Home News Andhra Pradesh శాసన మండలి రద్దుతో వైసిపికి ప్లస్సెంత? మైనస్సైంత?

శాసన మండలి రద్దుతో వైసిపికి ప్లస్సెంత? మైనస్సైంత?

 

అందరూ ఊహించినట్లుగానే శాసన మండలి రద్దు చేస్తూ శాసన సభలో తీర్మానం చేశారు.ఇక కేంద్రంలో ఉభయ సభలు ఆమోదించిన తదుపరి రాష్ట్ర పతికి వెళ్లి ఆమోద ముద్ర పడితే అంతటితో మండలి కథ ఖతమౌతుంది. ముఖ్యమంత్రి జగన్మోహన్ రెడ్డి తత్వం ఎరిగిన వారెవరూ శాసన మండలి కొనసాగుతుందని భావించ లేదు. అయితే మండలి రద్దు ద్వారా వైసిపి రాష్ట్ర ప్రభుత్వం వెనువెంటనే పొందే ప్రయోజనాలు ప్రశ్నార్థకమే. ఏ ప్రయోజనాలైతే ఆశించి శాసన మండలి రద్దు చేస్తున్నారో మూడు రాజధానులకు చెందిన రెండు బిల్లులకు ఈ చర్య ద్వారా వెను వెంటనే విముక్తి లభిస్తుందనే నమ్మకం లేదు. ముఖ్యమంత్రి సహజ నైజమైన మాట తప్పను మడమ తిప్పను అనే సూక్తి మాత్రం అమలుకు వచ్చింది.

ముఖ్యమంత్రి జగన్మోహన్ రెడ్డి గత చరిత్ర పరిశీలించితే ఆయన వ్యవహార శైలి సులభంగా అర్థం చేసుకోగలం. డాక్టర్ రాజశేఖరరెడ్డి చనిపోయిన తర్వాత సకుటుంబంగా సోనియా గాంధీని కలిసి వచ్చిన తదుపరి ఓదార్పు యాత్ర మొదలు పెట్టకుండా కొన్నాళ్లు వేచి వుంటే రోశయ్య ముఖ్యమంత్రి అయ్యే వారు కాదని జగన్మోహన్ రెడ్డి ముఖ్యమంత్రి అయ్యే వారని ఎప్పటి నుండో రాజకీయ వర్గాల్లో చర్చ సాగుతోంది. ఫలితంగా తొమ్మిది సంవత్సరాల తర్వాత జగన్మోహన్ రెడ్డి ముఖ్యమంత్రి అయ్యారు.

ఇప్పుడు కూడా మూడు రాజధానుల ప్రతిపాదన శాసన మండలి రద్దు చేయడం ముఖ్యమంత్రి రాజకీయ జీవితంలో మరొక కీలక మైన నిర్ణయంగా భావించ వలసి వుంది. వీటి పరిణామం ఏలా వుంటాయో ఇప్పుడే చెప్ప లేము. ముఖ్యమంత్రి లేదా వైసిపి అధిష్టాన వర్గం ఆలోచన ఏలా వుందో ఏలాంటి ప్రయోజనం ఆశించి ఈ నిర్ణయం తీసుకున్నారో పక్కన బెడితే మూడవ పక్షంగా ఆలోచించితే మున్ముందు రాజకీయంగా ఎంతో కొంత నష్ట పోవడం ఖాయం.

మరో వేపు ప్రస్తుతం పదవులు అనుభవిస్తున్న టిడిపి నేతలు వెంటనే పార్టీ ఫిరాయింపులకు పాల్పడ కుండా మరింత కట్టడికి పరోక్షంగా వారికి అవకాశం ఇచ్చినట్లయింది. అదే సమయంలో వైసిపి ఆపరేషన్ ఆకర్ష్ కు తమ నేతలు లొంగ లేదని టిడిపి అధిష్టాన వర్గం చెబుతోంది. పదవులు పోగొట్టు కుంటున్న టిడిపి నేతలు మున్ముందు ఆ పార్టీకి గుడ్ బై చెప్పే అవకాశాలు సన్నగిల్లాయి. ఒక వేళ వైసిపిలోనికి వెళ్లినా పదవులు ఇచ్చేందుకు అవకాశం లేదు. వాస్తవంలో చట్ట సభకు చెంది దాదాపు నలభై పదవులు మండలి రద్దు ద్వారా వైసిపి పోగొట్టుకున్నది. ఏ ప్రాంతీయ పార్టీకి ఇది మంచి చేయదు. మున్ముందు పార్టీ ఫిరాయింపులకు ముఖ్యమంత్రి పూర్తిగా తలుపులు మూసి వేశారు.

ఇది ఒక రకంగా చంద్రబాబు నాయుడు నెత్తిన పాలు పోసినట్టు భావించాలి. ఎమ్మెల్యే స్థాయిగల నేతలు ఎవరైనా ఏ పార్టీ కైనా ఫిరాయిస్తున్నారంటే. పదవుల ఆశతో తప్ప పార్టీ సిద్థాంతాలు మెచ్చి కాదు. శాసన మండలి రద్దు ద్వారా ఈ అవకాశం చేజారి పోయింది. టిడిపి ఎమ్మెల్సీలు ప్రస్తుతానికీ నిజాయతి పరులుగా ప్రస్తుతింప బడుతున్నారు. ప్రస్తుతం వైసిపి అధికారంలో వుంది కాబట్టి ఇప్పట్లోవైసిపికి చెందిన వారెవరూ బయట పడక పోవచ్చు. అయితే ఖచ్చితంగా ఈ ప్రభావం స్థానిక సంస్థల ఎన్నికల్లో వైసిపి అధిష్టాన వర్గం చవి చూడక తప్పదు. కాని మున్ముందు మండలిలో కాలయాపన జరిగిన తదుపరి అయినా బిల్లులు తిరిగి మండలి ముందుకు వచ్చినప్పుడు వైసిపి ఆపరేషన్ ఆకర్ష్ ఆయుధం ప్రయోగించితే పదవులు పోయిన బాధతో తాయిలాలకు టిడిపి ఎమ్మెల్సీలు లొంగే అవకాశం లేక పోలేదు. ఇదే జరిగితే టిడిపికి రెండు విధాల నష్టం వుంటుంది. ఈ ఆలోచనతోనే వైసిపి అధిష్టాన వర్గం మండలి రద్దుకు సిద్ద పడిందేమో. .

మరో వేపు ఎన్నికల అనంతరం ముఖ్యమంత్రి జగన్మోహన్ రెడ్డి కనీసం ఒక సంవత్సరం వివాదాస్పద అంశాల జోలికి వెళ్లకుండా వుంటే ఇసుక కొరతలాంటి అంశాల్లో జాగ్రత్త పడి వుంటే చంద్రబాబు నాయుడు పవన్ కళ్యాణ్ వీధుల్లోనికి వచ్చేందుకు ప్లాట్ ఫారం కూడా వారికి దొరికేదే కాదు. స్థానిక సంస్థల ఎన్నికలు ముగిసి స్థిర పడిన తర్వాత ఈ మార్పులకు తల పడి వుండ వలసినది. మరి వైసిపి అధిష్టాన వర్గం ఆలోచన ఏమిటో తెలియదు. గాని శాసన మండలి రద్దు ఫలితంగా స్వంత పార్టీ నేతలనే సంత్రుప్తి పర్చడం అసాధ్యం. గత ఎన్నికల సమయంలో హామీలు పొందిన ఆశావహులు ప్రస్తుతం అందరి కన్నా ఆవేదన చెందుతున్నారు. వీరిలో కొందరు ఇదివరకే ముఖ్యమంత్రిని కలసి మనసులోని మాట చెవిలో వేసి రావాలని ఉబలాట పడినా అట్టి అవకాశం లభించలేదని ప్రచారంలో వుంది. . తుదకు ఎమ్మెల్యేలకే అపాయింట్ మెంట్ దొరకనపుడు తమకు ఏలా లభిస్తుందని కొందరు సమాధాన పడ్డారట. ఈ నేపథ్యంలో మండలి రద్దు వార్త టిడిపి నేతల కన్నా వైసిపికి చెందిన ఆశావహులకు అశని పాతంలా తగిలిందంటున్నారు .

ఇక బిల్లులను శాసన మండలి తిరస్కరించి వుంటే మరొక మారు శాసన సభ ఆమోదించి మండలికి పంపి వుండేది. అందుకే మండలిలో మంత్రులు బిల్లులు తిరస్కరించమని డిమాండ్ చేశారు . రెండవ మారు కూడా మండలి ఆమోదం పొందక పోతే తిరిగి శాసన సభ ఆమోదించితే బిల్లులు చట్టం అవుతాయి. ఆ అధికారం శాసన సభకు వుంది. అందుకే టిడిపి వ్యూహాత్మకంగా కాలయాపన చేసేందుకు సెలక్ట్ కమిటీకి పంపించింది. మండలి రద్దు వ్యవహారం కేంద్రం వద్ద వున్నా రాష్ట్రంలో ఈ తతంగం సాగుతూ వుంటుంది. ఏది ఏమైనా కొద్ది నెలల తర్వాత అయినా మూడు రాజధానుల బిల్లులు చట్టం కాక తప్పదు. ఈ లోపు కేంద్రం వైఖరి కోర్టుల జోక్యం ముఖ్యమంత్రి ఎదుర్కొనక తప్పదు.

వి. శంకరయ్య
విశ్రాంత పాత్రికేయులు 9848394013

Recent Posts

వెంకీ స్టోరీ మాస్ రాజా ద‌గ్గ‌రికి!

ఒక హీరో కోసం అనుకున్న క‌థ అక్క‌డ వ‌ర్క‌వుట్ కాక‌పోతే వెంట‌నే మ‌రో హీరో ద‌గ్గ‌రికి వెళ్ల‌డం ఇండ‌స్ట్రీలో వెరీ కామ‌న్‌. అలా చేతులు మారిన క‌థ‌లు కొంత మందికి బ్లాక్ బ‌స్ట‌ర్‌ల‌ని,...

మ‌హేష్‌కు బాలీవుడ్ ఆఫ‌ర్‌?

`స‌రిలేరు నీకెవ్వ‌రు` బ్లాక్ బ‌స్ట‌ర్ హిట్ త‌రువాత మ‌హేష్ ఫ్యామిలీతో క‌లిసి యుఎస్‌కి వెకేష‌న్‌కి వెళ్లిన విష‌యం తెలిసిందే. వంశీ పైడిప‌ల్లి చిత్రాన్ని ప‌క్క‌న పెట్టి మైత్రీ మూవీమేక‌ర్స్‌కి ఓ భారీ ఫ్యామిలీ...

బాల‌య్య కోసం రీమిక్స్ సాంగ్‌!

బాల‌కృష్ణ కెరీర్ ప‌రిస్థితి ప్ర‌స్తుతం ఏమీ బాగాలేదు. తండ్రి బ‌యోపిక్ అంటూ హ‌డావిడి చేసినా ఎవ‌రూ ప‌ట్టించుకోలేదు. పేరు మాట అటుంచితే ఎన్టీఆర్ బ‌యోపిక్ భారీ నష్టాల‌ని తెచ్చిపెట్టింది. దీని త‌రువాత చేసిన...

క్రిష్ క్రేజీ హీరోయిన్‌ని ఫిక్స్ చేశాడు!

రెండేళ్ల విరామం త‌రువాత ప‌వ‌ర్‌స్టార్ ప‌వ‌న్‌క‌ల్యాణ్ మ‌ళ్లీ వ‌రుస ప్రాజెక్ట్‌ల‌తో వేగం పెంచారు. దిల్ రాజుతో క‌లిసి బోనీ క‌పూర్ నిర్మిస్తున్న బాలీవుడ్ హిట్ ఫిల్మ్ `పింక్‌` రీమేక్‌లో న‌టిస్తున్నారు. ఈ మూవీ...

మ‌హేష్ అతిథి పాత్ర‌కు సై అనేసిన‌ట్టేనా?

చిరంజీవి హీరోగా కొర‌టాల శివ ఓ భారీ చిత్రాన్ని రూపొందిస్తున్నారు. చిరు 152వ చిత్రంగా తెర‌కెక్కుతున్న ఈ చిత్రంలో న‌క్స‌లైట్ నేప‌థ్యాన్ని, దేవా దాయ శాఖ‌లో జ‌రిగిన ఓ కుంభ‌కోణాన్ని కొర‌టాల శివ...

ప్ర‌భాస్ – నాగ్ అశ్విన్ చిత్రం పాన్ ఇండియా కాదా?

వైజ‌యంతీ మూవీస్ బ్యాన‌ర్‌లో ప్ర‌భాస్ చేయ‌బోతున్న తాజా చిత్రాన్ని చిత్ర బృందం బుధ‌వారం ప్ర‌క‌టించిన విష‌యం తెలిసిందే. వైజ‌యంతీ మూవీస్ 50 ఏళ్లు పూర్తి చేసుకుంటున్న నేప‌థ్యంలో అత్యంత భారీ స్థాయిలో ప్ర‌తిష్టాత్మ‌కంగా...

సీఎం జ‌గ‌న్‌తో టాలీవుడ్ నిర్మాత‌ల భేటి!

ఉన్న‌ట్టుండి ఏపీ సీఎంపై టాలీవుడ్ నిర్మాత‌ల‌కు ప్రేమ పుట్టుకొచ్చింది. తాడేప‌ల్లిగూడెంలోని సీఎం క్యాంపు కార్యాల‌యంలో ఏపీ ముఖ్య‌మంత్రి వైఎస్ జ‌గ‌న్‌తో ప్ర‌త్యేకంగా భేటీ అయ్యారు. దీని వెన‌క ఏదో పెద్ద మ‌త‌ల‌బే వుంద‌ని...

క్రేన్ ఘ‌ట‌న‌పై శంక‌ర్ షాకింగ్ ట్వీట్‌!

`ఇండియ‌న్‌-2` సినిమా షూటింగ్ జ‌రుగుతుండ‌గా 150 అడుగుల ఎత్తునుంచి లైటింగ్ కోసం ఏర్పాటు చేసిన క్రేన్ విరిగిప‌డ‌టంతో ఘోర ప్ర‌మాదం జ‌రిగిన విష‌యం తెలిసిందే. ఈ ప్ర‌మాదంలో ముగ్గురు సిబ్బంది అక్క‌డిక‌క్క‌డే మృతి...

జగన్ ప్రభుత్వానికి రాయిటర్స్ నేర్పిన పాఠం

తెలుగు రాష్ట్రాల్లో మరీ ముఖ్యంగా ఆంధ్ర ప్రదేశ్ రాష్ట్రంలో మీడియాకు ఒక రాజకీయ మరియు వ్యాపార ఎజెండా ఉంది. ఈ రెండు కారణాలే కాకుండా 2000 దశకం తర్వాత నుండి కులం కూడా...

మీడియాను నియంత్రించాలా?

ఒక రాజకీయ విశ్లేషకుడిగా,  రచయితగా,  ప్రజాస్వామ్య ప్రేమికుడిగా మీడియాను నియంత్రించాలనుకునే ఆలోచనలను నేను తిరస్కరిస్తాను.  మీడియా అనేది ప్రజాస్వామ్యానికి ఆలంబన.  మీడియా అనేది మత్తేభాలలాంటి  ప్రభుత్వ దుర్విధానాలను అదుపులో ఉంచే పదునైన అంకుశం. ...

Featured Posts

జగన్ ప్రభుత్వానికి రాయిటర్స్ నేర్పిన పాఠం

తెలుగు రాష్ట్రాల్లో మరీ ముఖ్యంగా ఆంధ్ర ప్రదేశ్ రాష్ట్రంలో మీడియాకు ఒక రాజకీయ మరియు వ్యాపార ఎజెండా ఉంది. ఈ రెండు కారణాలే కాకుండా 2000 దశకం తర్వాత నుండి కులం కూడా...

మీడియాను నియంత్రించాలా?

ఒక రాజకీయ విశ్లేషకుడిగా,  రచయితగా,  ప్రజాస్వామ్య ప్రేమికుడిగా మీడియాను నియంత్రించాలనుకునే ఆలోచనలను నేను తిరస్కరిస్తాను.  మీడియా అనేది ప్రజాస్వామ్యానికి ఆలంబన.  మీడియా అనేది మత్తేభాలలాంటి  ప్రభుత్వ దుర్విధానాలను అదుపులో ఉంచే పదునైన అంకుశం. ...

ఆంధ్ర ప్రదేశ్ లో ముఖ్యమంత్రికి ప్రధాన శత్రువు ఎవరు?

కారణాలు ఏవైనా కావచ్చు. కొన్ని వివాదాస్పద నిర్ణయాలు తీసుకొని వుండవచ్చు. అవి కాస్తా పక్కన బెడితే జగన్మోహన్ రెడ్డి ముఖ్యమంత్రి పదవి చేపట్టిన తొమ్మిది నెలల కాలంలో రాష్ట్రంలోని అన్ని ప్రతి పక్షాలు...