fbpx
Home Cinema మెగాస్టార్ చిరంజీవి బ‌యోపిక్‌లో వ‌రుణ్‌తేజ్‌?

మెగాస్టార్ చిరంజీవి బ‌యోపిక్‌లో వ‌రుణ్‌తేజ్‌?

మెగా ప్రిన్స్ వ‌రుణ్‌తేజ్ తొలి నుంచి విభిన్న‌మైన క‌థ‌ల్ని ఎంచుకుంటూ కొత్త త‌ర‌హా చిత్రాలతో ప్రేక్ష‌కుల్ని ఆక‌ట్టుకుంటున్నాడు. తాజాగా `వాల్మీకి` చిత్రంలో గ‌ద్ద‌ల‌కొండ గ‌ణేష్ పాత్ర‌లో విభిన్న‌మైన మేన‌రిజ‌మ్స్‌తో క‌నిపించ‌బోతున్నాడు. త‌మిళ హిట్ చిత్రం `జిగ‌ర్తాండ‌` ఆధారంగా హ‌రీష్‌శంక‌ర్ రూపొందిస్తున్నఈ చిత్రం ఈ శుక్ర‌వారం ప్రేక్ష‌కుల ముందుకు రాబోంది. హాట్ లేడీ పూజా హెగ్డే క‌థానాయిక‌గా న‌టిస్తున్న ఈ చిత్రానికి పెద్ద‌గా బ‌జ్ లేక‌పోవ‌డంతో చిత్ర బృందం ప‌బ్లిసిటీ కోసం గ‌త వారం ప‌ది రోజులుగా నానా హంగామా చేస్తోంది. ఇందులో భాగంగా ఈ రోజు బుధ‌వారం వ‌రుణ్ తేజ్ మీడియాతో ప్ర‌త్యేకంగా మీడియా ముందుకొచ్చాడు.
 
మీడియా అడిగిన‌ ప‌లు ప్ర‌శ్న‌ల‌కు ఆస‌క్తిక‌ర స‌మాధానాలిచ్చిన వ‌రుణ్ ఈ సంద‌ర్భంగా ఓ ప్ర‌శ్న‌కు త‌న మ‌న‌సులో వున్న‌కోరిక‌ను బ‌య‌ట‌పెట్టేశాడు. చిరంజీవి బ‌యోపిక్ ఆలోచ‌న వుందా? వుంటే అందులో మీరు న‌టిస్తారా? అని అడిగితే ఏమాత్రం త‌డుము కోకుండా ఎస్ అనేశాడు. ఆ రోల్ నా క‌న్నా అన్న‌ రామ్‌చ‌ర‌ణ్‌కు బాగా సూట‌వుతుంద‌ని, త‌ను మాత్ర‌మే ఫ‌స్ట్ ఛాయిస్ అని అన్న‌ చేయ‌లేనంటే సెకండ్ ఛాయిస్ మాత్రం తానేన‌ని అస‌లు విష‌యం బ‌య‌ట‌పెట్టేశాడు. ఇంత‌కీ చిరు బ‌యోపిక్ ప్ర‌స్థావ‌న తీసుకొచ్చింది మాత్రం ద‌ర్శ‌కుడు హ‌రీష్‌శంక‌ర్ అట‌. తానే చిరంజీవి బ‌యోపిక్ చేద్దామ‌ని త‌న‌తో చెప్పిన‌ట్టు వ‌రుణ్ అస‌లు విష‌యం బ‌య‌ట‌పెట్టారు.

Gallery

తాజా వార్తలు

అత్యంత ప్రజాధారణ