొదలు పెట్టిందట. అందులో భాగంగానే క్రేజీ ప్రాజెక్టులపై దృష్టి సారించిందట. అక్కినేని వారసుడు అఖిల్ త్వరలో బొమ్మరిల్లు భాస్కర్ తెరకెక్కించబోయే చిత్రంలో నటించనున్నారు. ఈ చిత్రానికి సంబంధించి త్వరలో చిత్రీకరణ మొదలవుతుంది. అయితే ఈ చిత్రంలో అఖిల్కు జోడీగా నివేదా పేతురాజ్ను ఎంపికచేసుకోవాలని చిత్రబృందం భావిస్తోందట. ‘మెంటల్ మదిలో’, ‘చిత్రలహరి’, ‘బ్రోచేవారెవరురా’ చిత్రాలతో మంచి పేరు తెచ్చుకున్నారు నివేదా. ప్రస్తుతం ఆమె అల్లు అర్జున్, త్రివిక్రమ్
కలయికలో తెరకెక్కుతున్న చిత్రంలో కీలక పాత్రలో నటిస్తున్నారు. ఈ సినిమా చిత్రీకరణ పూర్తయ్యాక అఖిల్, నివేదాకు సంబంధించి అధికారిక ప్రకటన వచ్చే అవకాశం ఉందని తెలుస్తోంది. అఖిల్ నటించబోయే చిత్రాన్ని అల్లు అరవింద్, బన్నీ వాసు సంయుక్తంగా నిర్మించనున్నారు. ఈ చిత్రంతో పాటు మరో రెండు భారీ ప్రాజెక్టులు రెడీగా ఉన్నాయట! నివేదా మాటలా .. కోతలా? నమ్మేద్దామా?
చూద్దాం.. తమిళ భామ కెరీర్ లో ఎలా పరుగులు పెడుతుందో?