RK Roja: వైసీపీ ఫైర్ బ్రాండ్ గా పేరు పొంది మాజీమంత్రి ఆర్కే రోజా అధికారంలో ఉన్నప్పుడు రోజు ప్రెస్ మీట్ కార్యక్రమాలను నిర్వహిస్తూ పవన్ కళ్యాణ్ చంద్రబాబు నారా లోకేష్ పై తీవ్రస్థాయిలో ఆగ్రహం వ్యక్తం చేస్తూ విమర్శలు కురిపించారు. ఇక గత ఎన్నికలలో భాగంగా కూటమి ప్రభుత్వం చేతిలో వైకాపా పార్టీ చిత్తుచిత్తుగా ఓడిపోయింది.
ఇలా వైకాపా కేవలం 11 స్థానాలకు మాత్రమే పరిమితమయ్యారు. ఇలా పార్టీ ఘోరంగా ఓడిపోవడంతో ఎంతో మంది కీలక నేతలు ప్రస్తుతం మౌనం పాటిస్తూ ఉన్నప్పటికీ ఆర్కే రోజా మాత్రం తగ్గేదే లేదంటూ నిత్యం సోషల్ మీడియాలోనూ అలాగే మీడియా సమావేశాలలో కూటమి ప్రభుత్వంపై ప్రభుత్వ తీరు పట్ల ప్రశ్నిస్తూనే తీవ్రస్థాయిలో మండిపడుతున్నారు.
ఈ క్రమంలోనే డిప్యూటీ సీఎం పవన్ కళ్యాణ్ గురించి ఈమె ఇటీవల చేసిన వ్యాఖ్యలు సంచలనంగా మారాయి. 2024 అసెంబ్లీ ఎన్నికలలో భాగంగా వైయస్ జగన్మోహన్ రెడ్డి పై తెలుగుదేశం పార్టీ, జనసేన, బీజేపీ ఈ మూడు పార్టీలు కలిసి పోటీకి దిగిన సంగతి తెలిసిందే. ఇలా మూడు పార్టీలు ఏకమై ఒక జగన్మోహన్ రెడ్డిని ఎదుర్కొన్నారు.
ఈ విషయం గురించే ఆర్కే రోజా మాట్లాడుతూ పవన్ కళ్యాణ్ నువ్వు ఎలా గెలిచావు అనేది నీకు తెలుసు. నీకు దమ్ము ధైర్యం ఉంటే సింగిల్ గా పోటీ చేసి ఈసారి గెలిచి చూపించు.టీడీపీతోనో, బీజేపీతోనో ఎవరెవరి బలంతోనో నువ్వు వచ్చావు తప్ప.. నీ బలంతో నువ్వు రాలేదు. నీ బలం ఏంటి అనేది గత ఎన్నికలలో నువ్వు రెండు చోట్ల పోటీ చేసి ఓడిపోయినప్పుడే అర్థమైందని రోజా తెలిపారు.
నేను నా నియోజకవర్గంలో ఎవరి మద్ధతు లేకుండా సొంతంగా పోటీ చేసి ఎన్నికలలో విజయం సాధించాను .ఈరోజు నేను ఓడిపోవచ్చు కానీ రేపు గెలుస్తాననే నమ్మకం నాలో ఉంది. అదే నువ్వు ఎవరి మద్దతు లేకుండా సింగిల్ గా పోటీ చేసి గెలిచి చూపించు అంటూ ఈ సందర్భంగా రోజ చేసిన ఈ వ్యాఖ్యలు సోషల్ మీడియాలో సంచలనంగా మారాయి.