Home Cinema బాబాయ్ రీఎంట్రీకి అబ్బాయ్ మాస్ట‌ర్‌ ప్లాన్‌

బాబాయ్ రీఎంట్రీకి అబ్బాయ్ మాస్ట‌ర్‌ ప్లాన్‌

బాబాయ్ హీరో అబ్బాయ్ ప్రొడ్యూస‌ర్

ప‌వర్‌స్టార్ ప‌వ‌న్ కల్యాణ్ రాజ‌కీయాల్లోకి ఎంట‌ర‌య్యాక మ‌ళ్లీ కెమెరా ముందుకు రార‌ని చాలా కాలంగా ప్ర‌చారం జ‌రుగుతోంది. ప‌వ‌న్ కూడా చాలా వేదిక‌ల‌పై మ‌ళ్లీ సినిమాల్లో న‌టించ‌డం క‌ష్ట‌మే అన్న సంకేతాల్ని అందించాడు. ఆయ‌తే గ‌త కొన్ని వారాలుగా ప‌వ‌న్ మ‌ళ్లీ మేక‌ప్ వేసుకోబోతున్నార‌ని, త‌న బాబాయ్‌ని భారీ రేంజ్‌లో తెర‌పై చూపించ‌డానికి అబ్బాయ్ రామ్‌చ‌ర‌ణ్ ప్లాన్ చేస్తున్నాడ‌ని సోష‌ల్ మీడియాలో తెగ ప్ర‌చారం జ‌రుగుతోంది. అటు రాజ‌కీయాల్ని, ఇటు సినిమాల్ని బ్యాలెన్స్ చేస్తూ ముందుకు న‌డ‌వాల‌ని ప‌వ‌న్ గ‌త కొంత కాలంగా ఆలోచిస్తున్న‌ట్టు తెలుస్తోంది.

ఆ కార‌ణంగానే త‌ర‌చూ సినిమా ఫంక్షన్‌ల‌కు ప‌వ‌న్ హాజ‌ర‌వుతూ త‌న ఎంట్రీ పై ఇండైరెక్ట్‌గా సంకేతాలు ఇస్తున్నారు. ప‌వ‌న్ రీఎంట్రీరి బ‌ల‌ప‌రుస్తూ ఇటీవ‌ల చిరంజీవి చేసిన ప్ర‌క‌ట‌న మ‌రింత ఆస‌క్తిని రేకెత్తిస్తోంది. రామ్‌చ‌ర‌ణ్ నిర్మించిన `సైరా న‌ర‌సింహారెడ్డి` ఇటీవ‌ల విడుద‌లై భారీ విజ‌యాన్ని న‌మోదు చేసుకున్న విష‌యం తెలిసిందే. ఈ విజ‌యానందంలో చిరంజీవి, రామ్‌చ‌ర‌ణ్ రీసెంట్‌గా ఓ మీడియాతో ఇంట‌రాక్ట్ అయ్యారు. ఈ సంద‌ర్భంగా రామ్‌చ‌ర‌ణ్ త‌న‌కు `సైరా` లాంటి చిత్రాన్నిచ్చినందుకు గ‌ర్వంగా ఉంద‌న్న చిరు త‌న త‌మ్ముడు ప‌వ‌న్‌తో చ‌ర‌ణ్ సినిమా చేస్తే చూడాల‌ని వుంద‌ని త‌న మ‌న‌సులో మాట‌ని బయ‌ట‌పెట్టేశారు.

ఇప్ప‌టికే ప‌వ‌న్‌తో చ‌ర్చ‌లు జ‌రుగుతున్నాయ‌ని మ‌రో వాద‌న వినిపిస్తోంది. ప‌వ‌న్ ఓకే అంటాడా? లేదా అన్న‌ది ఆయ‌న నిర్ణ‌యంపైనే ఆధార‌ప‌డి వుంద‌ట. ఇదిలా వుంటే ప‌వ‌న్‌తో చాలా కాలంగా సినిమా చేయాల‌ని ఎదురుచూస్తున్న దిల్ రాజు మ‌ళ్లీప్ర‌య‌త్నాలు మొద‌లుపెట్టార‌ట‌. ఇప్ప‌టికే ప‌లు స్క్రిప్ట్ ల‌ని, ద‌ర్శ‌కుల‌ను ప‌వ‌న్ వ‌ద్ద‌కు పంపించార‌ని. అయితే ప‌వ‌న్ సంతృప్తి చెంద‌లేద‌ని, అన్నీ స‌వ్యంగా కుదిరితే ప‌వ‌న్ రీ ఎంట్రీ కొణిదెల ప్రొడ‌క్ష‌న్స్ లోనే వుంటుంద‌ని మెగా కాంపౌండ్ టాక్‌. వ‌దిన సురేఖ అంటే ప‌వ‌న్‌కు ఎంతో అభిమానం. అమ్మ కంటే ఎక్కువ ప్రేమాభిమానాలు ఉన్నాయి. ఆమె సినిమా చేయాల్సిందే అంటే ప‌వ‌న్ కు మ‌రో ఆప్ష‌న్ లేద‌ని చెప్పుకుంటున్నారు. అయితే రాజ‌కీయ కుట్ర‌ల కార‌ణంగా ప‌వ‌న్ సినిమాల్లోకి వ‌స్తే జ‌న‌సేన‌పై బుర‌ద జ‌ల్ల‌డం ఖాయం అన్న మీమాంస కొన‌సాగుతోంద‌న్న‌ చ‌ర్చా మెగాభిమానుల్లో సాగుతోంది.

Bikini Show

Recent Galleries

తాజా వార్తలు

అత్యంత ప్రజాధారణ