Bholaa Shankar : మళ్ళీ తన కెరీర్ లో ఎప్పుడూ లేని విధంగా సినిమాల్లో మెగాస్టార్ చిరంజీవి చాలా బిజీ అయ్యిపోయారు. ఏకకాలంలో ఏకంగా నాలుగు సినిమాలు షూటింగ్ చేస్తూ చిరు మళ్ళీ ఇప్పుడు యంగ్ హీరోలకి ప్రేరణగా నిలిచారు. మరి నాలుగు సినిమాల్లో ఒకటి రెండు రీమేక్ సినిమాలే ఉన్నాయి. వాటిలో ఒకటే దర్శకుడు మెహర్ రమేష్ దర్శకత్వం వహిస్తున్న చిత్రం “భోళా శంకర్”.
పక్కా మాస్ ఎంటర్టైనర్ సినిమాగా దీనిని తెరకెక్కిస్తున్నారు. కోలీవుడ్ బ్లాక్ బస్టర్ సినిమా వేదాళం కి రీమేక్ గా దీనిని ప్లాన్ చేస్తుండగా తమన్నా హీరోయిన్ గా నటిస్తుంది.. మరి ఈ సినిమా నుంచి చిత్ర బృందం ఇప్పుడు ఒక ఊహించని సడెన్ అప్డేట్ ని అందించారు. రేపు జనవరి 1 కొత్త సంవత్సరం లోకి అడుగు పెట్టబోతుండగా ఈ కొత్త సంవత్సరాన్ని మెగా ఫ్యాన్స్ కి ట్రీట్ తో స్టార్ట్ చేస్తున్నారు.
ఈ సినిమా నుంచి ఒక కీలక అప్డేట్ ని రివీల్ చేస్తున్నట్టుగా తెలిపారు. దీనిని రేపు ఉదయం 9 గంటలకు రిలీజ్ చేస్తారట. మరి అదేంటో వేచి చూడాల్సిందే. ఇక ఈ సినిమాలో మరో స్టార్ హీరోయిన్ కీర్తి సురేష్ కూడా నటిస్తుండగా మణిశర్మ తనయుడు మహతి సాగర్ సంగీతం అందిస్తున్నాడు.