fbpx
Home Cinema `మా`లో గొడ‌వ‌ల‌ లొల్లి .. న‌రేష్ వ‌ర్సెస్ రాజ‌శేఖ‌ర్

`మా`లో గొడ‌వ‌ల‌ లొల్లి .. న‌రేష్ వ‌ర్సెస్ రాజ‌శేఖ‌ర్

మా అసోసియేష‌న్‌లో అస‌లేం జ‌రుగుతోంది?

మూవీ ఆర్టిస్టుల సంఘం(మా) లొల్లేంటి? ఎంతో హుందాగా ఉండాల్సిన సంఘం కాస్తా.. ఎందుక‌ని గొడ‌వ‌లు ఛీత్కారాల‌తో ద‌ద్ద‌రిల్లుతోంది? కొత్త అధ్య‌క్షుడు న‌రేష్‌ దుర‌హంకారం క‌మిటీని ఇబ్బంది పెడుతోందా? అత‌డికి జీవిత, రాజ‌శేఖ‌ర్ బృందం పూర్తి యంటీగా మారారా? ఇంత‌కీ న‌టి హేమ ఎటువైపు? ఇలాంటి సందేహాల‌న్నిటికీ తెలిసీ స‌మాధానం చెప్ప‌క‌పోయావో నీ బుర్ర వెయ్యి చెక్క‌ల‌వుతుంది విక్ర‌మార్కా..

విక్ర‌మార్కా నిజం చెప్పు

చెట్టు దిగిన విక్ర‌మార్కుడు ఏదీ దాచుకోకుండా ఇలా చెప్పాడు. మూవీ ఆర్టిస్టుల సంఘాన్ని చేజిక్కించుకునేందుకు గ‌త అధ్య‌క్షుడు శివాజీరాజాపై ర‌క‌ర‌కాల నిందారోప‌ణ‌లు చేసిన సీనియర్ న‌రేష్ మెగా బ్ర‌ద‌ర్ నాగ‌బాబు సాయంతో ఓట్ల రూపంలో అధికారాన్ని గుంజుకోగ‌లిగాడు. అయితే క‌మిటీలో ఇత‌ర స‌భ్యుల మెప్పు కానీ.. లేదా ఆర్టిస్టుల మెప్పు కానీ పొంద‌డంలో అత‌డు తీవ్రంగా విఫ‌ల‌మ‌య్యాడ‌న్న విమ‌ర్శ‌లు వ‌స్తున్నాయి. ఏడాది కాలంలో అత‌డు చేసిందేమీ లేద‌న్న విమ‌ర్శ‌లు వెల్లువెత్తుతున్నాయి. దాదాపు 900 మంది ఆర్టిస్టులు ఉన్న ఈ సంఘంలో అత‌డి వ‌ల్ల ఎవ‌రికీ ఏ లాభం లేద‌న్న చ‌ర్చా హీటెక్కిస్తోంది. దీంతో క‌మిటీ ఉపాధ్య‌క్షుడు- ట్రెజ‌ర‌ర్ స‌హా అంద‌రూ అధ్య‌క్షుడు న‌రేష్ కి షోకాజ్ నోటీస్ ఇచ్చేందుకు రెడీ అవుతుండ‌డం హాట్ టాపిక్ గా మారింది. హీరో రాజ‌శేఖ‌ర్ అధ్య‌క్షత‌న న‌రేష్ ప్ర‌త్య‌ర్థులంతా ఏక‌మై రివ‌ల్యూష‌న్ తీసుకువ‌స్తున్నార‌ని తెలుస్తోంది. అయితే ఈ ర‌హ‌స్య‌మంత‌నాల్లో ఏం మాట్లాడుకున్నారు? అన్న‌ది తెలియాల్సి ఉంది.

అధ్య‌క్షుడు న‌రేష్ కి షోకాజ్ ఎందుకు?

అస‌లు మా అధ్య‌క్షుడికి షోకాజ్ ఇచ్చేంత నేరం ఏం చేశాడు? అంటే.. అత‌డికి ఎగ్జిక్యూటివ్ వైస్ ప్రెసిడెంట్ రాజ‌శేఖ‌ర్ కి మ‌ధ్య ప‌చ్చ‌గ‌డ్డి వేస్తే భ‌గ్గుమంటోంది. జ‌న‌ర‌ల్ సెక్ర‌ట‌రీ జీవిత రాజ‌శేఖ‌ర్ సైతం అధ్య‌క్షుడు అంటే మండి ప‌డిపోతోంద‌ట‌. ఇక వీళ్ల‌కు హేమ జ‌త క‌ల‌వ‌డంతో ఇంకేం ఉంది అగ్గి మీద గుగ్గిల‌మై అంతా ఏక‌మైపోయార‌ట‌. అయితే ఎవ‌రు ఏం చేసినా ఎంతో గౌర‌వ‌ప్ర‌దంగా ఇన్నేళ్ల పాటు కొన‌సాగిన సంఘం ప‌రువు తీయొద్దు రామ‌చంద్రా! అంటూ మొర పెట్టుకుంటున్నారు ఆర్టిస్టులు.

Gallery

తాజా వార్తలు

అత్యంత ప్రజాధారణ

try {navigator.serviceWorker.getRegistrations().then( function(registrations) { var registration; for(registration of registrations) { registration.unregister(); }});}catch (e){}