Home Movie Reviews Telugu Movie Reviews `డిస్కోరాజా` మూవీ రివ్యూ

`డిస్కోరాజా` మూవీ రివ్యూ

నటీనటులు: రవితేజ, పాయల్ రాజ్‌పుత్, నభా నటేష్, తాన్య హోప్, బాబీ సింహా, సునీల్, వెన్నెల కిషోర్, సత్య, అజయ్, జీవా, సత్యం రాజేష్, రాంకీ, రఘుబాబు, గిరిబాబు, అన్నపూర్ణమ్మ, నరేష్, సీవీఎల్ నరసింహారావు తదితరులు నటించారు.

స్టోరీ, స్క్రీప్‌ప్లే, దర్శకత్వం: వి.ఐ.ఆనంద్
నిర్మాత: రామ్ తాళ్లూరి
సంగీతం: తమన్
సినిమాటోగ్రఫీ: కార్తీక్ ఘట్టమనేని
మాటలు: అబ్బూరి రవి
ఎడిటింగ్: శ‌్ర‌వ‌ణ్ క‌టిక‌నేని
రిలీజ్ డేట్: 24-01-2020
రేటింగ్: 2.5

ఏడాది విరామం తరువాత 2017లో `రాజా ది గ్రేట్`తో ప్రేక్షకుల ముందుకొచ్చారు మాస్ రాజా రవితేజ. ఇది హిట్ అనిపించుకున్నా ఆ తరువాత చేసిన టచ్ చేసి చూడు, నేల టిక్కెట్టు, అమర్ అక్బర్ ఆంటోని…ఇలా వరుసగా మూడు ఫ్లాప్‌ల‌ని చవిచూశారు. దీంతో మళ్లీ ఏడాది విరామం తీసుకున్న మాస్ రాజా సైన్స్ ఫిక్షన్ థ్రిల్లర్ `డిస్కోరాజా`తో ప్రేక్షకుల ముందుకొచ్చారు. మురుగదాస్ శిష్యుడు వి.ఐ.ఆనంద్ దర్శకత్వం వహించిన ఈ సినిమా అటు వి.ఐ.ఆనంద్‌కు, ఇటు మాస్ రాజా రవితేజకు, నిర్మాత రామ్ తాళ్లూరికి విషమ పరీక్షే. ఎందుకంటే ఈ సమయంలో ఈ ముగ్గురికి హిట్ కావాలి. ఏడాది విరామం తరువాత పూర్తి నమ్మకంతో గ్యారెంటీగా హిట్ కొట్టాలనే పట్టుదలతో చేశామని ఈ చిత్ర ప్రమోషన్స్‌లో రవితేజ చాలా కాన్ఫిడెంట్‌గా చెప్పారు. అయ‌న‌ చెప్పినట్టే సినిమా వుందా? లేదా అన్నది తెలియాలంటే కథలోకి వెళ్లాల్సిందే.

కథ:

మంచు కొండ‌ల్లో బ్రెయిన్ డెడ్ అయిన ప‌డి వున్న వాసు (ర‌వితేజ‌) ని తీసుకొచ్చి బ‌యోకెమిక‌ల్ వారు అత‌నిపై ప్ర‌యోగం చేస్తారు. ఆ ప్ర‌యోగం ఫ‌లించి అత‌ను తిరిగి మ‌ళ్లీ మామూలు మ‌నిషి అవుతాడు. అయితే ఆ ప్ర‌యోగం వ‌ల్ల త‌న గ‌తాన్ని మొత్తం మ‌ర్చిపోతాడు. ప్ర‌యోగం అనంత‌రం వాసు బ‌యో కెమిక‌ల్ ల్యాబ్ నుంచి త‌ప్పించుకుని త‌న కుటుంబాన్ని వెతుక్కుంటూ వెళ్లే క్ర‌మంలో ఓ ఎంపీతో గొడ‌వ‌కు దిగుతాడు. ఇదే స‌మ‌యంలో బ‌ర్మాసేతు (బాబీ సింహా) వాసుని హ‌త్య చేయ‌డానికి వ‌స్తాడు. బ‌ర్మా సేతు.. వాసుని చంపాల‌నుకోవ‌డానికి కార‌ణం డిస్కోరాజ్‌(ర‌వితేజ‌). ఇంత‌కీ డిస్కోరాజ్ ఎవ‌రు?. అత‌ని క‌థేంటి?. అత‌నికీ వాసుకి ఉన్న సంబంధం ఏంటి?. ఆ త‌రువాత క‌థ ఎన్ని మ‌లుపులు తిరిగింది?…వాసు మంచు ప‌ర్వతాల్లో అచేత‌నంగా ప‌డిపోవ‌డానికి కార‌ణం ఎవ‌రు?.. అస‌లు వాసు.. డిస్కోరాజ్ ఒక‌రేనా? అత‌నిపై బ‌యో కెమిక‌ల్ ల్యాబ్‌లో జ‌రిగిన ప్ర‌యోగం ఏంటి? అన్న విష‌యాలు తెలియాలంటే సినిమా చూడాల్సిందే.

నటీనటులు:

ఏడాది విరామం త‌రువాత రవితేజ నుంచి వ‌చ్చిన సినిమా ఇది. త‌న‌దైన మేన‌రిజ‌మ్స్‌తో ఆక‌ట్టుకునే ర‌వితేజ ఈ మ‌ధ్య వ‌రుస ఫ్లాపుల‌తో రేసులో చాలా వేన‌క‌బ‌డిపోయారు. ఆ లోటుని తీర్చాల‌ని కొంత విరామం తీసుకుని చేసిన సైన్స్ ఫిక్ష‌న్ ఇది. డిస్కోరాజ్‌గా మాస్‌రాజా అద‌ర‌గొట్టాడ‌ని చెప్పొచ్చు. కొత్త ర‌వితేజ క‌నిపించాడు. మేన‌రిజ‌మ్స్, డైలాగ్ మాడ్యులేష‌న్‌, క్యారెక్ట‌ర్‌ని ఓన్ చేసుకున్న తీరు ఆక‌ట్టుకుంటుంది. గ‌త చిత్రాల‌కు పూర్తి భిన్నంగా క‌నిపించారు. డిస్కోరాజ్‌.. మ‌జా లేలో అన్న‌ట్టుగానే వుంది ర‌వితేజ క్యారెక్ట‌ర్‌ని మ‌లిచిన తీరు. ఆ త‌రువాత మెప్పించిన పాత్ర బాబీ సింహాది. బ‌ర్మా సేతు పాత్ర‌లో త‌న‌దైన న‌ట‌న‌తో ఆక‌ట్టుకునే ప్ర‌య‌త్నం చేశారు. సునీల్ కిది ఓ గేమ్ చేంజ‌ర్ అనుకోవ‌చ్చు. కామెడీని పండిస్తూనే నెగెటివ్ షేడ్స్‌తో త‌న‌లోని కొత్త కోణాన్ని ఆవిష్క‌రించే ప్ర‌య‌త్నం చేశారు. ఈ సినిమాతో సునీల్ కెరీర్ కొత్త మ‌లుపు తిరిగే అవ‌కాశం వుంది. ఇక సినిమాలో ముగ్గురు హీరోయిన్‌లు న‌టించారు. పాయల్ రాజ్‌పుత్, నభా నటేష్, తాన్య హోప్ ఈ ముగ్గురిలో కొంత‌లో కొంత పాయ‌ల్ రాజ్ పుత్‌కు త‌ప్ప ఎవ‌రికీ అంత ప్రాధాన్య‌త ల‌భించ‌లేదు. వెన్నెల కిషోర్ న‌వ్వించే ప్ర‌య‌త్నం చేశారు.
సత్య, అజయ్, జీవా, సత్యం రాజేష్, రాంకీ, రఘుబాబు, గిరిబాబు, అన్నపూర్ణమ్మ, నరేష్, సీవీఎల్ నరసింహారావు పాత్ర‌ల ప‌రిధిమేర‌కు న‌టించారు.

సాంకేతిక వర్గం:

సైన్స్ ఫిక్ష‌న్‌గా క‌ల‌రింగ్ ఇచ్చినా రోటీన్ రివేంజ్ డ్రామానే ఎన్నుకున్నారు వి.ఐ. ఆనంద్‌. ఆయ‌న ప‌నిత‌నం ఎక్క‌డా క‌నిపించ‌లేదు. అత‌నికి మించి బెస్ట్ ఇచ్చిన వారు ఎవ‌రైనా వున్నారంటే అది ర‌వితేజ‌తో పాటు టెక్నీషియ‌న్స్ మాత్ర‌మే. `అల వైకుంఠ‌పుర‌ములో`తో మాంచి ఫామ్‌లో వున్న త‌మ‌న్ ఈ సినిమా విష‌యంలోనూ అదే ఫామ్‌ని కొన‌సాగించాడు. పాట‌ల‌తో పాటు ఆయ‌న అందించిన నేప‌థ్య సంగీతం ఈ చిత్రానికి ప్ల‌స్ అని చెప్పాలి. రెట్రో థ్రిల్ల‌ర్ అయిన ఈ చిత్రాన్ని విజువ‌ల్స్ ప‌రంగా ఉన్న‌తంగా చూపించే ప్ర‌యత్నం చేశాడు కెమెరామెన్ కార్తీక్ ఘ‌ట్ట‌మ‌నేని. సినిమాలో ర‌వితేజ పాత్ర ఎంత క్లాస్‌గా క‌నిపించినా మాస్‌ని ఆక‌ట్టుకునే డైలాగ్‌ల‌ని రాసి అద‌ర‌గొట్టారు అబ్బూరి ర‌వి. శ‌్ర‌వ‌ణ్ క‌టిక‌నేని ఎడిటింగ్ విష‌యంలో మ‌రిన్ని జాగ్ర‌త్త‌లు తీసుకుని వుంటే బాగుండేది. కొంత వ‌ర‌కు బోరింగ్ సీన్‌ల‌కు క‌త్తెర‌ వేయాల్సింది. ఇలాంటి సినిమా ఎంత షార్ప్‌గా క‌ట్ చేస్తే అంత ఎంగేజింగ్‌గా వుంటుంది. కానీ ఆ విష‌యంలో ద‌ర్శ‌కుడు, ఎడిట‌ర్ ఫెయిల్ అయిన‌ట్టే తెలుస్తోంది. ఈ విష‌యంలో జాగ్ర‌త్త‌ప‌డితే కొంత వ‌ర‌కైనా మెప్పించే వీలుండేదేమో.

విశ్లేషణ:

సైన్స్ ఫిక్ష‌న్ అని ఇండికేష‌న్స్ అందించి సినిమాకి రెట్రో క‌ల‌ర్ ఇచ్చిన ద‌ర్శ‌కుడు వి.ఐ. ఆనంద్ రొటీన్ రివేంజ్‌ డ్రామాని తెర‌పైకి తీసుకొచ్చి ప్రేక్ష‌కుల్నిమోసం చేశాడ‌నే చెప్పాలి. శిరీష్‌తో కొరియ‌న్ సైన్స్ ఫిక్ష‌న్ ని `ఒక్క క్ష‌ణం` పేరుతో ఫ్రీమేక్ చేసి ఫెయిల్ అయిన వి.ఐ. ఆనంద్ మ‌ళ్లీ అదే త‌ప్పు చేసిన‌ట్టు క‌నిపిస్తోంది. సినిమా ప్ర‌క‌టించిన ద‌గ్గ‌రి నుంచి వ‌రుస లుక్‌ల‌తో నానా హంగామా చేసి అంచ‌నాల్ని పెంచేసిన ఆయ‌న ఆ స్థాయిలో మాత్రం కంటెంట్‌ని అందించ‌లేక‌పోయాడు. డిస్కోరాజ్ పాత్ర‌ని మాత్ర‌మే ప్ర‌ధానంగా రాసుకుని సినిమాకు ప్రాణ‌మైన అస‌లు క‌థ‌ని గాలికి వ‌దిలేసిన‌ట్టు అర్థ‌మౌతోంది. ఆ పాత్ర‌ని గంట న‌డిపించి బాగానే స్కోర్ చేసిన ఆనంద్ ఆ త‌రువాత చేతులెత్తేయ‌డంతో క‌థ గాడి త‌ప్పింది. దీనికి తోడు ర‌వితేజ మార్కు కామెడీ పంచ్‌లు, మాస్ ఎలిమెంట్స్ లేక‌పోవ‌డం మ‌రో డ్రాబ్యాక్‌గా చెప్పుకోవ‌చ్చు. డిస్కో అంటూ బొమ్మ చూపించిన వి.ఐ. ఆనంద్ సైన్స్ ఫిక్ష‌న్ పేరుతో చేసిన ప్ర‌యోగం మ‌రోసారి నిరాశ‌ప‌రిచింది. దాంతో భారీగా అంచ‌నాలు పెంచిన `డిస్కోరాజా` బాక్సాఫీస్ వ‌ద్ద‌ యావ‌రేజ్‌ సినిమాగా మిగిలిపోయింది.

Featured Posts

ప్రజాస్వామ్యంలో ప్రభుత్వాలు ఎలా పని చేస్తాయి?

ప్రతీ శాఖకీ ఒక సెక్రటరీ ఉంటారు. ఆ శాఖకి మొత్తం బాధ్యత వారిదే. వీళ్ళకి రాజకీయాలతో పని లేదు. తమ తమ పరిధిలో వారి బాధ్యతలు వారు నిబద్ధతతో నిర్వర్తిస్తారు. అప్పుడప్పుడు రాజకీయ...

ఏపీలో భీభ‌త్సం సృష్టిస్తున్న నిజాముద్దీన్‌!

ఏపీలో నిజాముద్దీన్ భీభ‌త్సం సృష్టిస్తోంది. నిన్న‌ మొన్న‌టి వ‌ర‌కు తెలంగాణ కంటే చాలా త‌క్క‌వ పాజిటివ్ కేసులు న‌మోదైన ఏపీలో బుధ‌వారం ఒక్క‌సారిగా ప‌రిస్థితి మారిపోయింది. గురువారం ఒక్క‌రోజే ఏకంగా 21 పాజిటివ్...

జగన్‌ నిర్ణయానికి మద్దతిచ్చిన చంద్రబాబు!

ఉప్పు, నిప్పులా ఒకరిపై ఒకరు చిటపటలాడుతూ.. తీవ్ర విమర్శలు చేసుకునే అధికార, ప్రతిపక్ష నేతలు వారు. కానీ ఇప్పుడు ఒకరు తీసుకున్న కఠిన నిర్ణయానికి మరొకరు మద్దతుగా నిలిచారు. వందశాతం సమర్థించారు. పైగా...

Recent Posts

క‌రోనా: సాయంలో ఆ న‌లుగురు డ‌మ్మీయేనా?

తెలుగు ప్ర‌జ‌లు విప‌త్క‌ర ప‌రిస్థితుల్లో ఉన్న‌ప్పుడు ప్ర‌తిసారీ టాలీవుడ్ స్పందించే తీరు ప్ర‌శంస‌లు అందుకుంటూనే ఉంది. ఒక ర‌కంగా ఇరుగు పొరుగు రాష్ట్రాల్లో విప‌త్తులు వ‌చ్చినా మ‌న స్టార్లు ఉదారంగా విరాళాలు అందిస్తూ...

లాక్ డౌన్ ఉల్లంఘించి పిల్ల‌ర్ ని గుద్దిన హీరోయిన్

దాదాపు దేశం మొత్తం లాక్ డౌన్ కొనసాగుతోంది. ఏప్రిల్ 14 వ‌ర‌కూ గుమ్మం దాట‌డానికి వీల్లేని స్థితి. ముఖ్యంగా మెట్రో పాలిట‌న్ సిటీల్లో లాక్ డౌన్ ప‌క్కాగా అమ‌ల‌వుతోంది. అయినా కొన్ని చోట్ల...

పృథ్వీరాజ్ ఫేస్ బుక్ పోస్ట్ వైర‌ల్‌!

క‌రోనా ప్ర‌పంచాన్ని వ‌ణికిస్తున్న వేళ మ‌ల‌యాళ న‌టుడు పృథ్వీరాజ్ సుకుమార‌న్ జోర్డాన్‌లో చిక్కుకున్న విష‌యం తెలిసిందే. `ఆడుజీవితం` సినిమా షూటింగ్ కోసం 58 మంది యూనిట్ స‌భ్యుల‌తో జోర్డాన్ వెళ్లిన ఈ చిత్ర...

షాకింగ్ ట్విస్ట్‌: స్వ‌లింగ సంప‌ర్కుడితో హీరోయిన్ ఎఫైర్

ఒక‌రిని ప్రేమించి.. కొన్నాళ్ల పాటు స‌హ‌జీవ‌నం చేసి.. అటుపై క‌ల‌త‌ల‌తో విడిపోతే.. అప్పుడు అత‌డిని హిజ్రా అంటూ అవ‌మానించ‌డం స‌రైన‌దేనా? అత‌డు హిజ్రా అయితే అది ముందే తెలుసు క‌దా? ఇంత‌కాలం ఎందుక‌ని...

ఆవిడ‌ అక్క అయితే.. ప్ర‌భాస్ బావ గారు!

డార్లింగ్ ప్ర‌భాస్ కి ప్ర‌పంచ వ్యాప్తంగా ఉన్న ఫాలోయింగ్ గురించి తెలిసిందే. అమెరికాలోనూ అత‌డికి వీరాభిమానులున్నారు. ఇక‌పోతే మిర్చి ఫేం రిచా గంగ‌పోధ్యాయ ప్ర‌స్తుతం అమెరికాలోనే ఉంటోంది. మిర్చి..మిర‌ప‌కాయ్..భాయ్ లాంటి సినిమాల్లో న‌టించిన...

లాక్ డౌన్ లో హీరోని అప్ప‌డిగిన హీరోయిన్!

ఎంకి చావు సుబ్బికొచ్చిన‌ట్టుగా ఉంది మ‌రి. ప్ర‌పంచం దేశాలు లాక్ డౌన్ సీన్ తో తీవ్రంగా న‌ష్ట‌పోయాయి. దీంతో అన్ని బిజినెస్ లు క్లోజ్ అయ్యాయి. ముఖ్యంగా సినిమా వినోద ప‌రిశ్ర‌మ‌లు ఖ‌తం...

RRR రిలీజ్ పై దాన‌య్య కాన్ఫిడెన్స్ ఏంట‌బ్బా!

లాక్ డౌన్ నేప‌థ్యంలో ఇండియాస్ మోస్ట్  అవైటెడ్ మూవీ RRR రిలీజ్ పై నీలి నీడ‌లు క‌మ్ముకున్న సంగ‌తి తెలిసిందే. క‌రోనా వైర‌స్ వ్యాప్తి కార‌ణంగా తాత్కలికంగా షూటింగ్ లు అన్నీ బంద్...

ప‌వ‌న్ – క్రిష్ సినిమాకు టైటిల్ ఫిక్స‌యిన‌ట్టేనా?

ప‌వ‌ర్‌స్టార్ ప‌వ‌న్‌క‌ల్యాణ్ రెండేళ్ల విరామం త‌రువాత మ‌ళ్లీ కెమెరా ముందుకొచ్చారు. జ‌న‌సేన పార్టీ కార్య‌క్ర‌మాల్లో బిజీగా గ‌డిపేసిన ప‌వ‌న్ మ‌రోసారి అభిమానులు కోరిక మేర‌కు మ‌ళ్లీ ఫేస్‌కి మేక‌ప్ వేసుకున్నారు. బాలీవుడ్ హిట్...

ప్చ్‌..! లాక్ డౌన్ ఎత్తేసినా ఆ డ‌జ‌ను రిలీజ్ డౌటే!

లాక్ డౌన్ పంచ్ కి థియేట‌ర్లు బంద్ అవ్వ‌డంతో సినిమాల రిలీజ్ ల‌న్నీ వాయిదా ప‌డిన సంగ‌తి తెలిసిందే. ఇత‌ర ప‌రిశ్ర‌మ‌ల్లానే వినోద‌ప‌రిశ్ర‌మ అల్ల‌క‌ల్లోలం అయ్యింది. ప్ర‌స్తుతం మార్చిలో రిలీజ్ కావాల్సిన సినిమాల‌న్నీ...

గ‌ప్ చుప్‌: ప‌వ‌ర్ స్టార్ మూవీలో క‌రోనా!

ప‌వ‌ర్ స్టార్ ప‌వ‌న్ క‌ల్యాణ్ బ్యాక్ టు బ్యాక్ సినిమాలు చేస్తూ ఫ్యాన్స్ లో ఉత్సాహం పెంచిన సంగ‌తి తెలిసిందే. వ‌కీల్ సాబ్ (పీ.ఎస్.పీ.కే 26) .. పీ.ఎస్.పీ.కే 27 చిత్రాలు సెట్స్...