fbpx
Home Cinema ముద్దులు – మిణుగురులు – ప్రేక్షకుల మనుగడ! (‘24 కిస్సెస్‌’రివ్యూ)

ముద్దులు – మిణుగురులు – ప్రేక్షకుల మనుగడ! (‘24 కిస్సెస్‌’రివ్యూ)

**సికిందర్

వీధి బాలలతో ‘మిణుగురులు’ అనే అవార్డు సినిమా తీసిన దర్శకుడు అయోధ్యకుమార్ రెండో ప్రయత్నంగా మెయిన్ స్ట్రీమ్ లోకొస్తూ ఎరోటిక్ లవ్ స్టోరీ తీశాడు. యువప్రేక్షకుల ఆరాధ్య క్రేజీ హీరోయిన్ అయిన హెబ్బా పటేల్ ని శృంగార నాయికగా చూపిస్తూ, ‘గరుడవేగ’ నటుడు అదిత్ అరుణ్ శృంగార పురుషుడుగా, హీరోగా పరిచయం చేశాడు. 24 కిస్సుల్లో బూతు ఏదీ లేదనీ, చక్కగా సకుటుంబ సపరివారంగా చూడ వచ్చనీ హామీ ఇచ్చాడు. బాలీవుడ్ సినిమాల్లో సీరియల్ కిస్సర్ గా ఇమ్రాన్ ఒకప్పుడు సంచలనం సృష్టించాడు. ఇప్పుడు సినిమాల్లో లిప్ లాక్స్ రోటీనైపోయాయి. ఒకటీ అరా లిప్ లాక్స్ తో కిక్ తగ్గిందనో ఏమో, ఏకంగా 24 కిస్సులతో వేడి పుట్టించాలనుకున్నట్టుంది. దీనికి మాట పడకుండా ఓ థియరీ కనిపెట్టాడు. ఈ థియరీ ప్రకారం ప్రేమలో ఈ ముద్దులకి అర్ధమేమిటని దర్శకుడు చెబుతున్నాడు? ఇది తెలుసుకుందాం…

కథ
ఆనంద్ (అదిత్ అరుణ్) అనే అతను తన ప్రేమ కథ ఒక సైకియాట్రిస్టు (రావు రమేష్) కి అంచెలంచెలుగా చెప్తాడు. ఆనంద్ ఒక పిల్లల సినిమాలు తీసేమూవీ మేకర్. శ్రీలక్ష్మి (హేబ్బా హెబ్బా పటేల్) మాస్ కమ్యూనికేషన్స్ స్టూడెంట్. ఆనంద్ వాళ్ళ కాలేజీకి మూవీ మేకింగ్ మీద వర్క్ షాప్ నిర్వహించేందుకు పోతాడు. అలా పెరిగిన పరిచయంతో ఆమె తల మీద ముద్దు పెడతాడు. ఈ ముద్దు కర్ధం ఆమె గూగల్ చేసి తెలుసుకుంటుంది. ఒక ముద్దు కాదు, 24 ముద్దులు పెట్టుకున్న లవర్స్ ఇక విడిపోరని తెలుసుకుంటుంది. దీంతో అతడితో ముద్దుల పర్వానికి తెరతీస్తుంది. 13 ముద్దుల తర్వాత అతను ప్రేమించడం లేదని తెలుసుకుని గొడవపడుతుంది. 23 వ ముద్దుకి సెక్స్ కి సిద్ధపడుతుంది. ఇప్పుడు అతడికి పెళ్ళంటే, పిల్లలంటే ఇష్టం లేదని తెలుసుకుని హర్ట్ అవుతుంది. పైగా వేరే అమ్మాయిలతో అతడికి సెక్స్ సంబంధాలున్నాయని తెలుసుకుని షాక్ తింటుంది. ఇప్పుడేం చేసింది, అతనేం చేశాడనేది మిగతా కథ .

ఎలావుంది కథ

కథలో చెప్పిన 24 ముద్దుల థియరీకి ఆధారాలేమిటోచూపించలేదు. వాత్సాయనుడు కూడా చెప్పివుండడు. ఇది కల్పితమనుకోవాలి. దీన్ని ఎవరైనా అమ్మాయిలు పాటిస్తే కర్సయి పోతారు. ఈ కథలో చూపించినట్టుగా ముద్దుల పర్వంలో మధ్యలో ఎక్కడో శృంగార పర్వం కూడా ముగిసిపోవచ్చు. అప్పుడు లబోదిబోమనడమే ఈ కథలో లాగా. అయితే ఈ కథలోలాగా సినిమాటిక్ ఫార్ములా పరిష్కారాలతో బయటపడలేరు. సుఖాంతం చేసుకోలేరు. కాబట్టి ఈ 24 ముద్దుల కథని ప్రాక్టికల్స్ ఆలోచనలకి దూరంగా వుంటూ పైపైన అలా చూసేయాలి. అయితే ఈ ముద్దులు పోనుపోను బూతుగా మారిపోయిన సంగతిని కూడా సకుంటుంబ సపరివార ప్రేక్షకులు గుర్తించాలి. ఇంకా ఈ ముద్దుల కథ మధ్యలో, గతంలో దర్శకుడు తీసిన ‘మిణుగురులు’ కథని కూడా బోనస్ గా స్వీకరించగలగాలి. దర్శకుడు ‘మిణుగురులు’ హేంగోవర్ లోంచి ఇంకా బయటికి రావడంలేదు. శృంగార రసంలో అన్నంకోసం తపించే వీధిబాలల ఆక్రందనలు కూడా కలుపుకుని ఆరగించగల్గాలి.

ఎవరెలా చేశారు

ఈ మూవీ యూత్ ని ఉర్రూతలూగించే రోమాంటిక్ కామెడీ కాకపోవడంతో, హుషారైన పాత్రల్లో హెబ్బా పటేల్ ని చూసి వున్న యూత్ నీరుగారిపోక తప్పదు. ఇది ఎరోటిక్ లవ్ స్టోరీయే అయినా ప్రేమ వ్యవహారం వచ్చేసి రోమాంటిక్ కామెడీ కాక, నెమ్మదిగా బరువుగా సాగే సీరియస్ రోమాంటిక్ డ్రామా కావడంతో హెబ్బా పాత్ర యూత్ అప్పీల్ కి దూరమైపోయింది. ముద్దుల దృశ్యాల్లో కొన్ని సెకన్లు వేడి పుట్టించవచ్చు గానీ మిగిలినదంతా ఏడుపే. అసలామె అనుకున్న థియరీ కూడా తప్పే. 24 ముద్దులు పెట్టుకున్న జంట విడిపోరని ఏకపక్షంగా ఎలా అనుకుంటుంది. అతడికి కూడా చెప్పి, అతను ఒప్పుకుంటే ఇద్దరూ కలిసి ఆచరించవచ్చు. అతడికి తెలియకుండా సీక్రెట్ ఎజెండాగా పెట్టుకుంటే, 13 వ ముద్దుకే అతను పెళ్ళీ పిల్లలూ లేవు పొమ్మన్నాడు. అప్పుడా థియరీ తప్పని తేలిపోయిందిగా… అయినా అలాటి వాడితో ఇంకా ముందుకెళ్ళి ముద్దుల కోటా పూర్తిచేస్తూ, కాలు కూడా జారి ఏడుస్తూ కూర్చోవడమేమిటి. సోషల్ మీడియా రోజుల్లో ఎవరికెన్ని ఎఫైర్స్ వున్నాయో తెలుసుకోవడం కష్టమా?

అదిత్ అరుణ్ పాత్ర, నటన ఫర్వాలేదు. నెగెటివ్ పాత్ర ఎప్పుడూ దాని చేతలతో అది కరెక్ట్ గానే వుంటుంది. దీన్ని డీల్ చేసే హెబ్బాపటేల్ లాంటి పాజిటివ్ పాత్రతోనే జాగ్రత్త వహించక పోతే అభాసవుతుంది. అయితే అదిత్ నెగెటివ్ పాత్రని ఒక్క ఫార్ములా కలంపోటుతో పాజిటివ్ గా మార్చెయ్యడమే కథకి వెతుక్కున్న ఈజీ సొల్యూషన్. ఇక్కడే దర్శకుడు దొరికిపోయి సెకండాఫ్ కథ తేల్చేశాడు.

ఇక రావురమేష్ సైకియాట్రిక్ పాత్రతో చివరివరకూ హీరోకి విడతలు విడతలుగా సీన్లు వుంటాయి. పదిహేను ఫ్లాష్ బ్యాకులుగా కథ చెప్పడంతో ఈ పరిస్థితి వచ్చింది. హీరో ఒక ఫ్లాష్ బ్యాక్ పూర్తి చేయగానే రావురమేష్ దగ్గరికొస్తుంది అదే సీను. ఇద్దరూ అక్కడే కూర్చుని అలాగే మాట్లాడుకుని, ఇంకో ఫ్లాష్ బ్యాక్ మొదలెడతారు. దీంతో మార్పులేని దృశ్యాలతో రావురమేష్ పాత్ర బాగా నస పెట్టేస్తుంది.

ఉద‌య్ కెమెరా వర్క్ ఎరోటిక్ ఫీల్ ని పట్టుకుంటూ పోయెటిక్ గా వుంది. అలాగే వివేక్ ఫిలిప్‌ నేప‌థ్య సంగీతం సన్నివేశాల్ని రక్తికట్టించేలా వుంది. జోయ్ బారువా సంగీతంలోని పాటలు కూడా బావున్నాయి. నిజానికి ఈ పాటలతో ఇది మాంచి మ్యూజికల్ లవ్ స్టోరీ కావాల్సింది…స్టోరీయే ఎప్పుడూ తెలుగు సినిమాల్లో మిగతా కళాకారుల టాలెంట్ ని డిసప్పాయింట్ చేస్తుంది….


చివరికేమిటి

దర్శకుడు హీరో పాత్రని మూవీ మేకర్ గా చూపిస్తున్న అవకాశం తీసుకుని స్క్రీన్ ప్లే పండితుడు రాబర్ట్ మెక్ కీ ని అక్కడక్కడా ప్రస్తావించుకున్నాడు. కానీ ఆ రాబర్ట్ మెక్ కీ చెప్పిన వేవీ తన కథలో పాటించలేదు. కుదేసిన రెండు పాత్రలు పదేపదే చెప్పుకునే మల్టీ పుల్ ఫ్లాష్ బ్యాకుల కథనంతో స్క్రీన్ ప్లే కుప్పకూలింది. ఈ కథకి మెయిన్ క్యారెక్టర్ ఎవరు? ఇది అంతుబట్టదు. ఈ కథ ఎవరి పరంగా నడిచింది? ఇదీ అర్ధం కాదు. ఈ కథలో గోల్ ఎవరికుంది? హెబ్బా పటేల్ కా? మరి ఫ్లాష్ బ్యాక్స్ ఆమె చెబుతున్నట్టు లేదేమిటి? ఆమెకి మాత్రమే తెలిసిన 24 ముద్దుల స్కీమ్ ని ఫ్లాష్ బ్యాకులతో హీరో చెప్పేస్తున్నాడేమిటి? ఇలాటి గజిబిజి ఎంతో వుంది. ఇక ఒక సినిమాలో తీసిన ఇంకో సినిమా కథలు చెప్పమని మెక్ కీ చెప్పాడా? ఇక్కడ ‘మినుగురులు’ గోలేమిటి? ఆ వీధి బాలల కోసం హీరో పోరాట మేమిటి? ఇది హీరోయిన్ ప్రేమ కథ, హీరో పోరాట కథ రెండూనా?
ఈ మూవీ కాన్సెప్ట్ కాడ్నుంచీ – కెమెరా, సంగీతం తప్ప – ప్రతీదీ ఫ్లాప్ కళలు నింపుకున్నవే. ఫ్లాష్ బ్యాకులతో ఫస్టాఫ్ ఎలాగూ భరించినా, సెకండాఫ్ చాలా సహనాన్ని పరీక్షిస్తుంది – కింది క్లాసు ప్రేక్షకులు ఆర్తనాదాలు చేసేలా!

Rating: 1.5 / 5

రచన – ద‌ర్శ‌క‌త్వం: అయోధ్య‌కుమార్
తారాగణం : అదిత్ అరుణ్, హెబ్బాప‌టేల్, రావు ర‌మేష్, న‌రేష్, అదితీ మైఖెల్ త‌దిత‌రులు
సంగీతం: జోయ్ బారువా, నేప‌థ్య సంగీతం: వివేక్ ఫిలిప్‌, ఛాయాగ్ర‌హ‌ణం: జి. ఉద‌య్
బ్యానర్స్ : సిల్లీ మాంక్స్ ఎంట‌ర్‌టైన్‌మెంట్స్‌, రెస్పెక్ట్ క్రియేష‌న్స్
నిర్మాత‌లు: స‌ంజ‌య్ రెడ్డి, అనిల్, అయోధ్యకుమార్
విడుదల : నవంబర్ 23, 2018

తెలుగురాజ్యం ప్రత్యేకం

విజయ్ ఆంటోనీ ‘కిల్లర్’ ట్రైలర్ రివ్యూ!

  ‘బిచ్చగాడు’ విజయ్ ఆంటోనీ ‘కిల్లర్’ ట్రైలర్ విడుదలయ్యింది. తమిళంలో ‘కలైగరన్’ (హంతకుడు) గా నిర్మించి తెలుగులోకి డబ్ చేసిన ‘కిల్లర్’ కి ఆండ్రూ లూయిస్దర్శకత్వం వహించాడు. ఇతను 2012 లో కొత్త వాళ్లతో...

బాబు గారి ‘Is It not వివక్షత’ కి ఈసీ కౌంటర్?

చంద్ర బాబు గారు ఎలక్షన్ కమిషన్ ని కలిసిన తర్వాత మాట్లాడుతూ పోలింగ్ జరిగిన 30 రోజుల తర్వాత ఎలా రీపోలింగ్ నిర్వహిస్తారని , is this not వివక్షత అంటూ ప్రశ్నించారు....

‘ఎబిసిడి’ రివ్యూ – చిన్న మహర్షి అవుదామనుకుంటే…

ఐదు సినిమాల అల్లుశిరీష్ యువహీరోగా నిలదొక్కుకోవడానికి స్ట్రగుల్ చేస్తున్నాడు. ఆరో సినిమాగా నాలుగక్షరాల ‘ఎబిసిడి’ కొచ్చాడు. రీమేక్ తో, కొత్త దర్శకుడితో ఒక ప్రయోగం చేస్తున్నట్టు చెప్పాడు. అట్టహాసంగా 600 పై చిలుకు...

అత్యంత ప్రజాధారణ

తాజా వార్తలు

‘సీత’వివాదం: తేజ క్షమాపణ చెప్పాల్సిందే,లేదా కేసు

వివాదం లేనిదే పెద్ద సినిమా ఉండదా అనే విధంగా ప్రతీ సారి ఏదో వివాదం చెలరేగుతూనే ఉంది. తాజాగా తేజ దర్శకత్వంలో బెల్లంకొండ హీరోగా.. కాజల్ అగర్వాల్ టైటిల్ పాత్రలో నటించిన ‘సీత’...

‘టిక్‌ టాక్‌’ టాప్ సెలబ్రిటీని దారుణంగా చంపేసారు

ఇండియాలో పాపులర్ అయిన టిక్ టాక్ యాప్‌‌లో లక్షల మంది ఫాలోవర్లను కలిగి ఉన్న మోహిత్ మోర్ అనే 24ఏళ్ల యువకుడు హత్యకు గురవ్వడం ఢిల్లీలో సంచలనంగా మారింది. ముగ్గురు గుర్తు తెలియని...

‘జబర్దస్థ్’ లో సడెన్ ట్విస్ట్… సీన్ లోకి సీనియర్ కమిడియన్

తెలుగు టీవీ రంగంలో బాగా పాపులర్ అయిన కామెడీ షో 'జబర్దస్థ్' అనేది ఎవరూ కాదనిలేని సత్యం. ఆ పోగ్రాం సక్సెస్ అవటంతో ఎక్స్ ట్రా జబర్ధస్త్ కూడా మొదలు పెట్టారు. అదీ...

న్యూడ్ ఫొటోలు పంపి షాక్ ఇచ్చిన సింగర్ చిన్మయి

గత కొంతకాలంగా చిన్మయి సోషల్ మీడియాలో చాలా యాక్టివ్ గా ఉంటోంది. ముఖ్యగా మీటూ అంటూ తనకు ఎదురైన క్యాస్టింగ్ కౌచ్ సంఘటనను వెలుగులోకి తెచ్చింది. అందులో భాగంగా ప్రముఖ తమిళ పాటల...

బాబూ బెల్లంకొండ ఏంటీ కామెడీ,నవ్వుకుంటున్నారు

బెల్లంకొండ శ్రీనివాస్ తన కెరీర్ లో చెప్పుకోదగ్గ హిట్ అనేది పడలేదు. అయితే తనకు హిందీలో పెద్ద మార్కెట్ ఉందని అంటున్నారు బెల్లంకొండ శ్రీనివాస్. తన తాజా చిత్రం సీత ప్రమోషన్ లో...

అదనపు బలగాలపైనా మండిపోవటమేనా ?

కౌంటింగ్ సందర్భంగా గురువారం రాష్ట్రంలో అల్లర్లు జరుగుతాయన్న అనుమానంతో కేంద్ర ఎన్నికల కమీషన్ అదనపు బలగాలను మోహరించింది. అదనపు బలగాలను మోహరించటంపైన కూడా చంద్రబాబునాయుడు మండిపోతున్నారు. ఎలక్షన్ కమీషన్ చేసే ప్రతీ పనినీ...

జపాన్ లో రానా తుఫాన్

అవును ..ఇప్పుడు జపాన్ లో దగ్గపాటి రానా సినిమాల తుఫాను వస్తోంది అక్కడ వరస పెట్టి ఆయన సినమాలు అన్నీ రిలీజ్ అవుతున్నాయి. ముఖ్యంగా బాహుబ‌లి ఫ్రాంచైజ్‌లో వ‌చ్చిన చిత్రాలు జపాన్‌లో విడుద‌ల...

వెయ్యి కోట్లకు చేరుకున్న బెట్టింగులు ?

రాష్ట్రంలో బెట్టింగుల జోరుతో మారు మోగిపోతోంది. పోలింగ్ ముగిసిన వెంటనే పందెం రాయళ్ళు బరిలోకి దిగినా తర్వాత మెల్లిగా ఊపు తగ్గిపోయింది. పోలింగ్ ముగిసిన రోజు నుండి దాదాపు పది రోజులు బెట్టింగ్...

ఓడిపోతే….అందుకే సాకులు వెతుక్కుంటున్నారా ?

చూడబోతే  అలాగే ఉంది చంద్రబాబునాయుడు వ్యవహారం.   పదే పదే ఈవిఎంలుని వివి ప్యాట్లని ఒకటే దేశవ్యాప్తంగా చంద్రబాబు చేస్తున్న గోల చూస్తుంటే అందరిలోను అనుమానాలు పెరిగిపోతున్నాయి. చంద్రబాబు వాదనను కోర్టులు కొట్టేస్తున్న మళ్ళీ...

ఈ మంత్రి గెలుపు కష్టమేనా ?

చంద్రబాబునాయుడు క్యిబినెట్ లో మంత్రులందరూ రెండోసారి పోటీ చేశారు. అయితే వీరిలో ఎంతమంది గెలుస్తారనే విషయంలో భిన్నాభిప్రాయాలున్నాయి. సరే మిగిలిన మంత్రుల సంగతి పక్కన పెడితే ఒక మంత్రి గెలుపోటముల విషయంలో మాత్రం...
 Nate Gerry Jersey