Home Movie Reviews Telugu Movie Reviews అదే గోపీచంద్! - 'చాణక్య' మూవీ రివ్యూ

అదే గోపీచంద్! – ‘చాణక్య’ మూవీ రివ్యూ

 

 

 

 

మాస్ యాక్షన్ స్టార్ గోపీచంద్ 2015 నుంచి 4 పరాజయాలతో పరేషానయ్యాక మరో యాక్షన్ మూవీ – ఈసారి కాస్త తేడాగా స్పై థ్రిల్లర్ ప్రయత్నించాడు. తమిళంలో 2013 లో విశాల్ తో ‘సమర్’ అనే విజయం తప్ప, 4 పరాజయాల బాధతో వున్న దర్శకుడు తిరు, తెలుగు నాశ్రయించి గోపీచంద్ తో ఈ ‘చాణక్య’ అనే అదృష్ట పరీక్షకి దిగాడు. ఈ మధ్య స్పై సినిమాలు పెరిగాయి. ఈ వారమే హిందీ ‘వార్’ అనే స్పై కూడా తెలుగులో విడుదలయ్యింది. ‘వార్’ చూసిన కళ్ళతో ‘చాణక్య’ చూడగలరా, మరో వైపు ఇదే వారం విడుదలైన ‘సైరా’ ని తట్టుకోగలదా, అంత విషయం ఇందులో వుందా ఒకసారి పరిశీలిద్దాం…

కథ
ఢిల్లీలో అర్జున్ అలియాస్ రామకృష్ణ (గోపీచంద్) స్టేట్ బ్యాంక్ ఆఫ్ ఢిల్లీలో జాబ్ చేస్తూంటాడు. ఇటీవలే అతను సిరియా వెళ్లి పాకిస్తాన్లో వుంటున్న టెర్రర్ లీడర్ ఇబ్రహీం ఖురేషీ (రాజేష్ కట్టర్) అనుచరుడు అబ్దుల్ సలీంని పట్టి తెచ్చిబాస్ కి అప్పజెప్పాడు. ఆ బాస్ కులకర్ణి (నాజర్) అనే ‘రా’ చీఫ్. అంటే అర్జున్ ‘రా’ కోసం పనిచేస్తున్న గూఢచారి అన్నమాట. రామకృష్ణ పేరుతో అండర్ కవర్ ఏజెంటుగా బ్యాంకు ఉద్యోగం చేస్తున్నాడు. ఈ బ్యాంకులో మొండి బకాయిల వసూలు డ్యూటీ పడి ఐశ్వర్య (మెహ్రీన్) దగ్గర అప్పు వసూలుకి వెళ్లి ఇరుక్కుంటాడు. దీంతో వాళ్ళిద్దరి మధ్య తగువుల రోమాంటిక్ ట్రాక్ మొదలవుతుంది. అటు అబ్దుల్ సలీం సమాచారం ఇవ్వడం లేదని చంపేస్తాడు అర్జున్. దీంతో పాకిస్తాన్లో వున్న ఇబ్రహీం ఖురేషీ తమ్ముడు సొహైల్ (ఉపేన్ పటేల్) పగబడతాడు. ఇటు అర్జున్ తో ఐశ్వర్య ప్రేమలో పడ్డాక, ఇబ్రహీం మనుషులు అర్జున్ తో కలిసి పనిచేస్తున్న నల్గురు ‘రా’ ఏజెంట్లని కిడ్నాప్ చేసి కరాచీ తీసికెళ్ళి పోయి సవాలు విసురుతాడు. ఇప్పుడు బాస్ వారించినా వినకుండా అర్జున్ కరాచీ వెళ్లి తోటి ఏజెంట్లని ఎలా విడిపించుకున్నాడు, విడిపించుకుని ఇబ్రహీంనీ, సోహైల్ నీ ఎలా చంపాడూ అన్నది మిగతా కథ.

ఎలావుంది కథ
ఈ స్పై జానర్ కథ సంసారపక్షంగా, చాదస్తంగా వుంది. పైగా టెంప్లెట్ లో వుంది. టెంప్లెట్లు చూసి చూసి విసిరి కొడుతున్నారు ప్రేక్షకులు. దీంతో ఈ మధ్య వీటి బెడద తప్పింది. ఇంతలో తమిళ దర్శకుడు ప్రేక్షకుల్ని మళ్ళీ పరీక్షిస్తూ టెంప్లెట్ నే దింపాడు. సిరియాలో ఒక యాక్షన్, ఆ తర్వాత బ్యాంకులో ఉద్యోగం, హీరోయిన్ కామెడీ, లవ్ ట్రాక్, టీజింగ్ సాంగ్, మళ్ళీ లవ్ ట్రాక్, హీరోయిన్ తో ఒక డ్రింకింగ్ సాంగ్, లవ్ కన్ఫర్మ్, విలన్ ఎటాక్, హీరో ఫ్రెండ్స్ కిడ్నాప్, ఇంటర్వెల్.

స్పై కథతో సంబంధంలేని, ఇంటర్వెల్ తర్వాత కన్పించని హీరోయిన్ తో గంటపాటు ఈ లవ్ ట్రాక్ ఎన్నోసార్లు చూసి చూసి వున్న టెంప్లెట్ కి తగ్గట్టే వుంది. సెకండాఫ్ లో ఫార్ములా ప్రకారం పాకిస్తాన్ లో సెకండ్ హీరోయిన్ తో మొదలు. దీన్ని ‘రా’ ఏజెంట్ల స్పై కథ అని ఎలా అంటారో తెలీదు. రొటీన్ మూస ఫార్ములా మాస్ యాక్షన్ చట్రంలోనే, అదే ఫీల్ తో స్పై కథలు కూడా వుంటాయని దర్శకుడి నమ్మకం కాబోలు.

ఇక ఈ స్పై కథని పర్సనల్ రివెంజి కథగా కూడా మార్చేశారు. అసలు కథ మొదలైంది ఇబ్రహీం ఖురేషీ బాంబు దాడులు ప్లాన్ చేస్తున్నాడని. అలాటి వాడు తన అనుచరుల్నిచంపితే, తన బాంబు దాడుల పథకం అమలు చేసెయ్యకుండా హీరో ఫ్రెండ్స్ ని కిడ్నాప్ చేసి, పగదీర్చుకుంటా కరాచీ రమ్మంటూ సవాలు చేయడమేమిటో అర్ధంగాదు. ఇది మరో విషయం లేని మూస రివెంజి యాక్షన్ తప్ప స్పై అనుకునే సమస్యే లేదు.

ఎవరెలా చేశారు
గోపీ చంద్ స్పై పాత్ర పోసిస్తున్నట్టు వుండదు. తనకి తెలిసిన మరో యాక్షన్ పాత్ర గానే యాక్షన్ సీన్లు చేశాడు. ‘రా’ ఏజంట్లు డ్యూటీలేక పోతే ఇంకో చోట అండర్ కవర్ ఏజెంట్లుగా ఉద్యోగాలు చేస్తారని ఎవరు చెప్పారో తెలీదు. అండర్ కవర్ ఏజెంట్ గా వున్నాడంటే, అక్కడేదో డ్యూటీలో భాగంగా సీక్రెట్ ఆపరేషన్ చేస్తూంటేనే వుండాలి. అలాటిది గోపీచంద్ ఇలాటిదేమీ లేకుండా అండర్ కవర్ ఏజెంటుగా బ్యాంకుద్యోగం చేయడం సిల్లీగా వుంది. ఈ క్రమంలో మొండి బకాయిల వసూలు అనే పరమ రొటీన్ కామెడీతో హీరోయిన్ ని టీజ్ చేయడం. ఆమె పెంపుడు కుక్కతో అసభ్య కామెడీలు చేయడం, ఆ ప్రేమాయణం అంతా కూడా ఫస్టాఫ్ కి ఎందుకూ పనికి రాకుండా పోయింది. సెకండాఫ్ లో ఫ్రెండ్స్ ని విడిపించుకునే తెలిసిపోయే యాక్షనే. ఈసారి కూడా గోపీచంద్ పాత్రని నిలబెట్టుకోలేక పోయాడు.

ఇక మెహ్రీన్ ఫస్టాఫ్ లో ఇంటర్వెల్ వరకూ స్పేస్ ని భర్తీ చేయడానికి గ్లామర్ బొమ్మలా కన్పించి వెళ్ళిపోతుంది – తన మగ కుక్కకి ఆడ కుక్క కావాలన్నవిఫలమైన కామెడీతో. సెకండాఫ్ లో జరీన్ ఖాన్ రెండో హీరోయిన్ గా పాకిస్తాన్లో హీరోకి తోడ్పాడే జుబేదా అనే డాన్సర్ గా టెంప్లెట్ పాత్రగానే వుంటుంది. బ్యాంకు కామెడీలో సునీల్, పెంపుడు కుక్కల కామెడీతో అలీ పెద్దగా నవ్వించలేక పోతారు. ఇబ్రహీం ఖురేషీ అంటే ఇక్కడ దావూద్ ఇబ్రహీం అన్నమాట. ఈ పాత్రలో రాజేష్ కట్టర్, తమ్ముడి పాత్రలో ఉపేన్ పటేల్ విలన్లుగా పనికిరాలేదు. నాజర్ సరే, తనకి తగ్గ పాత్రే కాదు.

ఇక కెమెరా కాస్త ఫర్వాలేదనుకున్నా, పాటలు, నేపథ్య సంగీతం తేలిపోయాయి. పాటల బాణీలు విచిత్రంగా, అపస్వరాలుగా వున్నాయి, అర్ధంగావడం అలావుంచితే. ఇక పాకిస్తాన్ కరాచీ లొకేషన్లు ఒక మైనస్ కాగా, ఢిల్లీ – కరాచీల మధ్య పాత్రలు అమీర్ పేట – ఆబిడ్స్ తిరుగుతున్నంత ఈజీగా తిరుగుతూంటాయి . హీరోని కరాచీ రమ్మన్న విలన్, బోర్డర్ లోనే కాపుకాసి వేసెయ్యక, ఇంటిదాకా ఎందుకు రప్పించుకుని వేయించుకుంటాడో తెలీదు.

చివరికేమిటి
తమిళ దర్శకుడితో కూడా గోపీచంద్ అదే వరస. ఇక ఈ అరిగిపోయిన మూస సినిమాలాపి కొత్త చానెల్లోకి వస్తేనే మాస్ అయినా చూసేది. మాస్ ఎప్పట్నుంచో తోసిపుచ్చుతున్న టెంప్లెట్ కథల్ని కూడా పసిగట్టి దూరంగా వుంటేనే మేలు. తమిళ దర్శకులు ఈ మధ్య విషయం లేక చతికిల బడుతున్నారు. తిరు క్షవరమవుతోంది. ఇక తమిళ క్రియేటివిటీ మీద నమ్మకం పెట్టుకో నవసరం లేదు. వాళ్ళు సూర్య లాంటి బిగ్ స్టార్స్ నే ఫ్లాప్ చేస్తున్నారు. తెలుగు స్టార్స్ ని ఉద్ధరించేదేమీ వుండదు. సైరా, వార్ ల మధ్య చాణక్య విడుదల చేయడం పొరపాటేమీ కాదు. ఇంకా ఖాళీ చూసుకుని విడుదలచేసినా ఫలితాల్లో మార్పేమీ వుండదు. ఇక చాణక్య టైటిల్ ఎందుకు పెట్టారోగానీ, ఏ విషయంలోనూ ఇందులో చాణుక్యుడి చాణక్య నీతి ఏమీ కనిపించదు.

దర్శకత్వం: తిరు
తారాగణం : గోపిచంద్, మెహ్రీన్ పిర్జాదా, జరీన్ ఖాన్, నాజర్, రాజేష్ కట్టర్, ఉపేన్ పటేల్ తదితరులు
కథ, స్క్రీన్ ప్లే, రచన: అబ్బూరి రవి, సంగీతం : విశాల్ చంద్రశేఖర్, ఛాయాగ్రహణం: వెట్రి పళనిస్వామి
బ్యానర్: ఏకే ఎంటర్‌టైన్‌మెంట్
నిర్మాత : సుంకర రామబ్రహ్మం
విడుదల : అక్టోబర్ 5, 2019
2 / 5

―సికిందర్

Featured Posts

ప్రజాస్వామ్యంలో ప్రభుత్వాలు ఎలా పని చేస్తాయి?

ప్రతీ శాఖకీ ఒక సెక్రటరీ ఉంటారు. ఆ శాఖకి మొత్తం బాధ్యత వారిదే. వీళ్ళకి రాజకీయాలతో పని లేదు. తమ తమ పరిధిలో వారి బాధ్యతలు వారు నిబద్ధతతో నిర్వర్తిస్తారు. అప్పుడప్పుడు రాజకీయ...

ఏపీలో భీభ‌త్సం సృష్టిస్తున్న నిజాముద్దీన్‌!

ఏపీలో నిజాముద్దీన్ భీభ‌త్సం సృష్టిస్తోంది. నిన్న‌ మొన్న‌టి వ‌ర‌కు తెలంగాణ కంటే చాలా త‌క్క‌వ పాజిటివ్ కేసులు న‌మోదైన ఏపీలో బుధ‌వారం ఒక్క‌సారిగా ప‌రిస్థితి మారిపోయింది. గురువారం ఒక్క‌రోజే ఏకంగా 21 పాజిటివ్...

జగన్‌ నిర్ణయానికి మద్దతిచ్చిన చంద్రబాబు!

ఉప్పు, నిప్పులా ఒకరిపై ఒకరు చిటపటలాడుతూ.. తీవ్ర విమర్శలు చేసుకునే అధికార, ప్రతిపక్ష నేతలు వారు. కానీ ఇప్పుడు ఒకరు తీసుకున్న కఠిన నిర్ణయానికి మరొకరు మద్దతుగా నిలిచారు. వందశాతం సమర్థించారు. పైగా...

Recent Posts

మంచు మ‌నోజ్‌కి మండేలా చేసిందెవ‌రు?

క‌రోనా వైర‌స్ ప్ర‌పంచాన్ని వ‌ణికిస్తోంది. ఏ దేశం గురించి విన్నా క‌రోనా మ‌ర‌ణ‌మృదంగ‌మే. దీని భారీ ఉంచి భ‌య‌ట‌ప‌డాలంటే నివార‌ణ ఒక్క‌టే మార్గ‌మ‌ని, అంతా ఇంటి ప‌ట్టునే వుండాల‌ని దేశాల‌న్నీ లాక్‌డౌన్‌ని ప్ర‌క‌టించాయి....

త‌మ్మారెడ్డి భ‌ర‌ద్వాజ ఇంట్లో విషాదం

ప్ర‌ముఖ ద‌ర్శ‌క నిర్మాత త‌మ్మారెడ్డి భ‌ర‌ద్వాజ మాతృమూర్తి కృష్ణ‌వేణి (94) సోమ‌వారం మృతి చెందారు. ఆమె గ‌త కొంత కాలంగా అనారోగ్యంతో బాధ‌ప‌డుతున్నారు. తమ్మారెడ్డి భరద్వాజ తండ్రి త‌మ్మారెడ్డి కృష్ణ‌మూర్తి నిర్మాత కూడా....

ఆ ఇద్ద‌రికి అనిల్ రావిపూడి షాకిస్తున్నాడా?

`ఎఫ్‌2` బ్లాక్ బ‌స్ట‌ర్ అంటే ఇప్ప‌టికీ ఎవ‌రూ న‌మ్మ‌రు. సింపుల్ లైన్‌తో, జ‌బ‌ర్ద‌స్ట్ కామెడీ స్కిట్‌ల‌ని త‌ల‌పించే సీన్‌ల‌తో బ్లాక్ బ‌స్ట‌ర్ హిట్‌ని సొంతం చేసుకున్నాడు అనిల్ రావిపూడి. ఇది సినిమానేనా? అని...

కీర్తి పెళ్లి వార్త‌ల సృష్టిక‌ర్త దొరికిపోయాడు!

సావిత్ర జీవిత క‌థ ఆధారంగా తెర‌కెక్కిన `మ‌హాన‌టి` చిత్రంతో హీరోయిన్ కీర్తి సురేష్ స్థాయే మారిపోయింది. ఈ సినిమాతో ఉత్త‌మ న‌టిగా జాతీయ పుర‌స్కారాన్ని సొంతం చేసుకున్న కీర్తి ప్ర‌స్తుతం వ‌రుస చిత్రాల్లో...

రాజీవ్ క‌న‌కాల కుటుంబంలో విషాదం

న‌ట‌డు రాజీవ్ క‌న‌కాల సోద‌రి...యాంక‌ర్ సుమ ఆడ‌ప‌డుచు శ్రీల‌క్ష్మి మృతి చెందారు. గ‌త‌కొంత కాలంగా క్యాన్స‌ర్ తో బాధ‌ప‌డుతోన్న ఆమె సోమ‌వారం ఓ ప్ర‌యివేటు ఆసుప‌త్రిలో చికిత్స పొందుతూ క‌న్ను మూసారు. శ్రీల‌క్ష్మి...

అక్కినేని కోడ‌లిని..త్రిష‌ని కెలికిన శ్రీ‌రెడ్డి!

కాస్టింగ్ కౌచ్ వివాదంతో టాలీవుడ్‌లో సంచ‌ల‌నం సృష్టించింది శ్రీ‌రెడ్డి. `మా`లో శివాజీరాజా త‌నకు స‌భ్య‌త్వం ఇవ్వ‌లేదంటూ నానా హంగామా చేసి అర్థ‌న‌గ్న ప్ర‌ద‌ర్శ‌న‌తో దేశ వ్యాప్తంగా క‌ల‌క‌లం స‌ష్టించింది. అక్క‌డి నుంచి అదే...

మేము సైతం అంటూ మెగా స్ఫూర్తితో ల‌ఘుచిత్రం

క‌రోనా సాయానికి ఒక్కొక్క‌రు ఒక్కోలా ముందుకొస్తున్నారు. సెల‌బ్రిటీలంతా ఎంతో స్ఫూర్తివంతంగా త‌మ‌వంతు సాయం చేస్తున్నారు. జ‌నాల్ని అప్ర‌మ‌త్తం చేస్తున్నారు. ఈ విష‌యంలో టాలీవుడ్ మెగాస్టార్ చిరంజీవి.. అటు బాలీవుడ్ మెగాస్టార్ అమితాబ్ బ‌చ్చ‌న్...

క‌రోనా పాజిటివ్‌.. న‌టికి షాకిచ్చిన అధికారులు!

ఓ న‌టి అపార్ట్‌మెంట్‌లో కారోనా పాజిటివ్.. రంగంలోకి దిగిన అధికారులు అపార్ట‌మెంట్‌ని మూసివేసి షాకిచ్చారు. ముంబాయిలోని మ‌ల‌ద్ ప్రాంతంలో ఓ అపార్ట్‌మెంట్ వుంది. అందులో బుల్లితెర‌తో పాటు సినిమాల్లో న‌టించే అంకిత లోఖండేతో...

అయ్యో క‌రోనా ఇవేం బెడ్ రూమ్ రాస‌లీల‌లు!

క‌రోనా వైర‌స్ మ‌హ‌మ్మారీ దెబ్బ‌కు ప్ర‌పంచం అల్ల‌క‌ల్లోల‌మ‌వుతోంది. ఈ మ‌హమ్మారిని త‌రిమి కోట్టాలంటే ఎవ‌రికి వారు వ్య‌క్తిగ‌తంగా జాగ్ర‌త్త‌లు తీసుకోవాల‌ని ఓవైపు ప్ర‌భుత్వాలు హెచ్చ‌రిస్తున్నాయి. సామాజిక దూరం పాటించి క‌రోనాని త‌రిమి కొడ‌దాం...

అల.. హిందీ రీమేక్ హీరో ఎవ‌రో తెలుసా?

తెలుగు సినిమాల‌కు హిందీ మార్కెట్లో అనూహ్యంగా డిమాండ్ పెరిగిన సంగ‌తి తెలిసిందే. ఇప్ప‌టికే ప‌లు తెలుగు బ్లాక్ బ‌స్ట‌ర్లు హిందీలో రీమేక్ అవుతున్నాయి. అర్జున్ రెడ్డి హిందీ రీమేక్ క‌బీర్ సింగ్ సంచ‌ల‌నాల...