NC24: టాలీవుడ్ హీరో అక్కినేని నాగచైతన్య ప్రస్తుతం బ్యాక్ టు బ్యాక్ మూవీలలో నటిస్తూ ఫుల్ బిజీ బిజీగా ఉన్న విషయం తెలిసిందే. సినిమా హిట్, ప్లాప్ తో సంబంధం లేకుండా వరుసగా సినిమా అవకాశాలను అందుకుంటూ దూసుకుపోతున్నారు. ఇకపోతే నాగచైతన్య త్వరలోనే రెండో పెళ్లి చేసుకోబోతున్న విషయం తెలిసిందే. త్వరలోనే శోభిత ధూళిపాళ్ల మెడలో మూడు ముళ్ళు వేయబోతున్నారు.
ఇకపోతే ప్రస్తుతం నాగచైతన్య తండేల్ సినిమాలో నటిస్తున్న విషయం తెలిసిందే. చందు మొండేటి ఈ సినిమాకు దర్శకత్వం వహిస్తున్నారు. ఇందులో సాయి పల్లవి హీరోయిన్ గా నటిస్తోంది. తాజాగా నాగచైతన్య పుట్టినరోజు సందర్భంగా అభిమానులకు ఒక గుడ్ న్యూస్ ని తెలిపారు నాగచైతన్య. పుట్టినరోజు సందర్భంగా తాను నటిస్తున్న కొత్త సినిమాను ప్రకటించారు. NC24 పేరుతో ఈ సినిమా రూపొందుతోందట. సుకుమార్‌ రైటింగ్స్ నుంచి ఈ చిత్రం రానుంది.
కార్తిక్‌ దండు దర్శకత్వంలో పౌరాణిక కథ నేపథ్యంలో తెరకెక్కనుందట. ఈ విషయాన్ని తెలుపుతూ నిర్మాణ సంస్థ ఒక పోస్టర్ ను విడుదల చేసింది. ప్రస్తుతం అందుకు సంబంధించిన పోస్టర్ సోషల్ మీడియాలో వైరల్ కావడంతో అభిమానులు ఆ పోస్టర్ పై స్పందిస్తూనే నాగచైతన్యకు పుట్టినరోజు శుభాకాంక్షలు తెలుపుతున్నారు. ఇక నాగచైతన్య తదుపరి సినిమా తండేల్ మూవీ ఫిబ్రవరి 7వ తేదీన విడుదల కానున్న విషయం తెలిసిందే. ఇందులో ఒక మత్స్యకారుడుగా కనిపించబోతున్నారు నాగచైతన్య.